Kuwait: മൃ​ത​ദേ​ഹ​ത്തോ​​ടു​ള്ള അ​നാ​ദ​ര​വാ​യി ക​ണ​ക്കാ​ക്കു​ന്ന​തി​നാല്‍ ദ​ഹി​പ്പി​ക്കാ​ന്‍ അ​നു​മ​തി​യില്ല, ആ​ചാ​രാ​നു​ഷ്ഠാ​ന​ങ്ങ​ള്‍ക്ക് വിലക്കില്ല

Kuwait City: മൃ​ത​ദേ​ഹം സംസ്ക്കരിക്കുന്നതുമായി ബന്ധപ്പെട്ട്  നിര്‍ണ്ണായക നിലപാടുമായി  കുവൈത്ത്.   

കു​വൈ​ത്തി​ല്‍ മൃ​ത​ദേ​ഹ​ങ്ങ​ള്‍ ദ​ഹി​പ്പി​ക്കാ​ന്‍  (Cremation) അ​നു​മ​തി​യി​ല്ലെ​ന്ന്​ കു​വൈ​ത്ത്​ മു​നി​സി​പ്പാ​ലി​റ്റി​യു​ടെ മൃ​ത​ദേ​ഹ സം​സ്​​ക​ര​ണ വി​ഭാ​ഗം മേ​ധാ​വി ഡോ. ​ഫൈ​സ​ല്‍ അ​ല്‍ അ​വ​ദി അറിയിച്ചു. ഇസ്ലാമിക രാ​ജ്യ​മാ​യ കു​വൈ​ത്തിന്‍റെ നി​യ​മ​വ്യ​വ​സ്ഥ അ​നു​വ​ദി​ക്കാ​ത്ത​തി​നാ​ലും ദഹിപ്പിക്കുന്നത് മൃ​ത​ദേ​ഹ​ത്തോ​​ടു​ള്ള അ​നാ​ദ​രവായി കണക്കാക്കുന്നതിനാലുമാണ്  അനുമതി നിഷേധിച്ചത് എന്നും അദ്ദേഹം വ്യക്തമാക്കി. 

എന്നാല്‍, ദ​ഹി​പ്പി​ക്കു​ന്ന​ത്​ ഒ​ഴി​കെ മറ്റ് മ​ത​വി​ഭാ​ഗ​ങ്ങ​ളു​ടെ ആ​ചാ​രാ​നു​ഷ്ഠാ​ന​ങ്ങ​ള്‍ മൃ​ത​ദേ​ഹ സം​സ്​​ക​ര​ണ​ത്തി​നോ​ട​നു​ബ​ന്ധി​ച്ച്‌​ ന​ട​ത്തു​ന്ന​തി​ന്​ രാജ്യത്ത് ത​ട​സ്സ​മി​ല്ല എന്നും അദ്ദേഹം കൂട്ടിച്ചേര്‍ത്തു. 

അതേസമയം, ഈ തീരുമാനം  പ്രവാസികളില്‍ ആശങ്കയുണര്‍ത്തിയിട്ടുണ്ട്. മൃതദേഹം ദഹിപ്പിക്കാനുള്ള അനുമതിയ്ക്കായി  ബു​ദ്ധ, ഹി​ന്ദു മത വി​ഭാ​ഗ​ങ്ങളാണ്  നിവേദനം നല്‍കിയിരുന്നത്. ഇ​ല​ക്​​ട്രി​ക്​ ശ്​​മാ​ശാ​ന​ങ്ങ​ള്‍ ഉ​പ​യോ​ഗി​ച്ച്‌​ മൃ​ത​ദേ​ഹം ദ​ഹി​പ്പി​ക്കാന്‍ അനുമതി തേടിയായിരുന്നു നിവേദനം. 

എന്നാല്‍, നിയ​മ​വ്യ​വ​സ്ഥ അ​നു​വ​ദി​ക്കാ​ത്ത​തി​നാ​ലും മൃ​ത​ദേ​ഹ​ത്തോ​​ടു​ള്ള അ​നാ​ദ​ര​വാ​യി ക​ണ​ക്കാ​ക്കു​ന്ന​തി​നാ​ലും നിവേദനം  തള്ളപ്പെടുകയായിരുന്നു.  കൂടാതെ, 1880 മു​ത​ല്‍ രാ​ജ്യ​ത്ത്​ മൃ​ത​ദേ​ഹം ദ​ഹി​പ്പി​ക്കു​ന്ന​തി​ന്​ വി​ല​ക്ക്​ നി​ല​വി​ലു​ണ്ടെ​ന്ന്​ അധികൃതര്‍  വ്യക്തമാക്കി.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA
ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.