Health Benefits Of Papaya: പഴുത്ത പപ്പായ രുചികരം... ഗുണപ്രദം; രാവിലെ വെറും വയറ്റിൽ കഴിച്ചാൽ ഇത്രയും ഗുണങ്ങൾ
വെറുംവയറ്റിൽ പപ്പായ കഴിക്കുന്നത് നിരവധി ആരോഗ്യ ഗുണങ്ങൾ നൽകുന്നു. രാവിലെ വെറുംവയറ്റിൽ പപ്പായ കഴിക്കുന്നത് എന്തെല്ലാം ആരോഗ്യ ഗുണങ്ങൾ നൽകുമെന്ന് അറിയാം.
പപ്പായ ദഹനപ്രശ്നങ്ങൾക്ക് മികച്ചതാണ്. ഒഴിഞ്ഞ വയറ്റിൽ പപ്പായ കഴിക്കുന്നത് ദഹനം മികച്ചതാക്കാനം മലബന്ധം തടയാനും സഹായിക്കും. നാരുകളാൽ സമ്പുഷ്ടമായ പപ്പായ ദഹനപ്രശ്നങ്ങളെ ചെറുക്കാനും കുടലിൻറെ ആരോഗ്യം മികച്ചതാക്കാനും സഹായിക്കുന്നു.
പപ്പായയിൽ വിറ്റാമിൻ സി ധാരാളമായി അടങ്ങിയിരിക്കുന്നു. ഇത് രോഗപ്രതിരോധശേഷി വർധിപ്പിക്കുന്നതിന് സഹായിക്കുന്നു. രാവിലെ വെറുംവയറ്റിൽ പപ്പായ കഴിക്കുന്നത് രോഗപ്രതിരോധ ശേഷി വർധിപ്പിക്കാനും അണുബാധകളെ ചെറുക്കാനും സഹായിക്കും.
പപ്പായയിൽ അടങ്ങിയിരിക്കുന്ന ആൻറി ഓക്സിഡൻറുകളും വിറ്റാമിനുകളായ സി, ഇ എന്നിവയും ഓക്സിഡേറ്റീവ് സ്ട്രെസിനെ ചെറുക്കാനും ചർമ്മത്തിൻറെ ആരോഗ്യം മികച്ചതാക്കാനും സഹായിക്കുന്നു.
പപ്പായയിൽ കലോറി കുറവാണ്. എന്നാൽ, നാരുകൾ കൂടുതലാണ്. അതിനാൽ തന്നെ ഇത് ശരീരഭാരം കുറയ്ക്കാൻ മികച്ച ഭക്ഷണമാണ്. പപ്പായ ശരീരത്തിൽ ആവശ്യത്തിന് ജലാംശം നൽകുകയും അവശ്യ പോഷകങ്ങൾ നൽകുകയും ചെയ്യുന്നു.
പഴുത്ത പപ്പായ രക്തസമ്മർദ്ദം നിയന്ത്രിക്കാനും ഹൃദയാരോഗ്യം മികച്ചതാക്കാനും സഹായിക്കുന്നു. ഇവയിൽ അടങ്ങിരിക്കുന്ന പൊട്ടാസ്യം രക്തസമ്മർദ്ദം കുറയ്ക്കാനും നാരുകൾ കൊളസ്ട്രോൾ കുറയ്ക്കാനും സഹായിക്കുന്നു. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)