Guava Health Benefits: പ്രമേഹം, ഹൃദ്രോ​ഗം, ചർമ്മ സംരക്ഷണം... `ഓൾ ഇൻ വൺ പേരക്ക`

പേരക്കയിൽ അടങ്ങിയിരിക്കുന്ന വിറ്റാമിൻ സി രോ​ഗപ്രതിരോധശേഷി മികച്ചതാക്കുന്നതിനും അണുബാധകളിൽ നിന്ന് സംരക്ഷണം നൽകുന്നതിനും സഹായിക്കുന്നു.

നാരുകളാൽ സമ്പുഷ്ടമായ പേരക്കയ്ക്ക് ​ഗ്ലൈസെമിക് ഇൻഡക്സ് കുറവാണ്. പേരക്കയിൽ അടങ്ങിയിരിക്കുന്ന നാരുകൾ രക്തത്തിലെ പഞ്ചസാരയുടെ അളവ് വർധിക്കുന്നത് തടയുന്നു.

പേരക്ക കഴിക്കുന്നത് രക്തസമ്മർദ്ദം കുറയ്ക്കാനും ചീത്ത കൊളസ്ട്രോൾ കുറയ്ക്കാനും സഹായിക്കും. ഇത് ഹൃദയാരോ​ഗ്യത്തിന് ​ഗുണം ചെയ്യുന്നു.

ശരീരഭാരം കുറയ്ക്കാൻ ശ്രമിക്കുന്നവർക്ക് പേരക്ക നല്ലതാണ്. ഇത് ദഹനം മികച്ചതാക്കുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു.

കരോട്ടിൻ, ലൈക്കോപീൻ, വിറ്റാമിൻ എ, സി തുടങ്ങിയ ആൻ്റിഓക്‌സിഡൻ്റുകളാൽ സമ്പന്നമാണ് പേരക്ക. ഇത് ചർമ്മത്തെ ആരോ​ഗ്യമുള്ളതാക്കുകയും ചർമ്മത്തിലെ ചുളിവുകൾ മാറ്റി തിളക്കമുള്ളതാക്കുകയും ചെയ്യുന്നു.