Drugs Case : सुशांतसिंह ड्रग्ज घेत होता, श्रद्धा कपूरनंतर साराकडून कबुली
सुशांत आत्महत्या प्रकरणाला आता ड्रग्स कनेक्शनचं वळण मिळालं आहे.
मुंबई : बॉलिवूडमधील ड्रग्स प्रकरणी आज अभिनेत्री सारा अली खानची देखील चौकशी करण्यात आली. श्रद्धा कपूरनंतर साराने देखील सुशांत ड्रग्स घेत असल्याची कबुली दिली आहे. सुशांतसिंह राजपूतशी केदारनाथच्या शुटींग दरम्यान जवळीक निर्माण झाली होती. सुशांत लोणावळ्याला फार्म हाऊसवर वीड ओढायचा अशी कबुली साराने दिली. सूत्रांनी दिलेल्या माहितीनुसार, सारा अली खान हिने ड्रग्ज घेतल्याचा आरोप फेटाळून लावला. कोणत्याही ड्रग्ज पेडरलला ओळखत नाही, असे चौकशी दरम्यान साराने एनसीबी अधिकाऱ्यांना सांगितले.
फेब्रुवारी २०१८ मध्ये केदारनाथ चित्रपटाच्या शूटिंग दरम्यान सुशांतसिंह राजपूतशी जवळीक निर्माण झाली, अशी सारा अली खानने कबुली दिली. चित्रपटाच्या शूटिंगनंतर ती सुशांतच्या घरी 'कॅपरी हाऊस' मध्ये बर्‍याच वेळा सुशांतलाही भेटायची. साराने सुशांतसोबत अनेकदा लोणावळ्याच्या फार्म हाऊसवर गेलो असल्याचेही सांगितले आहे.
आपण काही काळ सिगारेट ओढली, पण कधीही ड्रग्ज घेतलेले नाही. सुशांत लोणावळ्याला फार्म हाऊसवर वीड ओढायचा, असे साराची चौकशीत सांगितले. दरम्यान, सुशांत सिंह राजपूत ड्रग्ज घेत होता अशी कबुली श्रद्धा कपूरने दिलीय. कधी सेटवर तर कधी व्हॅनिटी व्हॅनमध्ये सुशांत ड्रग्ज घेत होता असं श्रद्धा कपूरने एनसीबीला सांगितल्याची सूत्रांची माहिती आहे.
एनसीबीने श्रद्धा कपूरची कसून चौकशी केली. मात्र आपण स्वतः ड्रग्जचं सेवन करत असल्याचा आरोप श्रद्धा कपूरने फेटाळला आहे. पवना धरणात झालेल्या पार्टीची कबुलीही श्रद्धाने चौकशीत दिल्याची माहिती आहे. मात्र तिथे आपण ड्रग्ज सेवन केलं नाही असं श्रद्धाने म्हटलंय. मात्र जया साहाशी झालेल्या सीबीडी ऑईलबाबतच्या व्हॉट्सअप चॅटबाबत तिने नकार दिलाय.