Urfi Javed : ഇലക്ട്രിക് വയർ കോസ്റ്റ്യൂമാക്കി നടി ഉർഫി ജാവേദ്

മുംബൈ : ഇതും ഫാഷൻ താനെ !!! ഇലക്ട്രിക് വയറുകൊണ്ട് കോസ്റ്റ്യും തീർത്ത് നടിയും സോഷ്യൽ മീഡിയ താരവും കൂടിയായ ഉർഫി ജാവേദ്. വ്യത്യസ്തമായിട്ടുള്ള എയർപ്പോർട്ട് ലുക്കിൽ വൈറിലായിട്ടുള്ള താരത്തിന്റെ ഇലക്ട്രിക് വയർ ലുക്കും സോഷ്യൽ മീഡിയയിൽ ഇടം പിടിച്ചിരിക്കുകയാണ്.

ഒരു മഴുനീളത്തിലുള്ള ഇലക്ട്രിക് കേബിൾ ചുറ്റിയാണ് നടി കോസ്റ്റ്യൂം തീർത്തിരിക്കുന്നത്. നടി തന്നെയാണ് വീഡിയോ തന്റെ സോഷ്യൽ മീഡിയ പേജിൽ പങ്കുവെച്ചിരിക്കുന്നത്. ട്രെൻഡിങ് ആയതിനോടൊപ്പം നടിയുടെ ലുക്ക് ഇപ്പോൾ ട്രോളുകളിലും ഇടം നേടിട്ടുണ്ട്.

ഇനി മറ്റ് നിറങ്ങളിലുള്ള വയറുകൾ ഉപയോഗിച്ച് പരീക്ഷിച്ച് നോക്കണം. ഫാഷൻ എന്നാൽ തനിക്ക് പരീക്ഷണവും പുതിയത് സൃഷ്ടിക്കുക എന്നതാണ് നടി വീഡിയോ പങ്കുവച്ചതിനൊപ്പം സോഷ്യൽ മീഡിയയിൽ കുറിക്കുകയും ചെയ്തു.

സ്വന്തം ഫോട്ടോകൾ, ചാക്കുകൾ, കാർഡ് ബോർഡുകൾ തുടങ്ങിയവ ഉപയോഗിച്ചുകൊണ്ട് ഉർഫി നിരവധി കോസ്റ്റ്യുമുകൾ നിർമിച്ചിട്ടുണ്ട്. അത് വൈറലാകുകയും അതോടൊപ്പം ട്രോളിൽ ഉൾപ്പെടുകയും ചെയ്തിട്ടുണ്ട്.