Aamir Khan : बॉलिवूड अभिनेता आमिर खानचा उल्लेख केला की सगळ्यांच्या समोर पर्फेक्शनिस्ट हाच शब्द येतो. आमिर एकामागे एक असे चित्रपट करत नाही. पण तुम्हाला माहित आहे का की आमिर खाननं सांगितलं होतं की त्याच्याकडे काम करण्यासाठी फक्त 10 वर्षच उरली आहेत. त्याच्याकडे कमी वेळ राहिला आहे, त्यामुळे तो त्याच्याकडे असलेला काळ हा चांगल्या पद्धतीनं वापरत आहे.


COMMERCIAL BREAK
SCROLL TO CONTINUE READING

आमिर खाननं 'द हॉलिवूड रिपोर्टर इंडिया' ला दिलेल्या मुलाखतीत त्याच्याकडे काम करण्यासाठी कमी वेळ असल्याचं सांगितलं 'मी माझ्या आयुष्यात कधीच एकत्र सहा चित्रपट केले नाहीत. यावेळी माझ्याकडे त्याचं एक कारण होतं. अखेर, जेव्हा मी निर्णय घेतला की मी आता चित्रपट करणं थांबवणार, तर मनात लगेच पुढचा विचार आला की माझ्या काम करण्यासाठी आता फक्त 10 वर्ष राहिल्याची शक्यता आहे. त्यामुळे मी काम करणं थांबवणार नाही.'


आमिरनं पुढे सांगितलं की 'तुम्ही तुमच्या आयुष्यावर विश्वास ठेवू शकत नाही, उद्या मरू शकतो. माझ्याकडे जवळपास 10 वर्षांचं एक्टिव आयुष्य उरलं आहे. मी 59 वर्षांता आहे. आशा आहे की जोपर्यंत मी 70 वर्षांचा होत नाही, तो पर्यंत मी इतका फीट असेन की काम करु शकेन. तर मग मी विचार केला की, मी माझ्या या शेवटच्या 10 वर्षांमध्ये सगळ्यात जास्त काम करायला हवं.'


आमिरनं पुढे सांगितलं की 'जर जुनैद आणि लेक आयरा खान नसते तर त्यानं आतापर्यंत चित्रपट सोडले असते.' आमिरनं चित्रपटांमधून रिटायर होण्याचा विचार 2022 मध्ये केला होता. तेव्हा तो 'लाल सिंग चड्ढा'चं शूटिंग करत होता. त्यानंतर आमिरला जुनैद आणि आयरानं समजावलं. 


हेही वाचा : महात्मा गांधींना कॉलेजमध्ये असताना इतिहासात किती मार्क होते माहितीये? मार्कशीटचे फोटो व्हायरल


दरम्यान, आमिर सगळ्यात शेवटी 'लाल सिंह चड्ढा' या चित्रपटात दिसला. त्याचा हा चित्रपट फ्लॉप राहिला. त्यानंतर त्यानं अभिनयातून ब्रेक घेतला होता. सध्या आमिर हा 2007 मध्ये प्रदर्शित झालेल्या  ‘तारे जमीन पर’ च्या सिक्वेलवर काम करत आहे. या चित्रपटाचं नाव 'सितारे जमीन पर' असं आहे. हा एक कॉमेडी चित्रपट ठरणार आहे.