സാംസങ് ഗാലക്സി M01s സ്മാര്‍ട്‌ഫോണ്‍ ഇന്ത്യയില്‍ അവതരിപ്പിച്ചു
മൈക്രോ എസ്ഡി കാര്‍ഡ് വഴി 512 ജിബി സ്റ്റോറജ് എക്‌സ്പാന്‍ഡ് ചെയ്യാനുള്ള സംവിധാനവും ഈ സ്മാര്‍ട്ട്‌ഫോണില്‍ സാംസങ് നല്‍കിയിട്ടുണ്ട്.
സാംസങിന്റെ ബജറ്റ് സെഗ്മെന്റില്‍ ഏറെ ശ്രദ്ധ നേടിയ ഡിവൈസായ ഗാലക്സി M01s പുറത്തിറങ്ങി. മീഡിയടെക് ഹെലിയോ പി 22 ചിപ്സെറ്റ് ഒഴികെ ഗാലക്സി M01s സ്മാര്‍ട്ട്‌ഫോണില്‍ മറ്റെല്ലാ സവിശേഷതകളും പിന്‍തലമുറ ഡിവൈസിന്റേത് തന്നെയാണ്.
സാംസങ് ഗാലക്സി M01s സ്മാര്‍ട്ട്‌ഫോണിന്റെ 3 ജിബി റാമും 32 ജിബി ഓണ്‍ബോര്‍ഡ് സ്റ്റോറേജുമുള്ള ഒറ്റ വേരിയന്റ് മാത്രമാണ് കമ്പനി പുറത്തിറക്കിയിട്ടുള്ളത്. ഈ ഡിവൈസിന് 9,999 രൂപയാണ് വില. ഒക്ടാകോര്‍ മീഡിയടെക് ഹെലിയോ പി 22 പ്രോസസറാണ് ഫോണിന് കരുത്ത് നൽകുന്നത്. ഇളം നീല, ഗ്രേ എന്നീ രണ്ട് കളര്‍ ഓപ്ഷനുകളില്‍ ഡിവൈസ് ലഭ്യമാണ്. സാംസങിന്റെ ഔദ്യോഗിക സൈറ്റിലും ആമസോണ്‍ ഇന്ത്യ സൈറ്റിലും ഗാലക്സി M01s സ്മാര്‍ട്ട്‌ഫോണ്‍ ലഭ്യമാകും.
Also Read: ജിയോ ഗ്ലാസ്‌;എങ്ങനെ പ്രവര്‍ത്തിക്കും!
13 എംപി പ്രൈമറി ഷൂട്ടര്‍, 2 എംപി സെക്കന്‍ഡറി ക്യാമറ എന്നിവയുള്ള ഡ്യുവല്‍ ക്യാമറ മൊഡ്യൂളാണ് സാംസങ് ഗാലക്സി M01s സ്മാര്‍ട്ട്‌ഫോണില്‍ ഉള്ളത്. ഇന്‍ഫിനിറ്റി വി-കട്ട് നോച്ചില്‍ 8 എംപി സെല്‍ഫി ക്യാമറയാണ് നല്‍കിയിട്ടുള്ളത്. മൈക്രോ എസ്ഡി കാര്‍ഡ് വഴി 512 ജിബി സ്റ്റോറജ് എക്‌സ്പാന്‍ഡ് ചെയ്യാനുള്ള സംവിധാനവും ഈ സ്മാര്‍ട്ട്‌ഫോണില്‍ സാംസങ് നല്‍കിയിട്ടുണ്ട്.