दिल्ली : उत्तर-पश्चिम भारतातील काही भागात पुढील तीन ते चार दिवस दाट ते धुकं राहण्याची शक्यता आहे तर काही ठिकाणी पाऊस पडणार असल्याचं भारतीय हवामान खात्याकडून सांगण्यात आलंय. भारतीय हवामान खात्याने म्हणण्याप्रमाणे, रविवारपासून एकामागून एक, दोन Western Disturbanceचा पश्चिम हिमालयीन भागावर परिणाम होईल. 


COMMERCIAL BREAK
SCROLL TO CONTINUE READING

IMD ने म्हटलं आहे की, चक्रीवादळ वाऱ्याचा पश्चिम उत्तर प्रदेश आणि लगतच्या भागांवर परिणाम होण्याची शक्यता आहे. त्याचप्रमाणे दाट धुक्याचा अंदाज वर्तवला आहे. 


पुढील तीन दिवसांत काही शहरांमध्ये दाट ते दाट धुकं पडण्याची शक्यता आहे. पुढील दोन दिवसांत, पश्चिम हिमालयीन प्रदेश, पंजाब, हरियाणा, चंदीगड, दिल्ली, मध्य प्रदेश आणि राजस्थानच्या विलग भागांमध्ये रात्री आणि सकाळी पावसाची हजेरी असेल. तर ओडिशा आणि झारखंडमध्ये पुढील चार दिवस आणि 18 ते 20 जानेवारीपर्यंत पूर्व उत्तर प्रदेशात दाट धुकं राहील.


या राज्यांमध्ये कडाक्याची थंडी 


हवामान खात्याच्या म्हणण्यानुसार, पुढील दोन दिवसांत पंजाब, हरियाणा, चंदीगड, दिल्ली, उत्तर प्रदेश, मध्य प्रदेश आणि राजस्थानच्या वेगळ्या भागात कडाक्याची थंडी पडू शकते. तर पुढील 24 तासांत पूर्व राजस्थानच्या काही भागात थंड वातावरण असेल.


भारतीय हवामान खात्याने नमूद केल्यानुसार, 16 जानेवारीपासून पश्चिम हिमालयीन प्रदेशावर fresh Western Disturbanceचा परिणाम होईल. 18 जानेवारीपासून, आणखी एका Western Disturbanceचा वायव्य भारतावर परिणाम होण्याची शक्यता आहे. 


17 जानेवारीपर्यंत किनारपट्टी आंध्र प्रदेशात आणि पुढील चार ते पाच दिवस रायलसीमा, तामिळनाडू, केरळ आणि माहे येथे हलका ते मध्यम पाऊस पडेल असं IMDकडून सांगण्यात आलं आहे.