International Men`s Day 2022: അന്താരാഷ്ട്ര പുരുഷ ദിനത്തിന്റെ ചരിത്രവും പ്രാധാന്യവും ഈ വർഷത്തെ പ്രമേയവും അറിയാം
International Men`s Day: അന്താരാഷ്ട്ര വനിതാ ദിനത്തിനെതിരായ മത്സരമല്ല, മറിച്ച് പുരുഷന്മാരുടെ അനുഭവങ്ങൾ ഉയർത്തിക്കാട്ടാനും ലിംഗപരമായ സ്റ്റീരിയോടൈപ്പിംഗും വിവേചനവും അവസാനിപ്പിക്കാനുമാണ് അന്താരാഷ്ട്ര പുരുഷ ദിനം ഉദ്ദേശിക്കുന്നത്.
ഇന്റർനാഷണൽ മെൻസ് ഡേ 2022: എല്ലാ വർഷവും നവംബർ 19-ന്, ലോകമെമ്പാടും അന്താരാഷ്ട്ര പുരുഷ ദിനം ആഘോഷിക്കുന്നു. തങ്ങളുടെ കുടുംബങ്ങൾക്കും സമൂഹത്തിനും പുരുഷന്മാർ നൽകുന്ന സംഭാവനകളെ അംഗീകരിക്കുന്നതിനായാണ് ഈ ദിനം ആചരിക്കുന്നത്. 1960-കൾ മുതൽ, അന്താരാഷ്ട്ര പുരുഷ ദിനം സ്ഥാപിക്കാനുള്ള ആഹ്വാനങ്ങളുണ്ടായിരുന്നു. 1910-ൽ ആവിഷ്‌കരിച്ച അന്താരാഷ്ട്ര വനിതാ ദിനത്തിനെതിരായ മത്സരമല്ല, മറിച്ച് പുരുഷന്മാരുടെ അനുഭവങ്ങൾ ഉയർത്തിക്കാട്ടാനും ലിംഗപരമായ സ്റ്റീരിയോടൈപ്പിംഗും വിവേചനവും അവസാനിപ്പിക്കാനുമാണ് ഈ ദിനം ഉദ്ദേശിക്കുന്നത്.
വെസ്റ്റ് ഇൻഡീസ് സർവകലാശാലയിലെ ഹിസ്റ്ററി പ്രൊഫസറായ ഡോ. ജെറോം ടീലുക്‌സിംഗ് 1999-ൽ ഇന്റർനാഷണൽ മെൻസ് ഡേ സ്ഥാപിക്കുന്നത് വരെ അന്താരാഷ്ട്ര പുരുഷ ദിനത്തിന് വിദേശത്ത് പ്രചാരം ലഭിച്ചിരുന്നില്ല. തന്റെ പിതാവിന്റെ ജന്മദിനത്തിന്റെ സ്മരണയ്ക്കായി നവംബർ 19-ന് അദ്ദേഹം ഇന്റർനാഷണൽ മെൻസ് ഡേ ആയി തിരഞ്ഞെടുത്തു. ആൺകുട്ടികളെയും പുരുഷന്മാരെയും സംബന്ധിക്കുന്ന പ്രശ്നങ്ങൾ ഉന്നയിച്ച് ഈ ദിനത്തിന്റെ പ്രാധാന്യം മനസ്സിലാക്കാൻ അദ്ദേഹം ജനങ്ങളോട് അഭ്യർത്ഥിച്ചു. ഈ ദിനത്തിന് കരീബിയനിൽ പിന്തുണ ലഭിച്ചു, പിന്നീട് ഇന്ത്യ, ദക്ഷിണാഫ്രിക്ക, ഘാന, കാനഡ, സിംഗപ്പൂർ, ഓസ്‌ട്രേലിയ, യുണൈറ്റഡ് കിംഗ്ഡം, യുണൈറ്റഡ് സ്റ്റേറ്റ്സ് തുടങ്ങിയ രാജ്യങ്ങളിലേക്ക് ഇന്റർനാഷണൽ മെൻസ് ഡേ വ്യാപിച്ചു.
ALSO READ: National Epilepsy Day 2022: അപസ്മാരത്തിന്റെ കാരണങ്ങളും ലക്ഷണങ്ങളും
അന്താരാഷ്ട്ര പുരുഷ ദിനത്തിന്റെ പ്രാധാന്യം
സെലിബ്രിറ്റികൾ മാത്രമല്ല, മാന്യമായ ജീവിതം നയിക്കുന്ന സാധാരണ തൊഴിലാളിവർഗത്തിൽ ഉൾപ്പെടുന്ന മികച്ച പുരുഷന്മാരെ തിരിച്ചറിയുകയും പ്രോത്സാഹിപ്പിക്കുകയും ചെയ്യുക എന്നതാണ് ഈ ദിനത്തിന്റെ പ്രാധാന്യം. സമൂഹം, കുടുംബം, വിവാഹം, ശിശു സംരക്ഷണം, പരിസ്ഥിതി എന്നിവയ്ക്ക് പുരുഷൻമാർ നൽകുന്ന സംഭാവനകൾ ആഘോഷിക്കുന്നതിനാണ് ഈ ദിനം. അത് അവരുടെ സാമൂഹികവും മാനസികവും വൈകാരികവും ശാരീരികവും ആത്മീയവുമായ ക്ഷേമത്തെ അംഗീകരിക്കുന്നതിന് വേണ്ടി കൂടിയാണ്.
സാമൂഹ്യസേവനം, പൊതു സാമൂഹിക ക്രമീകരണം, നിയമ മേഖലകൾ എന്നിവയിൽ പുരുഷന്മാർ നേരിടുന്ന വിവേചനവും ദുരുപയോഗവും എടുത്തുകാണിക്കുന്നതിനും ഈ ദിനം പ്രയോജനപ്പെടുത്തുന്നു. ലിംഗസമത്വം പ്രോത്സാഹിപ്പിക്കുന്നതിനുള്ള അവസരമാണ് അന്താരാഷ്ട്ര പുരുഷ ദിനം. എല്ലാവർക്കും അവരുടെ പൂർണ്ണ ശേഷിയിലേക്ക് വളരാൻ കഴിയുന്ന സുരക്ഷിതവും മികച്ചതുമായ ഒരു ലോകം സൃഷ്ടിക്കുന്നതിൽ ശ്രദ്ധ കേന്ദ്രീകരിക്കുന്ന ദിവസമാണിത്.
ALSO READ: World COPD Day 2002: ലോക സിഒപിഡി ദിനം; ലോക സിഒപിഡി ദിനത്തിന്റെ ചരിത്രവും പ്രാധാന്യവും അറിയാം
അന്താരാഷ്ട്ര പുരുഷ ദിനം 2022: പ്രമേയം
"ആൺകുട്ടികളെയും പുരുഷന്മാരെയും സഹായിക്കുക" എന്നതാണ് ഈ വർഷത്തെ പ്രമേയം. സെമിനാറുകളും കോൺഫറൻസുകളും സംഘടിപ്പിച്ചും പുരുഷന്മാരുമായി ബന്ധപ്പെട്ട വിഷയങ്ങൾ ഉയർത്തിക്കാട്ടുന്ന പരിപാടികൾ സംഘടിപ്പിച്ചുമാണ് ഈ ദിനം ആഘോഷിക്കുന്നത്.
അന്താരാഷ്ട്ര പുരുഷ ദിനം എങ്ങനെ ആഘോഷിക്കാം
1- ആൺകുട്ടികളുടെയും പുരുഷന്മാരുടെയും ജീവിതം മെച്ചപ്പെടുത്താൻ സഹായിക്കുന്നതിന് പുരുഷന്മാർക്കായി ഒരു ചാരിറ്റിക്ക് സംഭാവന നൽകുക. വൃഷണ കാൻസർ, ഗാർഹിക പീഡനം, നിയമങ്ങളുടെ ദുരുപയോഗം എന്നിവ പോലുള്ള പുരുഷന്മാരുടെ ആരോഗ്യത്തിനും പരിചരണത്തിനും വേണ്ടി പ്രവർത്തിക്കുന്ന ചാരിറ്റികൾക്ക് സംഭാവന നൽകാവുന്നതാണ്.
2- അധികം അറിയപ്പെടാത്ത സമൂഹത്തെ സ്വാധീനിക്കാൻ കഴിയുന്ന പുരുഷന്മാരെ കുറിച്ച് കൂടുതൽ കണ്ടെത്തുക. നിങ്ങൾക്ക് ഏത് രാജ്യത്തേയോ സമൂഹത്തെയോ തിരഞ്ഞെടുത്ത് അവ പുരുഷന്മാരെ എങ്ങനെ സ്വാധീനിക്കുകയും നല്ല മാറ്റങ്ങൾ വരുത്തുകയും ചെയ്‌തുവെന്ന് അറിയാൻ ശ്രമിക്കാം.
3- നിങ്ങളുടെ ജീവിതത്തിലെ പുരുഷന്മാരെക്കുറിച്ച് അറിയുക. അവരുടെ കഥകൾ ശ്രദ്ധിക്കുക, അവരുടെ പരിശ്രമങ്ങളും സംഭാവനകളും തിരിച്ചറിയുക, ഏറ്റവും പ്രധാനമായി, അവ പരിശോധിച്ച് അവർ എങ്ങനെ പ്രവർത്തിക്കുന്നുവെന്ന് മനസ്സിലാക്കുക.
4- അവർക്ക് അവരുടെ സ്വന്തം പ്രശ്‌നങ്ങളെക്കുറിച്ച് നിങ്ങളോട് സംസാരിക്കാൻ സുരക്ഷിതമായ ഇടം സൃഷ്ടിക്കുക.
5- നിങ്ങളുടെ കുടുംബാംഗങ്ങളുമായും സുഹൃത്തുക്കളുമായും സമയം ചെലവഴിക്കാൻ അവസരം ഉപയോഗിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...