viral video: `ഞാൻ അമരേന്ദ്ര ബാഹുബലി` TikTok ൽ തരംഗമായി വാർണർ..

കോറോണ വൈറസ് വ്യാപിച്ചതിനെ തുടർന്ന് lock down പ്രഖ്യാപിച്ചതോടെ TikTok ഉം ലൈവ് ചാറ്റുമായി വീട്ടിൽ അടിച്ചു പൊളിക്കുകയാണ് ഓസ്‌ട്രേലിയന്‍ ക്രിക്കറ്റ് താരം ഡേവിഡ് വാര്‍ണര്‍.

കുടുംബത്തോടൊപ്പമാണ് അദ്ദേഹം ടിക്ക് ടോക്ക് വീഡിയോകള്‍ ചെയ്യുന്നത്. ഭാര്യയും മകളുമൊത്തുള്ള അദ്ദേഹത്തിന്റെ മിക്ക വീഡിയോകളും സോഷ്യൽ മീഡിയയിൽ തരംഗമാണ്. മകളുടെ നിർബന്ധ പ്രകാരമാണ് അദ്ദേഹം TikTok ൽ സജീവമായത് എന്നാണ് റിപ്പോർട്ട്.   ഇപ്പോഴിതാ പുതിയൊരു വീഡിയോയുമായി എത്തിയിരിക്കുകയാണ് താരം.

അത് മറ്റൊന്നുമല്ല തെലുങ്ക് സൂപ്പർഹിറ്റ് ചിത്രമായ ബഹുബലിയിലെ ഡയലോഗുമായിട്ടാണ് ഇത്തവണ ഡേവിഡ് വാർണർ എത്തിയിരിക്കുന്നത്.  ഡയലോഗ് മാത്രമല്ല ബാഹുബലിയുടെ വേഷവിധാനത്തിലാണ് അദ്ദേഹം വീഡിയോയിൽ പ്രത്യക്ഷപ്പെട്ടിരിക്കുന്നത്. 

ഈ സിനിമ ഏതാണെന്ന് പറയാമോ എന്ന് ചോദിച്ചുകൊണ്ട് അദ്ദേഹം ഇൻസ്റ്റാഗ്രാമിലും പോസ്റ്റ് ഇട്ടിട്ടുണ്ട്.    

തെലുങ്ക് നടന്‍ അല്ലു അര്‍ജുന്റെ സിനിമയായ അല വൈകുന്ദപുരമുലു എന്ന സിനിമയിലെ 'ബുട്ടബൊമ്മ ബുട്ടബൊമ്മ' എന്ന ഗാനത്തിന് വാര്‍ണറും ഭാര്യയും ചുവടുവച്ചത് ഇതിനകം വൈറൽ ആയിട്ടുണ്ട്.