Phone Charge ചെയ്യുമ്പോള്‍ ഇക്കാര്യങ്ങള്‍ ശ്രദ്ധിക്കാറുണ്ടോ?

മൊബൈല്‍ ചാര്‍ജ് ചെയ്യുമ്പോള്‍ ചില കാര്യങ്ങള്‍ ശ്രദ്ധിക്കേണ്ടതുണ്ട്.   ബാറ്ററി പൂര്‍ണ്ണമായും  തീർന്നുപോയതിനുശേഷം മാത്രമാണ് ചിലർ ഫോൺ ചാർജ്  (Phone Charging) ചെയ്യുന്നത്. അതേസമയം, ചില ആളുകൾ എപ്പോൾ വേണമെങ്കിലും ഫോൺ ചാർജ്ജുചെയ്യുന്നു. , ഫോൺ ചാർജ് ചെയ്യുന്നതിനുള്ള ശരിയായ മാർഗങ്ങള്‍  (Phone Charging Tips) എന്താണെന്ന് പരിശോധിക്കാം.

Phone Charge ചെയ്യുമ്പോള്‍ ചില കാര്യങ്ങള്‍  ശ്രദ്ധിക്കേണ്ടതുണ്ട്.  മിക്ക ആളുകളും എല്ലായ്പ്പോഴും ഫോണിന്‍റെ  ബാറ്ററി  100%  ചാർജ്  ചെയ്യാറാണ് പതിവ്.  എന്നാല്‍ ഇത്  ഫോണിന്‍റെ  ബാറ്ററിക്ക് നല്ലതല്ലെന്നാണ്  Technical Experts പറയുന്നത്. ഫോണ്‍ ചാര്‍ജ്ജ് ചെയ്യുമ്പോള്‍ ഒരു കാര്യം  പ്രത്യേകം ശ്രദ്ധിക്കണം.  100%  ചാര്‍ജ്ജ് ചെയ്യരുത്.   80 - 90% മാത്രമേ ചാര്‍ജ്ജ്  ചെയ്യാവൂ. ഇക്കാര്യം ശ്രദ്ധിച്ചാല്‍  Phone Battery Life വര്‍ദ്ധിക്കും.

ചില ആളുകള്‍ ഉറങ്ങാന്‍ നേരം മൊബൈല്‍ ചാര്‍ജ്ജ് ചെയ്യാന്‍ വയ്ക്കാറുണ്ട്.  ഇങ്ങനെ  ചെയ്യുന്നതിലൂടെ  രാവിലെ ഉണരുമ്പോൾ ഫോണ്‍ 100% ചാര്‍ജ്ജ് ആയിരിയ്ക്കും. എന്നാല്‍,  ഇന്നത്തെ സ്മാർട്ട്‌ഫോണ്‍ പൂർണ്ണമായി ചാർജ്  ആവാന്‍  ഇത്രമാത്രം സമയം  ആവശ്യമില്ല.  കൂടാതെ, ദീര്‍ഘ സമയം ചാര്‍ജ്ജ് ചെയ്യാന്‍ വയ്ക്കുന്നത് ബാറ്ററി  എളുപ്പം കേടാവാന്‍ ഇടയാക്കും.  കൂടാതെ, ഇപ്രകാരം ചെയ്യുന്നത് അപകടങ്ങള്‍ക്കും  വഴിയൊരുക്കും.

20 %  ചാര്‍ജ്ജ് ഉണ്ടെങ്കിൽ ഫോൺ ചാർജ്ജ് ചെയ്യുന്നത്  ഉചിതമാണ്.  20 മുതൽ 80% വരെ ബാറ്ററി ഉള്ളത്  ഫോണിന് അനുയോജ്യമാണ്.  ഇന്ന് ലഭിക്കുന്ന മിക്ക ഫോണുകള്‍ക്കും  Lithium Battery ആണ് ഉള്ളത്.  തുടർച്ചയായി ചാർജ് ചെയ്യുന്നതിലൂടെ അവയുടെ  ആയുസ് നിലനില്‍ക്കും.