Hair Growth Tips: മുടി വളർച്ചയ്ക്ക് വെളിച്ചെണ്ണയും കറവേപ്പിലയും... ഉപയോ​ഗിക്കേണ്ടത് ഇങ്ങനെ

മുടി കൊഴിച്ചിലും മുടി പൊട്ടലും തടയാനും മുടി വേഗത്തിൽ വളരാനും കറിവേപ്പിലയും വെളിച്ചെണ്ണയും എങ്ങനെ ഉപയോഗിക്കണമെന്ന് നോക്കാം.

മുടിക്ക് നീളവും കട്ടിയും ലഭിക്കാൻ വെളിച്ചെണ്ണയും കറിവേപ്പിലയും ചേർത്ത് എണ്ണ ഉണ്ടാക്കാം. ഇത് തയ്യാറാക്കുന്നത് എങ്ങനെയെന്ന് നോക്കാം.

അടി കട്ടിയുള്ള ഒരു പാത്രത്തിൽ ആവശ്യത്തിന് വെളിച്ചെണ്ണ ഒഴിക്കുക. എണ്ണ ചെറുതായി ചൂടായി വരുമ്പോൾ ഒരു പിടി കറിവേപ്പില ചേർക്കുക. എണ്ണയുടെ നിറം കറുപ്പ് ആകുന്നത് വരെ ചൂടാക്കുക. ഇത് തണുപ്പിച്ച് അരിച്ചെടുത്ത് ഉപയോഗിക്കാം.

മുടി കഴുകുന്നതിന് രണ്ട് മണിക്കൂർ മുമ്പെങ്കിലും ഈ എണ്ണ തലയോട്ടിയിലും മുടിയിലും തേച്ച് പിടിപ്പിക്കുക. ഇതിന് ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകിക്കളയാം. ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്യുന്നത് ഗുണം ചെയ്യും.

കറിവേപ്പിലയിൽ വിറ്റാമിൻ ബി, വിറ്റാമിൻ സി, പ്രോട്ടീൻ, ഇരുമ്പ്, ആൻറി ഓക്സിഡൻറുകൾ എന്നിവ അടങ്ങിയിട്ടുണ്ട്. ഇത് മുടിയുടെ വളർച്ചയ്ക്ക് ഗുണം ചെയ്യും.