Viral Video: പാഞ്ഞടുത്ത് പുള്ളിപ്പുലി, തുരത്തിയോടിച്ച് കുരങ്ങിൻ കൂട്ടം; വീഡിയോ വൈറൽ

മൃ​ഗങ്ങളുടെ നിരവധി വീഡിയോകൾ സോഷ്യൽ മീഡിയയിൽ എപ്പോഴും വരാറുണ്ട്. നിരവധി കാഴ്ചക്കാരുള്ളതിനാൽ ഈ വീഡിയോകൾ വളരെ വേ​ഗത്തിലാണ് വൈറലാകാറുളളത്. അത്തരത്തിൽ മൃ​ഗങ്ങൾ തമ്മിലുള്ള ഒരു പോരാട്ടത്തിന്റെ വീഡിയോ ആണ് സോഷ്യൽ മീഡിയയിൽ ഇപ്പോൾ ശ്രദ്ധ നേടുന്നത്. പുള്ളിപ്പുലിയും കുരങ്ങന്മാരും തമ്മിലുള്ള പോരാട്ടമാണ് വീഡിയോയിലുള്ളത്. ദക്ഷിണാഫ്രിക്കയിലെ സിംഗിത ലെബോംബോ ലോഡ്ജിൽ നിന്നുള്ള ദൃശ്യമാണിത്.  

ഒരു കൂട്ടം കുരങ്ങന്മാർ ഓടിവരുന്നതിൽ നിന്നാണ് വീഡിയോ തുടങ്ങുന്നത്. പെട്ടെന്ന് ഇവയ്ക്ക് നേരെ പുലി പാഞ്ഞടുക്കുകയാണ്. ഒരു കുരങ്ങൻ പുലിയുടെ വായിലകപ്പെട്ടു. മറ്റുള്ളവയെല്ലാം ഓടി രക്ഷപ്പെടുകയാണ്. തനിക്ക് കിട്ടിയ ഇരയെയും കൊണ്ട് പുലി മറ്റൊരിടത്തേക്ക് നടന്ന് നീങ്ങുമ്പോൾ ഓടിപ്പോയ കുരങ്ങന്മാരെല്ലാം കൂടി ഇവയുടെ പിന്നാലെ വന്ന് പുലി തുരത്തിയോടിക്കാൻ നോക്കുകയാണ്. ചത്ത കുരങ്ങനെ ഭക്ഷിക്കാൻ ശ്രമിക്കുന്നതിനിടെ പുലിയെ ഓടിക്കാൻ ശ്രമിക്കുകയാണ് കുരങ്ങന്മാർ. ഒടുവിൽ തങ്ങളുടെ കൂടെയുണ്ടായിരുന്ന കുരങ്ങൻ ചത്തുവെങ്കിലും കുരങ്ങിൻ കൂട്ടം പുലിയെ അവിടെ നിന്നും തുരത്തിയോടിച്ചു. 

സെർകോപിറ്റെസിഡേ കുടുംബത്തിലെ പഴയ ലോക കുരങ്ങുകളുടെ 23 ജനുസ്സുകളിൽ ഒന്നായ പാപ്പിയോ ജനുസ്സിൽ ഉൾപ്പെടുന്ന പ്രൈമേറ്റുകളാണ് ബാബൂണുകൾ. ആറ് ഇനം ബാബൂണുകൾ ഉണ്ട്: ഹമദ്ര്യാസ് ബബൂൺ, ഗിനിയ ബാബൂൺ, ഒലിവ് ബബൂൺ, മഞ്ഞ ബബൂൺ, കിൻഡ ബബൂൺ, ചാക്മ ബബൂൺ. ആഫ്രിക്കയിലാണ് ഇവയെ കണ്ടുവരുന്നത്.