Chanakya Niti: ഇക്കാര്യങ്ങൾ ആരോടും പറയരുതേ...ദോഷം നിങ്ങൾക്ക് തന്നെ!
ഇന്നത്തെ കാലത്ത് ആളുകള്‍ പലപ്പോഴും അവരുമായി ബന്ധപ്പെട്ട കാര്യങ്ങള്‍ പരസ്പരം പങ്കുവെക്കുന്നു. എന്നാൽ പലപ്പോഴും അത് വലിയ പ്രശ്‌നങ്ങൾക്ക് കാരണമായേക്കാം. ജീവിതത്തില്‍ വിജയിക്കാൻ നിങ്ങള്‍ ആഗ്രഹിക്കുന്നുവെങ്കില്‍, ചില രഹസ്യങ്ങള്‍ നിങ്ങളുടെ ഉള്ളില്‍ മാത്രം ഒതുക്കണമെന്ന് ചാണക്യൻ പറയുന്നു.
നിങ്ങളുടെ കുടുംബ പ്രശ്‌നങ്ങളോ ആരോഗ്യ പ്രശ്‌നങ്ങളോ മറ്റ് വ്യക്തിപരമായ പ്രശ്‌നങ്ങളോ ആരോടും പറയരുത്. ഇത്, മറ്റുള്ള ആളുകള്‍ക്ക് നിങ്ങളുടെ ബലഹീനത മുതലെടുക്കാനോ നിങ്ങളെ കളിയാക്കാനോ ഉള്ള അവസരം കൊടുക്കുന്നു.
നിങ്ങളുടെ വരുമാനം, ചെലവുകള്‍, സമ്പാദ്യം, നിക്ഷേപം എന്നിവയെക്കുറിച്ച് ആരോടും പറയരുത്. ഇത് ആളുകള്‍ക്ക് നിങ്ങളോട് അസൂയ ഉണ്ടാക്കുകയോ നിങ്ങളെ മുതലെടുക്കാന്‍ ശ്രമിക്കുകയോ ചെയ്‌തേക്കാം.
നിങ്ങളുടെ വിജയങ്ങള്‍, സന്തോഷം, നേട്ടങ്ങള്‍ എന്നിവയെക്കുറിച്ച് അമിതമായി വീമ്പിളക്കരുത്. ഇത് മറ്റുള്ളവരെ അസൂയപ്പെടുത്തുകയും നിങ്ങളോട് ഒരു നെഗറ്റീവ് ചിന്ത ഉണ്ടാകുകയും ചെയ്യും.
ഭാര്യാഭര്‍ത്താക്കന്മാര്‍ തമ്മിലുള്ള കാര്യങ്ങള്‍ ഒരിക്കലും മൂന്നാമതൊരാളോട് വെളിപ്പെടുത്താന്‍ പാടില്ല. ഇത് ചെയ്യുന്നത് നിങ്ങളുടെ ദാമ്പത്യബന്ധത്തെ ദുര്‍ബലപ്പെടുത്തുകയും കുടുംബത്തില്‍ പിരിമുറുക്കം ഉണ്ടാക്കുകയും ചെയ്യും.
പുരാണഗ്രന്ഥങ്ങളില്‍ ജീവകാരുണ്യത്തിന്റെ മഹത്തായ പ്രാധാന്യം പരാമര്‍ശിക്കപ്പെട്ടിട്ടുണ്ട്. എന്നാല്‍ നിങ്ങള്‍ ദാനം ചെയ്യുന്നത് ആരും അറിയരുത്. ഇത് ദാനത്തിന്റെ പുണ്യഫലങ്ങളെ ബാധിക്കുന്നു. രഹസ്യമായി ചെയ്യുന്ന ദാനമാണ് ഏറ്റവും മികച്ചത്.
ചാണക്യ നീതി പ്രകാരം നിങ്ങളുടെ കരിയര്‍ പ്ലാനുകളോ ബിസിനസ് ആശയങ്ങളോ വ്യക്തിഗത ലക്ഷ്യങ്ങളോ ആരോടും പറയരുത്. ചിലപ്പോൾ ഇതുമൂലം മറ്റുള്ളവര്‍ നിങ്ങളെ ഉപദ്രവിക്കാനോ അതെല്ലാം നിങ്ങളില്‍ നിന്ന് തട്ടിയെടുക്കാനോ ശ്രമിച്ചേക്കാം. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്.)