Singer Jassie Gift : വേദിയിൽ വെച്ച് ജാസി ഗിഫ്റ്റിന്റെ കൈയ്യിൽ നിന്നും മൈക്ക് പിടിച്ച് വാങ്ങി കോളജ് പ്രിൻസിപ്പാൾ; ഒരു കലാകാരനെയും ഇങ്ങനെ അപമാനിക്കരുതെന്ന് ഗായകൻ

കൊച്ചി : ഗായകൻ ജാസി ഗിഫ്റ്റിനെ വേദിയിൽ വെച്ച് മൈക്ക് പിടിച്ച് വാങ്ങി അപമാനിച്ച് കോളജ് പ്രിൻസിപ്പാൾ. കോളജ് ഡേ പരിപാടിയുടെ ഉദ്ഘാടകനായി എത്തി ജാസി ഗിഫ്റ്റിനെയാണ് എറണാകുളം കോലഞ്ചേരി സെന്റ് പീറ്റേഴ്സ് കോളജ് പ്രിൻസിപ്പാൾ അപമാനിച്ചത്. ഗായകൻ സ്റ്റേജിൽ നിന്നും പാടുന്നതിനിടെ വേദിയിലേക്ക് കയറി വന്ന പ്രിൻസിപ്പാൾ മൈക്ക് പിടിച്ചു വാങ്ങി തടയുകയായിരുന്നു. തുടർന്ന് ഗായകൻ പ്രതിഷേധിച്ചുകൊണ്ട് സ്റ്റേജിൽ നിന്നും ഇറങ്ങി പോയി. ഒരു കലാകാരനെയും ഇങ്ങനെ അപമാനിക്കരുതെന്ന് ജാസി ഗിഫ്റ്റ് പിന്നീട് മാധ്യമങ്ങളോടായി പ്രതികരിച്ചു.

ജാസി ഗിഫ്റ്റിനൊപ്പം കോറസ് പാടൻ എത്തിയ ഗായകരെ വിലക്കുകൊണ്ടാണ് പ്രിൻസിപ്പാളിന്റെ നടപടി. ഗായകൻ പാടികൊണ്ടിരുന്നപ്പോൾ സ്റ്റേജിലേക്ക് കയറിയ പ്രിൻസിപ്പാൾ ജാസി ഗിഫ്റ്റിന് മാത്രമെ പാടനുള്ള അനുമതിയുള്ളൂ. ബാക്കിയുള്ളവർക്ക് അനുമതിയില്ലെന്ന് നിലപാടെടുത്തൂ. തുടർന്ന് ഈ നടപടിയിൽ ഗായകൻ പ്രതിഷേധിച്ചുകൊണ്ട് വേദി വിട്ടു.

ഒരു കാലാകരാനെയും ഇങ്ങനെ വേദനിപ്പിക്കരുത്, എല്ലാ പരിപാടിക്കും തന്റെയൊപ്പം കോറസ് പാടാൻ ആളുകൾ എത്താറുണ്ട്. എന്നാൽ ഇക്കാര്യം മനസ്സിലാക്കാതെയാണ് കോളജ് പ്രിൻസിപ്പാളിന്റെ നടപടി. ഇത് ഒരു കലാകാരനെ അപമാനിക്കുന്നതാണ് ജാസി ഗിഫ്റ്റ് മാധ്യമങ്ങളോടായി പ്രതികരിച്ചു.

എന്നാൽ താൻ ചെയ്തതിൽ തെറ്റില്ലയെന്ന് ന്യയികരിക്കുകയാണ് പ്രിൻസിപ്പാൾ. പുറത്ത് നിന്നും ആളുകളെത്തി കോളജിനുള്ള സംഗീതനിശ നടത്തുന്നതിന് നിയന്ത്രണമുണ്ടെന്നും അതുകൊണ്ട് താൻ അങ്ങനെ ഒരു നടപടി സ്വീകരിച്ചതെന്നും കോലഞ്ചേരി സെന്റ് പീറ്റേഴ്സ് കോളജ് പ്രിൻസിപ്പാൾ പ്രതികരിക്കുന്നത്. അതേസമയം പ്രിൻസിപ്പാളിനെതിരെ വിദ്യാർഥികൾ പ്രതിഷേധിക്കുകയും ചെയ്തു.