Pushpa 2 Collection Record: `പുഷ്പ`യ്ക്ക് മുന്നില്‍ ഇനി രണ്ട് സിനിമകള്‍ മാത്രം... മറികടക്കാന്‍ കോടികള്‍ മാത്രം! സൗത്തിന്റെ പവ്വര്‍
അല്ലു അര്‍ജുനും ഫഹദ് ഫാസിലും പ്രധാന കഥാപാത്രങ്ങളായി എത്തിയ പുഷ്പ-2, ദി റൂള്‍ ബോക്‌സ് ഓഫീസില്‍ പുത്തന്‍ റെക്കോര്‍ഡുകള്‍ തീര്‍ത്ത് കുതിക്കുകയാണ്. കേരളത്തില്‍ ചിത്രത്തിന് വലിയ അഭിപ്രായം നേടാന്‍ ആയില്ലെങ്കിലും വേള്‍ഡ് വൈഡ് കളക്ഷനില്‍ മുന്നോട്ട് തന്നെയാണ്.
പുഷ്പ-2 വിന്റെ ആഗോള കളക്ഷന്‍ 1,500 കോടിയിലേക്ക് എത്തിക്കൊണ്ടിരിക്കുകയാണ്. 11 ദിവസം കൊണ്ട് പുഷ്പ നേടിയത് 1,409 കോടി രൂപയാണ് എന്നാണ് നിര്‍മാതാക്കള്‍ പറയുന്നത്. ആയിരത്തി അഞ്ഞൂറ് കോടി കടക്കാന്‍ ഇനി അധിക ദിവസം വേണ്ടി വരില്ലെന്നും പറയുന്നു.
രണ്ടേ രണ്ട് സിനിമകള്‍ മാത്രമാണ് ആഗോള കളക്ഷന്റെ കാര്യത്തില്‍ പുഷ്പ-2 വിന് മുന്നില്‍ ഉള്ളത്. ആമിര്‍ ഖാന്‍ നായകനായ ദംഗലും പിന്നെ പ്രഭാസിന്റെ ബാബുബലി-2 വും.
ഇന്ത്യന്‍ സിനിമയില്‍ റെക്കോര്‍ഡ് വേള്‍ഡ് വൈഡ് കളക്ഷന്‍ നേടിയത് ആമിര്‍ ഖാന്റെ ദംഗല്‍ ആണ്. 1914 മുതല്‍ 2,500 കോടി രൂപ വരെയാണ് കളക്ഷന്‍ എന്നാണ് വിക്കിപീഡിയയില്‍ നിന്നുള്ള വിവരം. 2016 ല്‍ ആയിരുന്നു ഈ സിനിമ പുറത്തിറങ്ങിയത്.
എസ്എസ് രാജമൗലി സംവിധാനം ചെയ്ത് പ്രഭാസ് നായകനായി അഭിനയിച്ച ബാഹുബലി-2 ആണ് രണ്ടാം സ്ഥാനത്ത്. 1,747 മുതല്‍ 2,500 കോടി രൂപ വരെയാണ് ഇതിന്റെ വേള്‍ഡ് വൈഡ് കളക്ഷന്‍. 2017 ല്‍ ആയിരുന്നു ഈ ചിത്രം പുറത്തിറങ്ങിയത്.
കളക്ഷന്റെ കാര്യത്തില്‍ ഇപ്പോള്‍ തന്നെ ആദ്യ മൂന്ന് സ്ഥാനങ്ങളില്‍ രണ്ടെണ്ണം തെലുങ്ക് സിനിമകളാണ്- ബാഹുബലി-2 ഉം പുഷ്പ-2 ഉം. നാലാം സ്ഥാനത്തുള്ളത് മറ്റൊരു തെലുങ്ക് സിനിമയായ ആര്‍ആര്‍ആര്‍. അഞ്ചാം സ്ഥാനത്ത് കന്നഡ സിനിമയായ കെജിഎഫ് ചാപ്റ്റര്‍ 2 ഉം. ഏഴാം സ്ഥാനത്ത് മറ്റൊരു തെലുങ്ക് സിനിമയായ കല്‍ക്കിയും. ആദ്യ പത്ത് സിനിമകള്‍ എടുത്താല്‍ അതില്‍ അഞ്ചും ദക്ഷിണേന്ത്യയില്‍ നിന്നുള്ള സിനിമകളാണ്.