Texas School Shooting: ടെക്സസിലെ പ്രൈമറി സ്‌കൂളിൽ വെടിവെപ്പ്; 18 വിദ്യാർത്ഥികളടക്കം 21 പേർ കൊല്ലപ്പെട്ടു

ടെക്സസ്: Texas School Shooting: യുഎസിലെ ടെക്‌സസിൽ ഒരു പ്രൈമറി സ്‌കൂളിലുണ്ടായ വെടിവയ്പില്‍ 18 വിദ്യാര്‍ത്ഥികളും അധ്യാപികയുമുൾപ്പെടെ മൂന്ന് മുതിര്‍ന്നവരും കൊല്ലപ്പെട്ടു. യുവാള്‍ഡിയിലെ റോബ് എലിമെന്ററി സ്‌കൂളിലായിരുന്നു ആക്രമണം നടന്നത്. കൊല്ലപ്പെട്ടവരിൽ ഏറെയും 2, 3, 4 ക്‌ളാസുകളിലെ വിദ്യാർത്ഥികളാണ്.

മരണസംഖ്യ ഉയരാനിടയുണ്ടെന്നാണ് റിപ്പോർട്ടുകൾ. സാല്‍വഡോര്‍ റമോസ് എന്ന 18 വയസ്സുകാരനാണ് ആക്രമണം നടത്തിയത്. ഏറ്റുമുട്ടലിൽ സാല്‍വഡോര്‍ കൊല്ലപ്പെട്ടു.  2 പോലീസുകാർക്ക് പരിക്കേറ്റു. മരിച്ച വിദ്യാര്‍ഥികള്‍ ഏഴിനും പത്തിനും ഇടയില്‍ പ്രായമുള്ളവരാണ്. 

ആക്രമണത്തിൽ നിരവധി പേർക്ക് പരിക്കേറ്റിട്ടുണ്ട്. റിപ്പോർട്ടുകളുടെ അടിസ്ഥാനത്തിൽ മുത്തശ്ശിയെ കൊലപ്പെടുത്തിയ ശേഷമാണ് റമോസ്‌ സ്‌കൂളിലെത്തി വെടിവയ്പ്പ് നടത്തിയതെന്നാണ്.