കുട്ടിക്കാലത്ത് ലൈംഗികാതിക്രമത്തിന് ഇരയായ താരങ്ങള്‍
അനുരാഗ് കശ്യപ് : പ്രശസ്ത സംവിധായകനും നിര്‍മ്മാതാവും തിരക്കഥാകൃത്തുമാണ് അനുരാഗ് സിംഗ് കശ്യപ്. തന്നെ ഒരാള്‍ 11 വര്‍ഷത്തോളം ലൈം?ഗികമായി ഉപദ്രവിച്ചെന്ന് അദ്ദേഹം വെളിപ്പെടുത്തിയിട്ടുണ്ട്.
കങ്കണ റണാവത്ത് : മുതിര്‍ന്ന വ്യക്തിയില്‍ നിന്നുണ്ടായ ദുരനുഭവം വെളിപ്പെടുത്തിയ താരമാണ് കങ്കണ റണാവത്ത്. തന്നേക്കാള്‍ മുതിര്‍ന്ന ഒരു വ്യക്തി മോശമായി ശരീരത്തില്‍ സ്പര്‍ശിച്ചെന്നായിരുന്നു കങ്കണയുടെ വെളിപ്പെടുത്തല്‍.
തപ്‌സി പന്നു : ബോളിവുഡിലെ തിരക്കേറിയ നടിമാരിലൊരാളാണ് തപ്‌സി പന്നു. കോളേജില്‍ പഠിക്കുമ്പോള്‍ തനിയ്ക്ക് ബസില്‍ വെച്ച് നിരന്തരം ശാരീരികമായ ഉപദ്രവം നേരിടേണ്ടി വന്നിട്ടുണ്ടെന്ന് തപ്‌സി പന്നു പറഞ്ഞിട്ടുണ്ട്.
ദീപിക പദുക്കോണ്‍ : ബോളിവുഡിലെ താരറാണിയാണ് ദീപിക പദുക്കോണ്‍. തെരുവില്‍ വെച്ച് മോശമായി സ്പര്‍ശിക്കപ്പെട്ടിട്ടുണ്ടെന്ന് താരം മുമ്പ് വെളിപ്പെടുത്തിയിരുന്നു.
അക്ഷയ് കുമാര്‍ : ബോളിവുഡിലെ ഏറ്റവും കൂടുതല്‍ പ്രതിഫലം വാങ്ങുന്ന നടന്‍മാരില്‍ ഒരാളാണ് അക്ഷയ് കുമാര്‍. തനിയ്ക്ക് 6 വയസുള്ളപ്പോള്‍ ലിഫ്റ്റ് മാനില്‍ നിന്ന് ദുരനുഭവം ഉണ്ടായതായി അക്ഷയ് കുമാര്‍ പറഞ്ഞിരുന്നു.
സോനം കപൂര്‍ : ബോളിവുഡിലെ താരസുന്ദരിമാരില്‍ ഒരാളാണ് സോനം കപൂര്‍. 13 വയസുള്ളപ്പോള്‍ നേരിടേണ്ടി വന്ന ലൈംഗികാതിക്രമത്തെ കുറിച്ച് സോനം മുമ്പ് വെളിപ്പെടുത്തല്‍ നടത്തിയിരുന്നു.
ഫാത്തിമ സന ഷെയ്ഖ് : ഒന്നുമറിയാത്ത പ്രായത്തില്‍ ലൈംഗികാതിക്രമം നേരിട്ടതായി വെളിപ്പെടുത്തിയ നടിയാണ് ഫാത്തിമ സന ഷെയ്ഖ്. വെറും 3 വയസുള്ളപ്പോഴാണ് നടിയ്ക്ക് ദുരനുഭവം നേരിടേണ്ടി വന്നത്.