`യൂ വിൽ നെവർ വാക്ക് എലോൺ`; നിനക്കൊപ്പം ഞങ്ങളുണ്ട്... റൊണാൾഡോയുടെ ദുഖത്തിൽ പങ്കുചേർന്ന് ലിവർപൂൾ ആരാധകർ
റൊണാൾഡോയുടെ ജേഴ്സി നമ്പർ ആയ ഏഴിന്റെ സൂചനയായി മത്സരത്തിന്റെ ഏഴാം മിനിറ്റിൽ റൊണാൾഡോയ്ക്കായി ആൻഫീൽഡിലെ കാണികൾ എല്ലാവരും ചേർന്ന് ഒരു മിനിറ്റ് നേരം തുടർച്ചയായി കൈകളടിച്ച് പിന്തുണ നൽകി
ലിവർപൂൾ: കുഞ്ഞിന്റെ വിയോഗത്തിൽ ദുഖിതനായ ക്രിസ്റ്റ്യാനോ റൊണാൾഡോയ്ക്ക് പിന്തുണയുമായി ലിവർപൂൾ ആരാധകർ. ഇംഗ്ലീഷ് പ്രീമിയർ ലീഗിലെ ലിവർപൂൾ-മാഞ്ചസ്റ്റർ യുണൈറ്റഡ് മത്സരത്തിന്റെ ഏഴാം മിനിറ്റിലാണ് ലിവർപൂൾ ആരാധകർ ആൻഫീൽഡ് സ്റ്റേഡിയത്തിൽ ക്രിസ്റ്റ്യാനോയ്ക്ക് പിന്തുണ അർപ്പിച്ചത്. കഴിഞ്ഞ ദിവസം ക്രിസ്റ്റ്യാനോയ്ക്കും പങ്കാളി ജോർജിനോയ്ക്കും ഇരട്ടകുട്ടികൾ പിറന്നു. എന്നാൽ ആൺകുട്ടി മരിച്ചു. മകന്റെ വിയോഗ വാർത്ത താരം പങ്കുവച്ചിരുന്നു. പെൺകുട്ടിയെ മാത്രമാണ് രക്ഷിക്കാനായതെന്നും ഈ അവസ്ഥയിൽ കൂടെ നിന്ന് ഡോക്ടർമാർക്കും ആരോഗ്യപ്രവർത്തകർക്കും നന്ദി അറിയിക്കുന്നുവെന്നും താരം ഇൻസ്റ്റഗ്രാമിൽ കുറിച്ചിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...