Russia-Ukraine war News: 5 റഷ്യൻ യുദ്ധവിമാനങ്ങളും ഒരു ഹെലികോപ്റ്ററും വെടിവച്ചിട്ടതായി യുക്രൈൻ

മോസ്‌കോ: Russia-Ukraine war News Updates: യുക്രൈനുമായുള്ള സംഘർഷത്തിനിടയിൽ യുദ്ധ കാഹളവുമായി റഷ്യ രംഗത്ത്. പ്രതിരോധത്തിന് മുതിരരുതെന്നും ആയുധം താഴെവച്ച് കീഴടങ്ങണമെന്നും യുക്രെയിൻ സൈന്യത്തോട് റഷ്യൻ പ്രസിഡന്റ് വ്‌ളാഡിമിർ പുടിൻ ആവശ്യപ്പെട്ടിട്ടുണ്ട്.

യുക്രൈൻ തലസ്ഥാനമായ കീവിൽ റഷ്യ ആക്രമണം (Russia Ykraine War) തുടങ്ങിയ വിവരം വിവിധ വാർത്താ ഏജൻസികൾ റിപ്പോർട്ട് ചെയ്തിരുന്നു. റിപ്പോർട്ടുകളുടെ അടിസ്ഥാനത്തിൽ കീവിൽ സ്‌ഫോടനങ്ങൾ തുടരെ തുടരെ നടക്കുന്നതായിട്ടാണ് വിവരം. ഇതിനിടയിൽ ലുഹാൻസ്ക് മേഖലയിൽ അഞ്ച് റഷ്യൻ വിമാനങ്ങളും ഒരു റഷ്യൻ ഹെലികോപ്റ്ററും യുക്രൈൻ വെടിവച്ചിട്ടതായും റിപ്പോർട്ടുണ്ട്.

ഇത് അപകടകരമായ സാഹചര്യമെന്നും നയതന്ത്ര തലത്തിൽ പ്രശ്നത്തിന് പരിഹാരം കാണണമെന്നും  ഇന്ത്യ പ്രതികരിച്ചു.  രക്തച്ചൊരിച്ചിൽ ഉണ്ടായാൽ അതിന്റെ ഉത്തരവാദിത്തം യുക്രൈനിന്നാണെന്ന് പുടിൻ നേരത്തെ വ്യക്തമാക്കിയിരുന്നു.  

നാറ്റോ വിപുലീകരണത്തിന് യുക്രൈയ്നെ പങ്കാളിയാക്കുന്നത് അംഗീകരിക്കില്ലയെന്നും.യുക്രൈയ്നിൽ സൈനിക നടപടി അനിവാവാര്യമാണെന്നും. റഷ്യൻ നീക്കത്തിനെതിരെ ബാഹ്യ ശക്തികൾ ഇടപെട്ടാൽ പ്രത്യാഘാതം രൂക്ഷമായിരിക്കുമെന്നും പുടിൻ അറിയിച്ചു.