Suresh Gopi Movie: കാവലിൻറെ റിലീസിങ്ങ് തീയ്യതി പുറത്ത് വിട്ടു
കസബക്ക് ശേഷം നിതിൻ രഞ്ജി പണിക്കർ രചനയും സംവിധാനവും നിർവ്വഹിക്കുന്ന കാവലിൻറെ റിലീസിങ്ങ് തീയ്യതി പ്രഖ്യാപിച്ചു. സിനിമ തീയറ്ററുകളിൽ തന്നെ റിലീസ് ചെയ്യുമെന്ന് അണിയറ പ്രവർത്തകർ നേരത്തെ അറിയിച്ചിരുന്നു.
ഇൻസ്റ്റഗ്രാം പേജിലൂടെയാണ് സുരേഷ് ഗോപി തീയതി വെളിപ്പെടുത്തിയത്. ജൂലൈ രണ്ടിന് സിനിമ തീയറ്ററുകളിൽ റിലീസ് ചെയ്യുമെന്നാണ് സുരേഷ് ഗോപി അറിയിച്ചിരിക്കുന്നത്, ഫസ്റ്റ് ലുക്ക് പോസ്റ്റർ ഏപ്രിൽ 24ഒാടെ പുറത്ത് വിടുമെന്നും സുരേഷ് ഗോപി വ്യക്തമാക്കുന്നു.
ആക്ഷൻ പ്രധാന്യം കൊടുത്തിരിക്കുന്ന ചിത്രം ഒരു ഫാമിലി ത്രില്ലറായിരിക്കുമെന്നാണ് സൂചന. ചിത്രത്തിൽ സയാ ഡേവിഡ്, ഐ എം വിജയന്‍, അലന്‍സിയര്‍, പത്മരാജ് രതീഷ്, സുജിത് ശങ്കര്‍, സന്തോഷ് കീഴാറ്റൂര്‍, കിച്ചു ടെല്ലസ്, ബിനു പപ്പു, മോഹന്‍ ജോസ്, കണ്ണന്‍ രാജന്‍ പി ദേവ്, മുരുകന്‍, മുത്തുമണി തുടങ്ങിയവരും പ്രധാന വേഷത്തിലെത്തുന്നുണ്ട്.
നേരത്തെ സുരേഷ് ഗോപിയുടെ പിറന്നാൾ ദിവസം കാവലിന്റെ ടീസർ അണിയറ പ്രവർത്തകർ പുറത്തു വിട്ടിരുന്നു. മികച്ച പ്രേക്ഷക സ്വീകാര്യതയായിരുന്നു ഇതിന് ലഭിച്ചത്.