Vipreet Rajyog: 15 ഫെബ്രുവരിവരെ ഈ 4 രാശിക്കാർക്ക് മികച്ച സമയം ഒപ്പം വൻ ധനവർഷവും!
ഫെബ്രുവരി 15 വരെ കുംഭത്തിൽ ശുക്രനും ശനിയും കൂടിച്ചേരുന്നത് ചില രാശിക്കാർക്ക് വൻ ഭാഗ്യം നൽകും. ഈ സമയത്ത് വിപരീത രാജ യോഗം സൃഷ്ടിക്കപ്പെടുന്നു. ഇതിലൂടെ ഈ രാശിക്കാരുടെ ഭാഗ്യം തെളിയും. അത് ഏതൊക്കെ രാശിക്കാർ എന്നറിയാം...
മീനം (Pisces): ജ്യോതിഷ പ്രകാരം മീനരാശിയിൽ രൂപപ്പെടുന്ന വിപരീത രാജയോഗം ഗുണകരമായ നേട്ടമായിരിക്കും ഈ രാശിക്കാർക്ക് നൽകുന്നത്. ഈ രാശിയുടെ സംക്രമം ജാതകത്തിന്റെ 12-ാം ഭാവത്തിലാണ് നടക്കുന്നത്. ഇതിനിടയിലാണ് കേതുവിന്റെ ദൃഷ്ടി രൂപപ്പെടുന്നത്. ഇത്തരമൊരു സാഹചര്യത്തിൽ ഫെബ്രുവരി 15 വരെ ഏത് ജോലിയിൽ ഏർപ്പെട്ടാലും ഇവർക്ക് അതിൽ വൻ വിജയം കൈവരിക്കാൻ കഴിയും. ഏത് ജോലിയും ആരംഭിക്കുന്നതിന് ഈ സമയം വളരെ അനുകൂലമാണ്. അതേസമയം വ്യവസായികൾക്ക് ഈ സമയത്ത് ലാഭം ഉണ്ടാകും. പഴയ നിക്ഷേപങ്ങളിൽ നിന്ന് നിങ്ങൾക്ക് നേട്ടങ്ങളും ലഭിക്കും. ഈ സമയത്ത് വസ്തുവോ വാഹനമോ വാങ്ങാൻ നിങ്ങൾക്ക് യോഗമുണ്ടാകും.
ധനു (sagittarius): ജ്യോതിഷ പ്രകാരം വിപരീത രാജയോഗം ധനു രാശിക്കാർക്ക് വളരെ അനുകൂലമായിരിക്കും. ശനിയുടെയും ശുക്രന്റെയും സംയോഗം ധനു രാശിക്കാരുടെ മൂന്നാം ഭാവത്തിലാണ് നടക്കാൻ പോകുന്നത്. അതുപോലെ കേതുവിന്റെ ദൃഷ്ടിയും ധനു രാശിയിൽ ഈ സമയം പതിയും. ഈ സാഹചര്യത്തിൽ വിദേശ രാജ്യങ്ങളുമായി ബന്ധപ്പെട്ട ബിസിനസ്സിൽ ലാഭം ഉണ്ടാകും. നിങ്ങളെടുത്ത വായ്പ അടച്ചു തീർക്കാൻ കഴിയും. ഇതുകൂടാതെ ആരെങ്കിലും വായ്പയെടുക്കാൻ ആലോചിക്കുന്നുണ്ടെങ്കിൽ അത് ലഭിക്കും. ധനു രാശിക്കാർക്ക് ഏഴരശനിയിൽ നിന്നും ജനുവരി 17 മുതൽ മുക്തി ലഭിച്ചിട്ടുണ്ട്. ഈ സമയത്ത് ഓഹരി നിക്ഷേപം, വാതുവെപ്പ്, ലോട്ടറി തുടങ്ങിയവയിലും നല്ല ഫലം ലഭിക്കും.
കന്നി (Virgo): വിപരീത രാജയോഗം കന്നി രാശിക്കാരുടെ സാമ്പത്തിക സ്ഥിതി മെച്ചപ്പെടുത്തും. ഈ രാശിയുടെ ആറാം ഭാവത്തിലാണ് ഈ യോഗമുണ്ടാകുന്നത്. ഈ സമയത്ത് കേതു സമ്പത്തിന്റെ ഭാവത്തിൽ അവിടെയുണ്ട്. അത്തരമൊരു സാഹചര്യത്തിൽ പെട്ടെന്നുള്ള സാമ്പത്തിക നേട്ടം ഉണ്ടാകാം. അതേസമയം ഈ കാലയളവിൽ കുടുങ്ങിയ പണം വീണ്ടെടുക്കാനാകും. ബിസിനസുകാർക്കും വളരെ ശുഭകരവും ഫലപ്രദവുമാണ്.
കർക്കടകം (Cancer): ശുക്രനും ശനിയും കൂടിച്ചേർന്നതോടെ ഈ രാശിക്കാരുടെ നല്ല നാളുകൾ ആരംഭിച്ചു. വിപരീത രാജയോഗം ഈ രാശിക്കാരുടെ എട്ടാം ഭാവത്തിലാണ് രൂപപ്പെടുന്നത്. അത്തരമൊരു സാഹചര്യത്തിൽ ഓഹരികൾ, വാതുവെപ്പ്, ലോട്ടറി മുതലായവയിൽ നിന്ന് ലാഭമുണ്ടാകാനുള്ള സാധ്യതയുണ്ട്. ഇതോടൊപ്പം നിങ്ങളുടെ സാമ്പത്തിക സ്ഥിതിയും ശക്തിപ്പെടും. തൊഴിൽ ചെയ്യുന്നവർക്കും ഈ സമയം വളരെ മികച്ചതായിരിക്കും. പുതിയ ജോലി ഓഫർ വന്നേക്കാം. വ്യാപാരികൾക്ക് നല്ല ഓർഡറുകൾ ലഭിച്ചേക്കാം.
(Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെയും വിവരങ്ങളെയും അടിസ്ഥാനമാക്കിയുള്ളതാണ്)