Intelligent Zodiac Signs: ഈ രാശിയിലുള്ളവര്‍ ഏറെ ബുദ്ധിശാലികള്‍, ഇവരെ കബളിപ്പിക്കുക അസാധ്യം
മേടം രാശിക്കാര്‍ (Aries) ജ്യോതിഷ പ്രകാരം മേടം രാശിക്കാർ വളരെ ബുദ്ധിയുള്ളവരാണ്. അവര്‍ എപ്പോഴും ജാഗ്രതയുള്ളവരും കണ്ണും കാതും തുറന്ന് എപ്പോഴും പരിസരം നിരീക്ഷിക്കുകയും ചെയ്യും. ഈ രാശിക്കാരുടെ മനസില്‍ എപ്പോഴും പുതിയ ജോലികൾ ചെയ്യണമെന്ന ആശയം ഉടലെടുത്തുകൊണ്ടിരിയ്ക്കും. ഈ രാശിക്കാര്‍ക്ക് നേത്രുത്വഗുണം ധാരാളമുണ്ട്. ഈ രാശിക്കാര്‍ കഠിനാധ്വാനികളും കരിയറിൽ ഉയർന്ന സ്ഥാനം നേടുന്നവരുമാണ്. ഏറ്റെടുക്കുന്ന ജോലി പൂർത്തിയാക്കിയ ശേഷമേ ഇക്കൂട്ടർ വിശ്രമിക്കൂ എന്നതാണ് ഇവരുടെ മറ്റൊരു പ്രത്യേകത.
മിഥുനം രാശിക്കാര്‍ (Gemini) ജെമിനി രാശിക്കാരുടെ ഗ്രഹം ബുധനാണ്. ബുദ്ധിയുടെയും അറിവിന്‍റെയും ഉറവിടമായി ബുധനെയാണ് കണക്കാക്കുന്നത്. ബുധന്‍റെ സ്വാധീനം മൂലം മിഥുന രാശിക്കാർ വളരെ ബുദ്ധിയുള്ളവരായിരിയ്ക്കും. പഠനത്തില്‍ അവര്‍ വളരെ മുന്നിലാണ്. ഈ ആളുകളുടെ ഏറ്റവും വലിയ പ്രത്യേകത അവര്‍ എല്ലാ കാര്യങ്ങളും ഭംഗിയായി ചെയ്യുന്നു എന്നതാണ്.
കന്നി രാശിക്കാര്‍ (Virgo) കന്നി രാശിയുടെ അധിപനും ബുധനാണ്. ഇക്കാരണത്താൽ, ഈ രാശിയിലുള്ള ആളുകള്‍ വളരെ ബുദ്ധിമാന്മാരും കാര്യങ്ങള്‍ എളുപ്പത്തില്‍ ഗ്രഹിക്കാന്‍ കഴിവുള്ളവരും ആണ്. ഈ ആളുകൾക്ക് എല്ലാ കാര്യത്തിലും വിജയിക്കാനുള്ള അതിശയകരമായ ഒരു അഭിനിവേശമുണ്ട്. അതുകൊണ്ടാണ് അവർ എല്ലാ ജോലികളിലും വിജയിക്കുന്നത്. ഇത്തരക്കാർക്ക് സർക്കാർ ജോലി ലഭിക്കാനുള്ള സാധ്യത ഏറെയാണ്. ഒരു സംവാദത്തിൽ അവരെ ജയിക്കുക എന്നത് മിക്കവാറും അസാധ്യമാണ്.
വൃശ്ചികം രാശിക്കാര്‍ (Scorpio) ജ്യോതിഷ പ്രകാരം വൃശ്ചികം രാശിക്കാരും വളരെ ബുദ്ധിശാലികളാണ്. ഇക്കൂട്ടർ ബുദ്ധിയുള്ളവരും അതുപോലെ മിടുക്കരുംആണ്. മറ്റുള്ളവരില്‍നിന്നും വ്യത്യസ്തമായി വളരെ എളുപ്പത്തിൽ തങ്ങളുടെ ജോലി ചെയ്തു തീർക്കുന്നവരാണ് ഇവര്‍ എന്ന് പറയാം. സുഖസൗകര്യങ്ങൾ നിറഞ്ഞ ജീവിതം നയിക്കുന്ന ഇക്കൂട്ടർ പങ്കാളിക്ക് വേണ്ടി എന്തും ചെയ്യാൻ തയ്യാറാണ്. ഈ രാശിക്കാര്‍ വളരെ നല്ല പങ്കാളികളായി കണക്കാക്കപ്പെടുന്നു.
കുംഭം രാശിക്കാര്‍ (Aquarius) ഈ ആളുകൾക്ക് ബുദ്ധിശക്തി മാത്രമല്ല, ഭാവി സംഭവങ്ങൾ മുൻകൂട്ടി കാണാനുള്ള അത്ഭുതകരമായ കഴിവും ഉണ്ട്. ഇ രാശിക്കാരുടെ ദീർഘവീക്ഷണത്തോടെയുള്ള ചിന്തകൾ ആണ് ഇതിന് കാരണം. അതിനാല്‍ത്തന്നെ ഈ രാശിക്കാര്‍ ശക്തമായ പദ്ധതികൾ തയ്യാറാക്കുകയും അവ നടപ്പിലാക്കുന്നതിലൂടെ വേഗത്തിൽ വിജയിക്കുകയും ചെയ്യുന്നു. അവരുടെ ബുദ്ധിശക്തി വളരെ തീവ്രമാണ്. അവര്‍ യുക്തിയിൽ വളരെ മുന്നിലാണ്, കൂടാതെ കഠിനാധ്വാനികളും കൂടിയാണ്. ഇത്തരക്കാർ മറ്റുള്ളവരുടെ ചിന്തകളും നന്നായി മനസ്സിലാക്കുന്നു. ഈ രാശിക്കാര്‍ ജീവിതത്തിൽ വളരെ വേഗത്തില്‍ വിജയം നേടും.
(നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്. ZEE NEWS അത് സ്ഥിരീകരിക്കുന്നില്ല.)