Remya Nambeesan: സാരിയിൽ സുന്ദരിയായി രമ്യ നമ്പീശൻ, ചിത്രങ്ങൾ കാണാം

വിജയ് സേതുപതിയുടെ നായികയായി സേതുപതിയിൽ അഭിനയിച്ച ശേഷം ഒരുപാട് ആരാധകർ താരത്തിന് ലഭിക്കുകയും ചെയ്തിരുന്നു.

മലയാളത്തിലും ഒരുപിടി നല്ല കഥാപാത്രങ്ങൾ രമ്യ ചെയ്തിട്ടുണ്ട്. ചോക്ലേറ്റ്, ട്രാഫിക്, ചാപ്പ കുരിശ്, ഫിലിപ്സ് ആൻഡ് ദി മങ്കി പെൻ, ജിലേബി, അഞ്ചാം പാതിരാ തുടങ്ങിയ സിനിമകളിൽ രമ്യ വളരെ ശ്രദ്ധേയമായ വേഷങ്ങൾ ചെയ്തിട്ടുണ്ട്.

മഞ്ജു വാര്യർക്ക് ഒപ്പമുള്ള ലളിതം സുന്ദരം എന്ന സിനിമയിലാണ് അവസാനമായി രമ്യ അഭിനയിച്ചത്. ഇത് കൂടാതെ മൂന്ന് തമിഴ് സിനിമകളുടെ ഷൂട്ടിങ്ങും നടക്കുന്നുണ്ട്.

ആനച്ചന്ദം എന്ന സിനിമയിലാണ് രമ്യ ആദ്യമായി നായികയായി അഭിനയിക്കുന്നതെങ്കിലും അതിന് മുമ്പ് കുറച്ച് സിനിമകളിൽ ചെറിയ റോളുകളിൽ രമ്യ അഭിനയിച്ചിട്ടുണ്ട്. 

20 വർഷത്തോളമായി സിനിമയിൽ സജീവമായി നിൽക്കുന്ന രമ്യ അറുപതിൽ അധികം സിനിമകളിലും അഭിനയിച്ചിട്ടുണ്ട്. അഭിനയത്തോടൊപ്പം തന്നെ മനോഹരമായി പാടുകയും ചെയ്യുന്ന ഒരാളാണ് രമ്യ.

ഒരുപാട് സിനിമകളിൽ രമ്യ പാടിയിട്ടുണ്ട്. സോഷ്യൽ മീഡിയകളിൽ മറ്റു താരങ്ങളെ പോലെ രമ്യയും ഏറെ സജീവമാണ്. 

പച്ച സാരി ധരിച്ചുള്ള രമ്യയുടെ ഒരു പുതിയ ഫോട്ടോ ഷൂട്ടിന്റെ ചിത്രങ്ങളാണ് ആരാധകരുടെ മനം കവർന്നിരിക്കുന്നത്. 

സാരിയിൽ ശാലീന സുന്ദരിയായിട്ടുണ്ടെന്നാണ് ആരാധകർ പറയുന്നത്. സെലിബ്രിറ്റി ഫോട്ടോഗ്രാഫറായ പ്രണവ് രാജാണ് രമ്യയുടെ ഫോട്ടോസ് എടുത്തിരിക്കുന്നത്.