Green Grapes Benefits: നിങ്ങളുടെ ഈ പ്രശ്നത്തിന് പരിഹാരം..! അറിയണം പച്ചമുന്തിരിയുടെ ഗുണങ്ങൾ
തടി കുറയ്ക്കാൻ ശ്രമിക്കുന്നവർക്ക് മുന്തിരി ഉത്തമമാണ്. കാരണം മുന്തിരിയിൽ കുറഞ്ഞ കലോറിയാണ് അടങ്ങിയിട്ടുള്ളത്. ഇവ കഴിക്കുന്നത് പെട്ടെന്ന് തടി കുറയ്ക്കാൻ സഹായിക്കും.
100 ഗ്രാം മുന്തിരിയിൽ 70 കലോറി മാത്രമേ ഉള്ളൂ. മാത്രമല്ല ശരീരത്തിനാവശ്യമായ പോഷകങ്ങളടെ കാര്യത്തിൽ ഇത് വിട്ടുവീഴ്ച്ച ചെയ്യുന്നുമില്ല.
മുന്തിരിയിൽ നല്ല അളവിൽ കാർബോഹൈഡ്രേറ്റ്, പ്രോട്ടീൻ, നാരുകൾ എന്നിവ അടങ്ങിയിട്ടുണ്ട്. ശരീരഭാരം കുറയ്ക്കാൻ, കുറഞ്ഞ കലോറി ഭക്ഷണങ്ങൾ ഭക്ഷണത്തിൽ ഉൾപ്പെടുത്തേണ്ടത് പ്രധാനമാണ്.
മുന്തിരി കഴിക്കുന്നത് കുറച്ച് കലോറി കൊണ്ട് കൂടുതൽ നേരം വയറു നിറഞ്ഞതായി തോന്നും. ആവശ്യമായ പോഷകാഹാരം ലഭിക്കുന്നതിന് വളരെ സഹായകരമാണ്. മുന്തിരി നാരുകളാൽ സമ്പന്നമാണ്.
വയറ്റിലെ കൊഴുപ്പ് കുറയ്ക്കാനും ശരീരഭാരം കുറയ്ക്കാനും ആഗ്രഹിക്കുന്നവർക്ക് പച്ച മുന്തിരി നല്ലൊരു തിരഞ്ഞെടുപ്പാണ്.
മുന്തിരി ശരീരത്തിന് ഊർജം നൽകുകയും മെറ്റബോളിസം വർദ്ധിപ്പിക്കുകയും ചെയ്യുന്നു.
ഇത് കലോറി വേഗത്തിൽ കത്തിക്കാൻ സഹായിക്കുന്നു.