Roasted Garlic: വറുത്ത വെളുത്തുള്ളി കഴിച്ചിട്ടുണ്ടോ..? ടേസ്റ്റിലും ​ഗുണത്തിലും മുന്നിൽ നിൽക്കുന്ന ഐറ്റം

വെളുത്തുള്ളി വറുത്തതിന് നിരവധി ആരോഗ്യ ഗുണങ്ങളുണ്ട്. 

വറുത്ത വെളുത്തുള്ളി ഹൃദയാരോഗ്യം മെച്ചപ്പെടുത്തുന്നു. വറുത്ത വെളുത്തുള്ളി ഭക്ഷണത്തിൽ ചേർക്കുന്നത് രക്തസമ്മർദ്ദം കുറയ്ക്കാനും കൊളസ്ട്രോൾ കുറയ്ക്കാനും സഹായിക്കും.

വറുത്ത വെളുത്തുള്ളി രോഗപ്രതിരോധ ശേഷി ശക്തിപ്പെടുത്തുന്നു. വെളുത്തുള്ളി നിങ്ങളുടെ ശരീരത്തിന്റെ സ്വാഭാവിക പ്രതിരോധ സംവിധാനങ്ങളെ ശക്തിപ്പെടുത്തുന്നു. നമ്മളെ അലട്ടുന്ന ജലദോഷം, ചുമ എന്നിവയ്ക്കും ഇത് പരിഹാരം നൽകുന്നു. 

വറുത്ത വെളുത്തുള്ളി കുടലിന്റെ ആരോഗ്യം മെച്ചപ്പെടുത്തുന്നു. ഇത് ദഹനവ്യവസ്ഥയിൽ ഗുണം ചെയ്യുന്ന ബാക്ടീരിയകളുടെ വളർച്ചയെ പ്രോത്സാഹിപ്പിക്കുന്നു. ദഹനത്തിന് സഹായിക്കുന്നു.  

ഇതിനായി പുതിയ വെളുത്തുള്ളി തിരഞ്ഞെടുക്കുക. വെളുത്തുള്ളി തൊലി കളഞ്ഞ് സൂക്ഷിക്കുക. ഒലിവ് ഓയിൽ ഒഴിച്ച് ഏകദേശം 30-40 മിനിറ്റ് ചൂടുള്ള തവയിൽ വറുക്കുക. വെളുത്തുള്ളി മൃദുവും സ്വർണ്ണനിറവും ആകുന്നതുവരെ ഫ്രൈ ചെയ്യുക.