Vishu Phalam: വിഷുഫലം 2024; ഈ രാശിക്കാര്‍ക്ക് നഷ്ടങ്ങള്‍ മാത്രം! ശത്രുദോഷം, അപകടങ്ങൾ
രോഹിണി : രോഹിണി നക്ഷത്രക്കാരെ സംബന്ധിച്ച് വിഷുഫലം അത്ര നല്ലതല്ല. അനാവശ്യ ചിന്തകള്‍, കാര്യതടസം, ധനനഷ്ടം, രോഗബാധ, അനിയന്ത്രിതമായ ചിലവ് എന്നിവയാണ് ഈ നക്ഷത്രക്കാരെ കാത്തിരിക്കുന്നത്. വിഷ്ണു ഭഗവാന് വ്യാഴാഴ്ചകളില്‍ അര്‍ച്ചന നടത്തുന്നത് ആശ്വാസമേകും.
മകയിരം: മാനസികമായി വിഷമങ്ങള്‍ നേരിടാനുള്ള സാധ്യതയാണ് ഈ നക്ഷത്രക്കാരുടെ വിഷുഫലത്തില്‍ കാണുന്നത്. പ്രതീക്ഷിക്കാത്ത നഷ്ടങ്ങളുണ്ടാകും. സാമ്പത്തിക നില പരുങ്ങലിലാകും. വരുമാനത്തില്‍ കവിഞ്ഞ ചിലവ് നേരിടേണ്ടി വരും. രോഗങ്ങള്‍ അലട്ടും.
തിരുവാതിര: സാമ്പത്തികമായി വലിയ വെല്ലുവിളികള്‍ നേരിടാന്‍ പോകുന്ന സമയാണ് ഇനി ഈ നക്ഷത്രക്കാരെ കാത്തിരിക്കുന്നത്. വരുമാനം കുറയുന്നതിന് പുറമെ ചിലവ് കൂടും. വിചാരിക്കുന്ന കാര്യങ്ങള്‍ നടക്കാതെ വരും. രാഷ്ട്രീയ രംഗത്ത് പ്രവര്‍ത്തിക്കുന്നവര്‍ക്കും മോശം സമയമാണ്. ബിസിനസ് രംഗത്ത് പ്രവര്‍ത്തിക്കുന്നവര്‍ക്ക് നഷ്ടം നേരിടേണ്ടി വരും. പരമശിവനും മഹാവിഷ്ണുവിനും വഴിപാട് നടത്താം.
അത്തം : ഈ നക്ഷത്രക്കാരുടെ കുടുംബാന്തരീക്ഷം മോശമാകും. ബന്ധുക്കള്‍ ശത്രുക്കളാകും. ഇവരില്‍ നിന്ന് വിചാരിക്കാത്ത പ്രവൃത്തികള്‍ ഉണ്ടാകും. ഇത് വലിയ കലഹങ്ങളിലേയ്ക്ക് നയിക്കും. ഇതുവഴി കുടുംബ കലഹം, കുടുംബത്തില്‍ ശത്രുത എന്നിവ ഉടലെടുക്കും. ഇവയെല്ലാം മനക്ലേശത്തിനും മാനസിക സമ്മര്‍ദ്ദത്തിനും ഇടയാക്കും.
ചിത്തിര : ചെയ്യുന്ന കാര്യങ്ങളില്‍ നിന്ന് വിചാരിക്കുന്ന ഫലം ലഭിക്കില്ല. ഇത് മാനസികമായി തളര്‍ത്തും. സുഹൃത്തുക്കളില്‍ നിന്ന് മോശം അനുഭവം ഉണ്ടാകും. കുടുംബത്തില്‍ സമാധാനം കുറയും. ശത്രുദോഷം നേരിടേണ്ടി വരും. എന്ത് ചെയ്താലും തടസങ്ങളുണ്ടാകും. മഹാവിഷ്ണുവിനെയും ദേവിയേയും ഭജിക്കുന്നത് നല്ലതാണ്.
ചോതി : ഈ നക്ഷത്രക്കാര്‍ക്ക് ശത്രുദോഷമാണ് വിഷുഫലമായി കാണുന്നത്. കുടുംബത്തില്‍ അസ്വാരസ്ഥ്യങ്ങള്‍ ഉടലെടുക്കും. ബന്ധുക്കള്‍ ശത്രുക്കളാകും. തൊഴില്‍ രംഗത്തും ബിസിനസിലും തിരിച്ചടികളുടെ കാലമാണ്. സാമ്പത്തിക നഷ്ടവും ഫലത്തിലുണ്ട്. ഗണിപതിയെയും ദേവിയെയും പൂജിക്കുന്നത് ഗുണകരമാണ്.
തിരുവോണം : ഈ നക്ഷത്രക്കാര്‍ക്ക് ഏഴര ശനിയുടെ അപഹാര കാലമാണ്. ഇവര്‍ കേസുകളില്‍ പെടാനുള്ള സാധ്യതയുണ്ട്. തൊഴില്‍ രംഗത്ത് പ്രശ്‌നങ്ങളുണ്ടാകും. എന്തിനും തടസം നേരിടും. ജോലി നഷ്ടപ്പെടാന്‍ പോലുമുള്ള സാധ്യതയുണ്ട്. ശാസ്താവിന് എള്ളുതിരി കത്തിച്ച് പ്രാര്‍ത്ഥിക്കുന്നത് നല്ലതാണ്.
അവിട്ടം : അപകടങ്ങളും കേസുകളും ഉണ്ടാകാനുള്ള സാധ്യതയുണ്ട്. ആവശ്യമില്ലാത്ത കൂട്ടുകെട്ടുകളുണ്ടാകും. വീട് വിട്ട് മാറി നില്‍ക്കേണ്ടി വരും. സാമ്പത്തിക നഷ്ടം കാണുന്നുണ്ട്. ശനിയാഴ്ചകളില്‍ എള്ളുതിരി കത്തിക്കുകയും ശനീശ്വര ഭജനം നടത്തുന്നതും നല്ലതാണ്.
ചതയം : ഈ നക്ഷത്രക്കാര്‍ക്ക് ഏഴര ശനി ദോഷം വരുന്ന സമയമാണ്. അപകടങ്ങള്‍ നേരിടേണ്ടി വരും. തൊഴില്‍ മേഖലയില്‍ തടസങ്ങളുണ്ടാകും. പക്ഷിമൃഗാദികളില്‍ നിന്ന് ഉപദ്രവങ്ങള്‍ നേരിടും. എള്ളുതിരി കത്തിച്ച് തലയ്ക്ക് ഉഴിഞ്ഞിടണം.