अभिनेत्री रिंकू राजगुरुचा लग्नाबाबत मोठा खुलासा; अखेर सोडलं मौन

मुंबई : अभिनेत्री रिंकू राजगुरु नेहमीच कोणत्या ना कोणत्या कारणामुळे चर्चेत असते. सोशल मीडियावर रिंकू कायमच सक्रिय असते. सोशल मीडियावर रिंकूचा खूप मोठा चाहता वर्ग आहे. रिंकूने एखादी पोस्ट सोशल  मीडियावर शेअर करताच ती लगेच चर्चेत येते. सध्या रिंकूचा 'झिम्मा 2' हा सिनेमा प्रेक्षकांच्या भेटीला आला. रिंकू सध्या या सिनेमाच्या प्रमोशनमध्ये व्यस्त आहे. नुकतीच या सिनेमाच्या टीमने झी २४ तासला मुलाखत दिली यावेळी तिला रिंकू लग्न कधी करणार असा प्रश्न विचारण्यात आला. यावेळी तिने तिच्या लग्नावर मौन सोडलं आहे. जे ऐकून तुम्हालाही आश्चर्य वाटेल. तिचा हा व्हिडीओ सध्या सोशल मीडियावर चर्चेचा विषय ठरत आहे. 

आम्हाला दिलेल्या मुलाखतीत रिंकू यावंर म्हणाली, मी खूप लहान आहे. त्यामुळे हा प्रश्न लोकांना का पडलाय मला माहिती नाही. खूप वेळ आहे. जेव्हा असेल तेव्हा सांगेन. माझ्या अगोदर या दोघी आहेत (सायली संजीव, शिवानी सुर्वे) यावंर आम्ही तिला विचारलं बऱ्याचदा असं बोललं जात. सोशल मीडियावर तेव्हा तु काय उत्तर देशील त्या ट्रोलर्सना? यावर रिंकू म्हणाली, बऱ्याचदा रिंकूने लग्न केलंय असंही म्हटलं जात? बऱ्याचदा बातम्यांमध्ये येतं यावर काय सांगशील? यावर रिंकू म्हणाली, रिंकूचा साखरपुडा झालाय, रिंकूचं लग्न झालंय. पण तेच मलाही माहिती नाही कोणाशी ते. मला कोणालाच काही उत्तर द्यायचं नाही. यावंर गंम्मत म्हणून टीमही तिला चिडवू लागली. असं काही झालंच नाही. त्यानंतर क्षिती म्हणाली, असं खोटं खोटं लग्न कर आणि आम्हाला बोललंव त्यावर रिंकू गम्मत म्हणून म्हणाली, नक्की आपण आपल्यासाठी असं खोटं-खोटं लग्न करु. तेव्हा तुम्ही सगळे या. 

रिंकूचा हा अंदाज सगळ्यांनाच प्रचंड आवडला आहे. रिंकू कायमच तिच्य स्पष्टवक्तेपणासाठी चर्चेत असते. रिंकूने 'झिम्मा 2'मध्ये निर्मिती सावंत यांच्या सुनेच्या पात्रात दिसत आहे. सध्या रिंकूच्या अभिनयाचं सगळीकडून कौतुकाचा वर्षाव होत आहे. रिंकूने दिलेल्या अंडर वॉटर सीनमुळे तिचं कौतुक होत आहे. सध्या 'झिम्मा 2' हा सिनेमा बॉक्स ऑफिसवर चांगलाच धुमाकूळ घालत आहे. एवढंच नव्हेतर या सिनेमातील प्रत्येक पात्रावर प्रेक्षक प्रेम करताना दिसत आहेत. 

 या सिनेमात भली मोठी स्टार कास्ट आहे. सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरू, शिवानी सुर्वे, सिद्धार्थ चांदेकर अशी मोठी स्टारकास्ट आहे. यांच्यावर चित्रित झालेलं मराठी पोरी हे गाणे या सात जणींना या सहलीत पुन्हा एकदा स्वतःची एक वेगळी ओळख करून देत आहे. २४ नोव्हेंबरला रिलीज झालेला 'झिम्मा २' सध्या बॉक्स ऑफिसवर धुमाकूळ घालत आहे. लॉकडाऊननंतर रिलीज झालेला झिम्मा सिनेमा प्रेक्षकांनी डोक्यावर घेतलं होतं.