IND vs AFG Predicted Eleven : അഫ്ഗാനിസ്ഥാനെതിരെയുള്ള ടി20 പരമ്പരയ്ക്കുള്ള തയ്യാറെടുപ്പിലാണ് ഇന്ത്യൻ ടീം. രോഹിത് ശർമയും വിരാട് കോലിയും ഏറെ നാളുകൾക്ക് ശേഷം ടി20യിൽ മത്സരിക്കാൻ ഇറങ്ങുകയാണ്. കൂടാതെ മലയാളി താരം സഞ്ജു സാംസണും ടീമിൽ ഇടം നേടിയത് അഫ്ഗാനിസ്ഥാനെതിരെയുള്ള പരമ്പര ശ്രദ്ധേയമാക്കുന്നു. ഈ വർഷം അവസാനം നടക്കുന്ന ടി20 ലോകകപ്പിനുള്ള ഇന്ത്യയുടെ തയ്യാറെടുപ്പാണ് അഫ്ഗാനെതിരെയുള്ള പരമ്പരയിലൂടെ ആരംഭിക്കുന്നത്. ഏത് വിധേനയും പ്ലേയിങ് ഇലവനിൽ ഇടം കണ്ടെത്തി തങ്ങളുടെ മികവ് വെളിപ്പെടുത്താനാണ് താരങ്ങൾ ശ്രമിക്കുക. 


COMMERCIAL BREAK
SCROLL TO CONTINUE READING

മലയാളി വിക്കറ്റ് കീപ്പർ താരം സഞ്ജു സാംസൺ ഇന്ത്യയുടെ പ്ലേയിങ് ഇലവനിൽ ഇടം നേടുമോ എന്നറിയാൻ കാത്തിരിക്കുകയാണ് ആരാധകർ. അതേസമയം സഞ്ജുവിന്റെ കാര്യത്തിൽ ജനുവരി 11ന് ആരംഭിക്കുന്ന പരമ്പരയിൽ സാധ്യത വളരെ കുറവാണ്. ക്യാപ്റ്റൻ രോഹിത് ശർമ സഞ്ജുവിന് പകരം മറ്റൊരു താരത്തെ പ്ലേയിങ് ഇലവനിലേക്ക് പരിഗണിക്കാനാണ് സാധ്യത. കൂടാതെ താരനിബിഢമായിരിക്കുന്ന ഇന്ത്യൻ പ്ലേയിങ് ഇലവനിൽ ഇടം നേടാൻ സഞ്ജു ഭാഗ്യത്തിന് വേണ്ടി കാത്തിരിക്കേണ്ടി വരും.


ALSO READ : IND vs AFG : രോഹിത്തും കോലിയും ഓപ്പണിങ് ഇറങ്ങും; സഞ്ജു നാലാമൻ; അഫ്ഗാനെതിരെയുള്ള സാധ്യത പ്ലേയിങ് ഇലവൻ ഇങ്ങനെ


സ്ക്വാഡിൽ ഇടം നേടിട്ടുള്ള മറ്റൊരു വിക്കറ്റ് കീപ്പർ താരമുള്ളതിനാലാണ് സഞ്ജുവിന്റെ പ്ലേയിങ് ഇലവൻ സാധ്യതയ്ക്ക് മങ്ങൽ ഏൽക്കുന്നത്. ടി20യിൽ ഫിനിഷർ സ്പെഷ്യലിസ്റ്റായ ജിതേഷ് ശർമയ്ക്കാകും രോഹിത് ശർമ അഫ്ഗാനെതിരെയുള്ള പരമ്പരയിൽ ഗ്ലൗസ് അണിയാൻ ചുമതല നൽകുക. ഇഷാൻ കിഷൻ, കെ.എൽ രാഹുൽ എന്നീ വിക്കറ്റ് കീപ്പർ താരങ്ങൾക്ക് ബിസിസിഐ വിശ്രമം അനുവദിച്ചതോടെയാണ് സഞ്ജുവിന് ഇന്ത്യയുടെ ടി20 സ്ക്വാഡിലേക്ക് ക്ഷണം ലഭിച്ചിരിക്കുന്നത്. ടോപ് ഓർഡറിലേക്ക് പരിഗണിക്കുമ്പോൾ കോലി, ശുഭ്മാൻ ഗിൽ, യശ്വസ്വി ജയ്സ്വാൾ എന്നീ താരങ്ങളുടെ വെല്ലുവിളി സഞ്ജുവിനുണ്ട്.


സഞ്ജുവിന് പുറമെ മുകേഷ് കുമാർ അക്സർ പട്ടേൽ എന്നീ താരങ്ങളും പ്ലേയിങ് ഇലവനിൽ ഇടം നേടാൻ ഭാഗ്യം കടാക്ഷിക്കണം. ടി20 സ്പെഷ്യലിസ്റ്റ് താരമല്ലാത്തെ മുകേഷിന് പുറത്തിരുത്തി അവേശ് ഖാനാകും പരമ്പരയിൽ ഇലവനിൽ എത്താൻ സാധ്യതയുള്ള താരം. അർഷ്ദീപ് സിങ്ങാകും പ്രധാന പേസർ. രണ്ട് പേസറെ ഇന്ത്യ പരമ്പരയിൽ ഇറക്കുക. അതിനാൽ മുകേഷിനുള്ള സാധ്യത വളരെ കുറവായിരിക്കും. അക്സർ പട്ടേലിനുള്ള വെല്ലുവിളി താരത്തിന്റെ അതേശൈലിയിലുള്ള വാഷിങ്ടൺ സുന്ദറാണ്. എന്നാൽ അടുത്തിടെയുള്ള പ്രകടനം വെച്ച് നോക്കുമ്പോൾ ഇലവനിലേക്കെത്താൻ സാധ്യത തമിഴ്നാട് താരമാകും.


ഇന്ത്യയുടെ സാധ്യത പ്ലെയിങ് ഇലവൻ: രോഹിത് ശർമ, വിരാട് കോലി, യശ്വസ്വി ജയ്‌സ്വാൾ, ശുഭ്മാൻ ഗിൽ, ജിതേഷ് ശർമ, റിങ്കു സിങ്, വാഷിങ്ടൺ സുന്ദർ, ആവേശ് ഖാൻ, അർഷ്ദീപ് സിങ്, കുൽദീപ് യാദവ്.


ജനുവരി 11നാണ് ഇന്ത്യ അഫ്ഗാനിസ്ഥാൻ ടി20 പരമ്പരയ്ക്ക് തുടക്കമാകുക. മൂന്ന് മത്സരങ്ങളുടെ പരമ്പരയാണ് ഇന്ത്യക്ക് അഫ്ഗാനെതിരെയുള്ളത്. മൊഹാലിയിൽ വെച്ചാണ് ആദ്യ മത്സരം. തുടർന്ന് 14-ാം തീയതി ഇൻഡോറിലും 17ന് ബെംഗളൂരുവിൽ വെച്ചാണ് പരമ്പരയിലെ ബാക്കി രണ്ട് മത്സരങ്ങൾ സംഘടിപ്പിക്കുക.


ഇന്ത്യയുടെ സ്ക്വാഡ്: രോഹിത് ശർമ്മ (ക്യാപ്റ്റൻ), ശുഭ്മാൻ ഗിൽ, യശ്വസ്വി ജയ്‌സ്വാൾ, വിരാട് കോലി, തിലക് വർമ്മ, റിങ്കു സിങ്, ജിതേഷ് ശർമ്മ (വിക്കറ്റ് കീപ്പർ), സഞ്ജു സാംസൺ (വിക്കറ്റ് കീപ്പർ), ശിവം ദുബെ, വാഷിങ്ടൺ സുന്ദർ, അക്‌സർ പട്ടേൽ, രവി ബിഷ്‌ണോയ്, കുൽദീപ് യാദവ്, അർഷ്ദീപ് സിംഗ്, അവേശ് ഖാൻ, മുകേഷ് കുമാർ


അഫ്ഗാനിസ്ഥാൻ സ്‌ക്വാഡ്: ഇബ്രാഹിം സദ്രാൻ (ക്യാപ്റ്റൻ), റഹ്മാനുള്ള ഗുർബാസ് (വിക്കറ്റ് കീപ്പർ), ഇക്രം അലിഖിൽ (വിക്കറ്റ് കീപ്പർ), ഹസ്രത്തുള്ള സസായി, റഹ്മത്ത് ഷാ, നജീബുള്ള സദ്‌റാൻ, മുഹമ്മദ് നബി, കരീം ജനത്, അസ്മുള്ള ഒമർസായി, എഫ്, ഷറഫുദ്ദീൻ അഷ്‌റഖ്, എഫ്. ഫരീദ് അഹമ്മദ്, നവീൻ ഉൽ ഹഖ്, നൂർ അഹമ്മദ്, മുഹമ്മദ് സലീം, ഖായിസ് അഹമ്മദ്, ഗുൽബാദിൻ നായിബ്, റാഷിദ് ഖാൻ.



ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy 


ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.