Kuwait News: ഡ്രൈവിംഗ് ലൈസൻസ് ലഭിക്കുന്നതിന് കൈക്കൂലി; 8 പ്രവാസികൾക്കും ഉദ്യോഗസ്ഥനും തടവുശിക്ഷ

കുവൈത്ത്: കുവൈത്തിൽ ഡ്രൈവിംഗ് ലൈസൻസ് ലഭിക്കുന്നതിന് കൈക്കൂലി നൽകിയ കേസിൽ എ​ട്ടു പ്ര​വാ​സി​ക​ൾ​ക്ക് നാ​ലു​വ​ർ​ഷം ത​ട​വും നാ​ടു​ക​ട​ത്ത​ലും വി​ധിച്ച് കോടതി.  കൂടാതെ കേസിൽ മറ്റൊരു ഉദ്യോഗസ്ഥന് കേസില്‍ത​ട​വും പി​ഴ​യും വിധിച്ചിട്ടുണ്ട്. 

കൈക്കൂലി വാങ്ങൽ, ജോലിയുടെ ചുമതലകൾ ലംഘിച്ച് മറ്റുള്ളവരിൽ നിന്ന് ആനുകൂല്യം സ്വീകരിക്കുക തുടങ്ങിയ കുറ്റങ്ങളാണ് ഉ​ദ്യോ​ഗസ്ഥ​നെ​തി​രെ പ്രോസിക്യൂഷൻ ചു​മ​ത്തിയത്. ഡ്രൈവിംഗ് ലൈ​സ​ൻ​സ് നേ​ടു​ന്ന​തി​ന് കൈ​ക്കൂ​ലി ന​ൽ​കി പ്ര​വാ​സി​ക​ൾ നി​യ​മ​ലം​ഘ​നം ന​ട​ത്തി​യ​താ​യി പ​ബ്ലി​ക് പ്രോ​സി​ക്യൂ​ഷ​ൻ ആ​രോ​പിച്ചിട്ടുണ്ട്.  

സ്വിസ് ബാങ്ക് സൗദിയിൽ ശാഖ തുറക്കും

പ്രമുഖ സ്വിസ് ബാങ്കായ യുബിഎസ്എജിക്ക് സൗദിയിൽ ശാഖ തുറക്കാൻ മന്ത്രി സഭായോഗം അനുമതി നൽകിയാതായി റിപ്പോർട്ട്. കഴിഞ്ഞദിവസം സൽമാൻ രാജാവിന്റെ അധ്യക്ഷതയിൽ ജിദ്ദയിൽ ചേർന്ന മന്ത്രിസഭാ യോഗത്തിലാണ് ചരിത്രപരമായ ഈ തീരുമാനം കൈകൊണ്ടത്. 

വിദേശ രാജ്യങ്ങളിൽ നിന്ന് നേരിട്ടുള്ള നിക്ഷേപം സൗദിയിലേക്ക് ആകർഷിക്കുന്നതിനുള്ള സുപ്രധാന ചുവടുവെപ്പുകളിൽ ഒന്നാണ് ഇതെന്നാണ് വിലയിരുത്തൽ.  ഇതോടെ ഏത് രാജ്യക്കാരനും ഏറ്റവും സുരക്ഷിതമായി പണ നിക്ഷേപം നടത്താൻ സൗകര്യമൊരുക്കുന്ന സ്വിസ് ബാങ്കുകളിലൊന്ന് സൗദിയിലേക്ക് വരുന്നത് എല്ലാത്തരം നിക്ഷേപകരേയും ഒരുപോലെ ആകർഷിക്കുമെന്നാണ് കണക്കുകൂട്ടൽ.