Jeh and Saif Ali Khan Viral Video : बॉलिवूड अभिनेता करीना कपूर खान आणि सैफ अली खान यांची दोन्ही मुलं नेहमीच चर्चेत असतात. ते दोघं हे लोकप्रिय स्टारकिड्सपैकी एक आहेत. त्यांचे व्हिडीओ देखील सोशल मीडियावर चांगलेच व्हायरल होतं. नुकताच त्यांचा एक व्हिडीओ सोशल मीडियावर व्हायरल झाला आहे. या व्हिडीओतून पहिल्यांदा तैमूरनं नाही तर जेहनं सगळ्यांचं लक्ष वेधलं आहे. 


COMMERCIAL BREAK
SCROLL TO CONTINUE READING

नुकतीच करिना, सैफ आणि त्यांच्यासोबत तैमूर आणि जेहनं एका कार्यक्रमात हजेरी लावली होती. या कार्यक्रमातील एका व्हिडीओत जेह अनेक चॉकलेट्स उचलताना दिसतोय. तर तैमूरच्या हातात दोन-तीन चॉकलेट दिसत आहेत. तर जेह एकामागे एक असे चॉकलेट उचलताना दिसतोय. खरंतर, व्हिडीओच्या सुरुवातीला सैफ हा तैमूरला फोनवर काही तरी दाखवताना दिसतोय तर त्यावेळी जेह हा टेबलवर असलेले चॉकलेट्स उचलताना दिसतो. त्यावेळी वडिलांची नजर चुकवून जेह चॉकलेट उचलतो. यावेळी जेहचा फनी फेस पाहायला मिळतो. त्याला सगळ्यात जास्त चॉकलेट गोळा करायचे आहे हे त्यात दिसून येतंय. अखेर जेव्हा सैफचं लक्ष जातं तेव्हा तो त्याला पुढे चॉकलेट उचलू देत नाही आणि त्याचा हात खेचून पुढे घेऊन जातो. 


 

 

 

 



 

 

 

 

 

 

 

 

 

 

 

जेहचा हा व्हिडीओ नेटकऱ्यांना प्रचंड आवडला आहे. ते त्यावर त्यांची प्रतिक्रिया देताना दिसत आहेत. एक नेटकरी कमेंट करत म्हणाला, 'मुलं कोणाचीही असो ती मुलंच राहतात. जेह ज्या पद्धतीनं चॉकलेट गोळा करतोय ते पाहून मज्जा आली, मला तर हसू अनावर होत आहे.' दुसरा नेटकरी म्हणाला, 'असं वाटतंय की जेह विचार करत असणार की आज मी सगळेच चॉकलेट घेऊन जाईन.' तिसरा नेटकरी म्हणाला, 'त्यांची मुलं देखील आपल्या मुलांसारखीच आहेत. चॉकलेट पाहत नाहीये तो चोरतोय.' आणखी एक नेटकरी म्हणाला, 'मला वाटलं की आमचीच मुलं अशी असतात की कितीही खायला दिलं तरी बाहेर जाऊन असंच करतात, पण आता वाटतंय की मोठ्या लोकांची मुलं देखील तशीच असतात.' 


 

 

 

 



 

 

 

 

 

 

 

 

 

 

 

दरम्यान, करीना कपूरच्या कामाविषयी बोलायचं झालं तर 'सिंघम अगेन' मध्ये दिसली. या चित्रपटात अजय देवगच्या पत्नीच्या भूमिकेत ती दिसली.