US Winter Storm: ഹിമക്കാറ്റിൽ അമേരിക്കയിൽ മരണ സംഖ്യ 31, വീടുകളിൽ തന്നെ കഴിയാൻ നിർദ്ദേശം
മഞ്ഞ് വീഴ്ചയും കാറ്റും മൂലം പ്രദേശത്തേക്ക് രക്ഷാപ്രവർത്തകർക്ക് എത്താൻ പറ്റാത്ത സാഹചര്യമാണെന്നാണ് റിപ്പോർട്ട്.
ന്യുയോർക്ക്: അതി ശക്തമായ ഹിമക്കാറ്റിൽ അമേരിക്കയിൽ മരണ സംഖ്യ 31 ആയി. ഒമ്പത് സംസ്ഥാനങ്ങളിലായി കാലാവസ്ഥയുമായി ബന്ധപ്പെട്ടമരണങ്ങൾ സ്ഥിരീകരിച്ചിട്ടുണ്ട്. മരണ സംഖ്യ ഉയരാനാണ് സാധ്യത. പടിഞ്ഞാറൻ ന്യൂയോർക്കിലെ ബഫലോയിലാണ് പ്രതിസന്ധി രൂക്ഷമായത്.
മഞ്ഞ് വീഴ്ചയും കാറ്റും മൂലം പ്രദേശത്തേക്ക് രക്ഷാപ്രവർത്തകർക്ക് എത്താൻ പറ്റാത്ത സാഹചര്യമാണെന്നാണ് റിപ്പോർട്ട്. “വളരെ അപകടകരമായ ജീവൻ അപകടപ്പെടുത്തുന്ന സാഹചര്യമാണെന്നും പ്രദേശവാസികളോട് വീടുകളിൽ തന്നെ കഴിയാൻ ആവശ്യപ്പെട്ടിട്ടുണ്ടെന്നും അധികൃതർ മാധ്യമങ്ങളോട് പറഞ്ഞു.
എട്ട് അടിയിൽ (2.4 മീറ്റർ) മഞ്ഞ് ഒഴുകുകയും വൈദ്യുതി തടസ്സപ്പെടുകയും ചെയ്യ്തിട്ടുണ്ട്. അതേസമയം കിഴക്കൻ സംസ്ഥാനങ്ങളിലായി 200,000-ത്തിലധികം ആളുകൾ ക്രിസ്മസ് പുലരിയിൽ. വൈദ്യുതിയില്ലാതെയാണ് ഉണർന്നത്.ആയിരക്കണക്കിന് ഫ്ലൈറ്റുകളാണ് റദ്ദാക്കിയത്.
നഗരത്തിലെ അന്താരാഷ്‌ട്ര വിമാനത്താവളം ചൊവ്വാഴ്ച വരെ അടച്ചിരിക്കും, തടാകത്തിന്റെ തീരത്തുള്ള മെട്രോപോളിസ് സ്ഥിതി ചെയ്യുന്ന എറി കൗണ്ടിയിൽ എല്ലായിടത്തും ഡ്രൈവിംഗ് നിരോധനം നിലവിലുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...