Whatttt! अक्षय कुमार जगातील सहाव्या क्रमांकाचा श्रीमंत अभिनेता? या प्रसिद्ध दिग्दर्शकानं उलगडलं रहस्य!

मुंबई : बॉलिवूड अभिनेत्री तापसी पन्नू एका वर्षात अनेक चित्रपट करते. त्यामुळे तिची तुलना अक्षय कुमारशी केली जाते. अलीकडेच एका शोदरम्यान तापसीला 'लेडी अक्षय कुमार' असं संबोधण्यात आलं तेव्हा तापसी आणि दिग्दर्शक अनुराग कश्यप या दोघांनी ही तुलना चुकीची असल्याचं म्हटलं. तापसी म्हणाली की, माझी तुलना अक्षय कुमारसोबत होऊच शकत वाही. तो भरपूर कमावतो. आम्ही तुम्हाला सांगतो की, तापसी आणि अनुराग सध्या त्यांच्या आगामी 'दोबारा' चित्रपटाच्या प्रमोशनमध्ये व्यस्त आहेत. हा चित्रपट १९ ऑगस्टला थिएटरमध्ये दाखल होणार आहे.

अलीकडेच तापसी पन्नू आणि अनुराग कश्यप आरजे सिद्धार्थ कन्ननच्या शोमध्ये पोहोचले होते. जिथे सिद्धार्थने तापसीला 'लेडी अक्षय कुमार' म्हटलं होतं. यावर तापसी म्हणाली की, मी हे कौतुक नक्कीच स्वीकारेन, जेव्हा माझं मानधन आणि अक्षय कुमारचे मानधन समान असेल. तोपर्यंत मला लेडी अक्षय कुमार म्हणू नका. तो सर्वात जास्त कमाई करणारा आणि सर्वात जास्त कर भरणारा अभिनेता आहे आणि मला ते जास्त मिळत नाही. यावर अनुराग म्हणाला, अक्षय कुमार जगातील सहाव्या क्रमांकाचा श्रीमंत अभिनेता आहे. तापसी म्हणाली, मी त्याच्या आसपासही नाही.

अक्षय कुमार जगातील सहाव्या क्रमांकाचा श्रीमंत अभिनेता आहे
फोर्ब्स इंडियाच्या अहवालानुसार, 2020 मध्ये अक्षय कुमार जगातील सहाव्या क्रमांकाचा श्रीमंत अभिनेता होता. मासिकाच्या रिपोर्टमध्ये असंही सांगण्यात आलं होतं की, अक्षय कुमार एका वर्षात ४८.५ मिलियन डॉलर म्हणजे सुमारे ३६२ कोटी कमावतो.