अंकिता लोखंडेचा पहिला वाढदिवस सासरी साजरा, पतीकडून जोरदार सेलिब्रेशन
टीव्ही अभिनेत्री अंकिता लोखंडे आज तिचा 37 वा वाढदिवस साजरा करत आहे.
मुंबई : टीव्ही अभिनेत्री अंकिता लोखंडे आज तिचा 37 वा वाढदिवस साजरा करत आहे. लग्नानंतर अंकिताचा हा पहिलाच वाढदिवस आहे. हा वाढदिवस ती विकी जैनसोबत पतीसोबत सासरच्या घरी साजरा करत आहे. यादरम्यान तिचे अनेक मित्रही उपस्थित होते. मध्यरात्री अभिनेत्रीच्या वाढदिवसाचा केक कापला आणि तिच्यासोबत घरोघरी पार्टीही केली.
बर्थडे गर्ल अंकिताने तिच्या इंस्टाग्राम स्टोरीजवर मध्यरात्रीच्या वाढदिवसाच्या सेलिब्रेशनचे अनेक फोटो शेअर केले आहेत. ज्यामध्ये ती खूप खुश पहायला मिळतेय. एका व्हिडिओमध्ये, अंकिता काळ्या ट्रॅकसूटमध्ये दिसतेय. या कॅज्युअल लूकमध्ये तिने रात्री उशिरा तिच्या वाढदिवसाचा केक कापला. या चॉकलेट केकवर 'मिसेस जैन' असं लिहिलेलं आहे. सोबतच पती विकी जैन आपल्या पत्नीसाठी 'हॅपी बर्थडे' म्हणताना दिसत आहे. अंकिताच्या बर्थडे सेलिब्रेशनला टीव्ही अभिनेत्री आशिता धवननेही हजेरी लावली होती.
याशिवाय तिचा आणखी एक फोटो समोर आला आहे, ज्यामध्ये अंकिता रात्री उशिरा पार्टी केल्यानंतर सोफ्यावर झोपलेली दिसली होती. विकीने "हॅप्पी बर्थडे मिसेस जैन" या कॅप्शनसह अंकिताला वाढदिवसाच्या शुभेच्छा देणारा एक जबरदस्त फोटो शेअर केला आहे. या फोटोला कमेंट करत अंकिताने "धन्यवाद मिस्टर जैन" असं लिहिलं आहे. अंकिता आणि विकीने नुकतंच लग्‍न केलं.