CoronaVac COVID-19 Vaccine : മൂന്ന് വയസ്സിന് മുകളിൽ പ്രായമുള്ള കുട്ടികളിൽ ഉപയോഗിക്കാൻ കൊറോണവാക് കോവിഡ് 19 വാക്‌സിന് അനുമതി നൽകി ചൈന

ചൈനീസ് കമ്പനിയായ സിനോവാക് (Sinovac) നിർമ്മിച്ച കോറോണവാക് എന്ന കോവിഡ് 19 വാക്‌സിന് (Covid Vaccine) മൂന്ന് വയസ്സിൽ മുകളിൽ പ്രായമുള്ള കുട്ടികളിൽ ഉപയോഗിക്കാൻ ചൈന അനുമതി നൽകി. മൂന്ന് മുതൽ 17 വയസ് വരെ പ്രായമുള്ള കുട്ടികളിലാണ് ഉപയോഗിക്കാൻ അനുമതി നൽകിയിരിക്കുന്നതെന്ന് സിനോവാക് ചെയർമാനായ 
യിൻ വെയ്‌ഡോങ് പറഞ്ഞു.

വാക്‌സിൻ അടിയന്തര ഉപയോഗത്തിന് അനുമതി നൽകിയെങ്കിലും ഏത് പ്രായപരിധിയിൽ ഉള്ളവരിൽ വാക്‌സിന് (Vaccine) ഉപയോഗിക്കുമെന്ന് ഇനിയും വ്യക്തമാക്കിയിട്ടില്ല. രാജ്യത്തെ പത്രമായ ഗ്ലോബൽ ടൈമസിനോടാണ് ഞായാറാഴ്ച  യിൻ വെയ്‌ഡോങ് വിവരം പറഞ്ഞത്.

സിനോവാക് വാക്‌സിന്റെ ഒന്നാം ഘട്ട ക്ലിനിക്കൽ റിസേർച്ചും രണ്ടാം ഘട്ട ക്ലിനിക്കൽ പരീക്ഷണങ്ങൾ  പൂർത്തിയാക്കിയതായി യിൻ വെയ്‌ഡോങ് വെള്ളിയാഴ്ച തന്നെ ചൈന സെൻട്രൽ ടെലിവിഷനോട് പറഞ്ഞിരുന്നു. ഈ പരീക്ഷണങ്ങളിൽ നൂറ് കണക്കിന് കുട്ടികൾ പങ്കെടുത്തിരുന്നുവെന്നും കുട്ടികളിലും മുതിർന്നവരിലും വാക്‌സിൻ സുരക്ഷിതരമാണെന്ന് കണ്ടെത്തിയെന്നും അദ്ദേഹം കൂട്ടിച്ചേർത്തു.

ചൈനയുടെ (China) രണ്ടാം കോവിഡ് വാക്‌സിനായ കൊറോണവാക്കിന് ജൂൺ 1 നാണ് ലോകാരോഗ്യ സംഘടനാ അനുമതി നൽകിയത്. കൊറോണ വാക്ക് എത്തുന്നതോടെ ചൈനയുടെ വാക്‌സിൻ പോളിസി ശക്തമാകുമെന്നാണ് പ്രതീക്ഷിക്കുന്നത്. ഇതിന് മുമ്പ് സിനോഫം വാക്‌സിനും ലോകാരോഗ്യ സംഘടനാ സമാന രീതിയിൽ അനുമതി നൽകിയിരുന്നു.

ഇപ്പോൾ ചൈന സിനോഫം വാക്‌സിൻ ചൈനയിൽ ഉപയോഗിക്കുന്നതിനോടൊപ്പം തന്നെ മറ്റ് പല രാജ്യങ്ങളിലേക്കും കയറ്റി ആയക്കുന്നുമുണ്ട്. അതിനോടൊപ്പം ചൈന വാക്‌സിൻ ഡോണെറ്റ് ചെയ്യുകയും ചെയ്യുന്നുണ്ട്. പുതിയ വാക്‌സിന് കൂടി എത്തിയതോടെ ചൈന കൂടുതൽ വാക്‌സിൻ മറ്റ് രാജ്യങ്ങളിൽ എത്തിക്കുമെന്നാണ് പ്രതീക്ഷിക്കുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy