ISL 2023-24 : ഐഎസ്എല്ലിൽ ഇന്ന് സതേൺ ഡെർബി; കേരള ബ്ലാസ്റ്റേഴ്സ് ചെന്നൈയിൻ മത്സരം എപ്പോൾ, എവിടെ കാണാം?

ISL 2023-24 Kerala Blasters vs Chennayin FC Live : ജയം തുടരാനായി കേരള ബ്ലാസ്റ്റേഴ്സ് ഇന്ന് ചെന്നൈയിൻ എഫ്സിക്കെതിരെ ഇറങ്ങും. കൊച്ചി കലൂർ ജവഹർലാൽ നെഹ്റു സ്റ്റേഡയത്തിൽ ഇറങ്ങുന്ന കേരളത്തിന്റെ കൊമ്പന്മാർ ജയത്തിൽ കുറഞ്ഞതൊന്നും തങ്ങളുടെ മുന്നിൽ കാഴ്ചവെക്കാൻ ഉദ്ദേശിക്കുന്നില്ല. ജയം നേടിയാൽ ബ്ലാസ്റ്റേഴ്സിന് വീണ്ടും പോയിന്റ് പട്ടികയിൽ ഒന്നാം സ്ഥാനത്തേക്ക് ഉയരാൻ സാധിക്കും. സീസണിൽ എട്ടാം മത്സരത്തിനാണ് മഞ്ഞപ്പട കലൂരിൽ ഇന്ന് ഇറങ്ങുന്നത്.

ഡയമന്റകോസ് ദിമിത്രി സസ്പെൻഷൻ കഴിഞ്ഞ് ടീമിൽ തിരികെയെത്തുന്നത് ബ്ലാസ്റ്റേഴ്സിന് കൂടുതൽ പ്രതീക്ഷയാണ്. നൽകുന്നത്. കൂടുതൽ ഗോളുകൾ വീഴുമെന്ന് പ്രതീക്ഷിയാണ് ആരാധകർക്ക്. ദിമിത്രി പ്ലേയിങ് ഇലവനിലേക്ക് വന്നപ്പോൾ ഡൈസൂക്കയെ ബഞ്ചിലിരുത്തി. കെപി രാഹുലും പ്രബീർ ദാസുമാണ് കേരളത്തിന്റെ പ്ലേയിങ് ഇലവനിൽ ഇടം നേടിയിരിക്കുന്നത്.

കേരളത്തിന്റെ പേയിങ് ഇലവൻ - സച്ചിൻ സുരേഷ്, പ്രബീർ ദാസ്, ഹോർമിപാം, മിലോസ് ദിരിൻച്ച്, നോച്ചാ സിങ്, വിബിൻ, ഡാനിഷ് ഫറൂഖി, രാഹുൽ കെപി, അഡ്രിയാൻ ലൂണ, പെപ്പ്ര, ദിമിത്രിയോസ്
ബെഞ്ചിൽ- കരണജിത്, ലെസ്കോവിച്ച്, പ്രീതം കോട്ടാൽ, സന്ദീപ്, അസർ, ഐയ്മൻ, സൌരവ്, ഡൈസൂക്കെ, ഇഷാൻ പണ്ടിത

കേരള ബ്ലാസ്റ്റേഴ്സ്- ചെന്നൈയിൻ എഫ് സി മത്സരം എവിടെ, എപ്പോൾ കാണാം?

കേരള ബ്ലാസ്റ്റേഴ്സ് ചെന്നൈയിൻ എഫ് സി മത്സരത്തിന്റെ കിക്കോഫ് ഇന്ത്യൻ സമയം രാത്രി എട്ട് മണിക്കാണ്. റിലയൻസിന്റെ നെറ്റ്വർക്ക് 18നാണ് ഇത്തവണത്തെ ഐഎസ്എൽ മത്സരങ്ങളുടെ സംപ്രേഷണവകാശം. സ്പോർട്സ് 18 ചാനലിലൂടെ മത്സരങ്ങൾ തത്സമയം കാണാൻ സാധിക്കുന്നതാണ്. കൂടാതെ സൂര്യ മൂവീസിലും ന്യൂസ് 18 മലയാളം ചാനലിലിലും കേരള ബ്ലാസ്റ്റേഴ്സിന്റെ മത്സരങ്ങൾ തത്സമയം കാണാൻ സാധിക്കുന്നതാണ്.

ജിയോ സിനിമ ആപ്പിലൂടെയാണ് ഓൺലൈൻ സംപ്രേഷണം. ഇംഗ്ലീഷ്, ഹിന്ദിക്ക് പുറമെ, മലയാളം,. തമിഴ്, തെലുങ്ക്, കന്നഡ, ബാംഗ്ല ഭാഷകളിൽ ഐഎസ്എൽ മത്സരങ്ങളുടെ തത്സമയവതരണം ഉണ്ടായിരിക്കുന്നതാണ്.