കെ​നി​യ​യില്‍ വെ​ള്ള​പ്പൊ​ക്കം: നൂ​റി​ല​ധി​കം പേ​ര്‍ മ​രി​ച്ചു

നെയ്റോബി: കെ​നി​യ​യി​ല്‍ ക​ഴി​ഞ്ഞ ര​ണ്ട് മാ​സ​മാ​യി തു​ട​രു​ന്ന ശ​ക്ത​മാ​യ മ​ഴ​യി​ലും വെ​ള്ള​പ്പൊ​ക്ക​ത്തി​ലും നൂ​റി​ല​ധി​കം പേ​ര്‍ മ​രി​ച്ച​താ​യി റി​പ്പോ​ര്‍​ട്ട്. കൂടാതെ 2,10,000 ആ​ളു​ക​ളെ മാ​റ്റി​പ്പാ​ര്‍​പ്പി​ച്ച​താ​യും റെ​ഡ്ക്രോ​സ് റിപ്പോ​ര്‍​ട്ട് ചെ​യ്യുന്നു. 

വെ​ള്ള​പ്പൊ​ക്ക​ത്തെ തു​ട​ര്‍​ന്നു​ണ്ടാ​യ മ​ണ്ണി​ടി​ച്ചി​ലി​ലാ​ണ് കൂ​ടു​ത​ല്‍ പേ​ര്‍ മരണമടഞ്ഞതെന്നാണ് റിപ്പോര്‍ട്ട്. മാ​ര്‍​ച്ച്‌ മു​ത​ല്‍ ആരംഭിച്ച ശക്തമായ മ​ഴ​യെ തു​ട​ര്‍​ന്നു 8,450 ഏ​ക്ക​ര്‍ കൃ​ഷി​യി​ട​മാ​ണ് ന​ശി​ച്ച​ത്. 

പ​ല​യി​ട​ങ്ങ​ളി​ലും പാ​ല​ങ്ങ​ളും റോ​ഡു​ക​ളും ത​ക​ര്‍​ന്നതുള്‍പ്പടെ കോ​ടി​ക്ക​ണ​ക്കി​ന് രൂ​പ​യു​ടെ നാ​ശ​ന​ഷ്ട​ങ്ങ​ളാ​ണ് ക​ണ​ക്കാ​ക്കി​യി​രി​ക്കു​ന്ന​ത്.

അതേസമയം അഭയാര്‍ഥി ക്യാമ്പുകളുടെ അവസ്ഥ മോശമാണെന്നും കക്കൂസ് മാലിന്യങ്ങള്‍ കവിഞ്ഞ് ഒഴുകുന്നത് വഴി മലേറിയ പോലുള്ള മാരക രോഗങ്ങള്‍ വരാന്‍ കാരണമാകുമെന്നും "സേവ് ദ ചില്‍ഡ്രണ്‍‍" മാനേജര്‍ കാലേബ് ഒധിംബോ പറഞ്ഞു. വെള്ളപ്പൊക്കത്തില്‍ വീടും സ്ഥലവും നഷ്ടപ്പെട്ട ജനങ്ങള്‍ ആഹാരം പോലുമില്ലാതെ തുറസായ സ്ഥലങ്ങളിലാണ് ജീവിക്കുന്നതെന്നും അദ്ദേഹം വ്യക്തമാക്കി.

കെനിയയുടെ വടക്ക് പടിഞ്ഞാറന്‍ മേഖലകളെയാണ് വെള്ളപ്പൊക്കം കാര്യമായി ബാധിച്ചിരിക്കുന്നത്.