Kisi Ka Bhai Kisi Ki Jaan Box Office Collection Day 1 : बॉलिवूडचा भाईजान सलमान खानचा (Salman Khan) 'किसी का भाई किसी की जान' (Kisi Ka Bhai Kisi Ki Jaan) हा चित्रपट काल 21 एप्रिल रोजी प्रदर्शित झाला. ईदच्या निमित्तानं हा चित्रपट प्रदर्शित झाला होता. या चित्रपटातून सलमाननं खूप मोठ्या काळानंतर मोठ्या पडद्यावर पुनरागमन केलं आहे. पण चित्रपटाला पाहिजे तितका रिस्पॉन्स मिळाला नाही. चित्रपटानं पहिल्याच दिवशी किती कमाई केली हे जाणून घेऊया.


COMMERCIAL BREAK
SCROLL TO CONTINUE READING

सलमानच्या या चित्रपटानं बॉक्स ऑफिसवर पहिल्या दिवशी 12 कोटींची कमाई केली आहे. तर बॉक्स ऑफिस वर्ल्ड वाईडनं दिलेल्या वृत्तानुसार, नॅशनल चेन्समध्ये चित्रपटानं फक्त 5.35 कोटींचं कलेक्शन केलं आहे. दाक्षिणात्य चित्रपटाचा रिमेक असताना सलमानच्या चित्रपटानं इतकी कमाई केली, याचा अनेकांना आश्चर्य झालं आहे. इतकं असताना चित्रपटाला क्रिटिक्स आणि प्रेक्षकांनी संमिश्र प्रतिक्रिया दिली आहे. सगळ्यांच लक्ष यामुळे वेधलं आहे की हा चित्रपट जगभरात 5 हजार 700 स्क्रिन्सवर प्रदर्शित झाला. त्यानंतर अनेक चित्रपट समीक्षकांनी सांगितलं की सलमानच्या चाहत्यांची संख्या पाहता हा आकडा खूप कमी आहे. पण ईद, शनिवारी आणि रविवार म्हणजेच विकेंडला चांगली कमाई करू शकेल अशी आशा अनेकांना आहे. येत्या दोन दिवसात चित्रपटाच्या कलेक्शनमध्ये वाढ होईल याची त्याच्या चाहत्यांना आशा आहे.





हेही वाचा : आर्यन नीसाला पळवून घेऊन गेला तर? करणच्या प्रश्नावर काजोलचं उत्तर ऐकूण घाबरला शाहरुख


दरम्यान, या चित्रपटात सलमान खानसोबत मुख्य भूमिकेत पूजा हेगडे दिसत आहे. तर त्यांच्याशिवाय वेंकेटेश डग्गुबाती, जग्गु भाई, शहनाज गिल, पलक तिवारी राघव जुयाल, जस्सी गिल आणि सिद्धार्थ निगम यांच्या महत्त्वाच्या भूमिका आहेत. तर त्याशिवाय या चित्रपटात राम चरणनं पाहुण्या कलाकाराची भूमिका साकारली आहे.