Maharashtra Breaking News LIVE : दिवसभरातील महत्त्वाच्या घडामोडी, ब्रेकिंग न्यूज एका क्लिकवर
Maharashtra Breaking News Today : LIVE Updates on June 26 महत्त्वाच्या ब्रेकिंग न्यूज मराठीमध्ये, महाराष्ट्रातील सर्व घडामोडी पाहा (Maharashtra LIVE News) एका क्लिकवर, मुंबई, पुण्यासह (Mumbai-Pune News) राज्यातील महत्त्वाची शहरं आणि गावांतील ताज्या बातम्या, राजकीय बातम्यांचे LIVE अपडे्स (Political News) सामाजिक, आर्थिक, आरोग्य, शैक्षणिक आणि क्रीडा (Sports) तसेच इतर अपडेट्स वाचा एक क्लिकवर.
Latest Updates
'ड्रग्ज, होर्डिंग, निधीवरून सरकारला घेरा', उद्धव ठाकरेंच्या आमदारांना सूचना
Uddhav Thackeray : उद्यापासून सुरु होणा-या अधिवेशनात पूर्णवेळ उपस्थित राहण्याच्या सूचना, उद्धव ठाकरे यांनी आपल्या आमदारांना केल्या आहेत. तसंच ड्रग्ज, होर्डिंग आणि सत्ताधारी आमदारांना अधिकचा निधी यावरुन सरकारला घेरण्याचे आदेश त्यांनी आमदारांना दिलेत. तर शेतकरी आणि विद्यार्थ्यांच्या प्रश्नावर दररोज प्रश्न विचारण्याच्या सूचनाही त्यांनी केल्या. आपण स्वतः अधिवेशनात उपस्थित राहणार असल्याची ग्वाही त्यांनी आमदारांना दिली. अधिवेशन पार्श्वभूमीवर आयोजित आमदार बैठकीत उद्धव यांनी या सूचना केल्या.
बातमीचा व्हिडीओ पाहा-
'विरोधकांचा अधिवेशनात पर्दाफाश करणार', देवेंद्र फडणवीसांचा विरोधकांनां इशारा
Devendra Fadnavis : चहापानानंतर झालेल्या पत्रकार परिषदेत मुख्यमंत्री तसंच दोन्ही उपमुख्यमंत्र्यांनी विरोधकांचा खरपूस समाचार घेतला..खोटं नरेटिव्ह तयार करायची फॅक्टरी विरोधकांनी उभारल्याचा आरोप उपमुख्यमंत्री देवेंद्र फडणवीसांनी केलाय. तसंच विरोधकांचा पर्दाफाश करण्याचे काम अधिवेशनात करण्याचा इशाराही फडणवीसांनी दिलाय. तर दुसरीकडे पाठ्यपुस्तकात मनुस्मृतीचे श्लोक नसल्याचं स्पष्ट करत अजित पवारांनी मनुस्मृतीचा वादही निकालात काढलाय.. विरोधकांनी खोटं नॅरेटिव्ह पसरवलं.. तरीही केंद्रात सत्ता आली नाही असं म्हणत मुख्यमंत्री एकनाथ शिंदेंनी विरोधकांना टोला लगावलाय..
बातमीचा व्हिडीओ पाहा-
सोलापुरात ठाकरे पक्षाच्या शिवसैनिकांची बॅनरबाजी
Solapur : शरद कोळींना विधान परिषदेवर घेण्यासाठी शिवसैनिकांनी सोलापुरात बॅनरबाजी केलीय. विधान परिषदेवर शिवसेना ठाकरे गटाचे उपनेते शरद कोळी यांना घेण्याची मागणी या बॅनरच्यामाध्यमातून करण्यात आलीय. - सोलापुरातील ठाकरे गटाच्या शिवसैनिकांकडून निष्ठावंत शरद कोळी असं म्हणत बॅनर झळकावण्यात आलेत. सोलापुरातील सात रस्ता या ठिकाणी बॅनर लावून शरद कोळींना आमदार करण्याची शिवसैनिकांनी मागणी केलीय.
बातमीचा व्हिडीओ पाहा-
महाड-रायगड मार्गावरील वाहतूक ठप्प, 25-30 गावांचा महाड शहराशी संपर्क तुटला
Mahad : महाड ते रायगड मार्गावरील वाहतूक ठप्प झाली आहे. लाडवली इथं पर्यायी मार्गावरून पाणी वाहू लागल्यानं 25 ते 30 गावांचा महाड शहराशी संपर्क तुटला. लाडवलीमधील पुलाचं काम अर्धवट राहिल्यानं त्याचा फटका नागरिकांना बसला. महाड तालुक्यात जोरदार पावसामुळे नदीच्या पाणी पातळीत वाढ झाली आणि नदीपात्रातून काढलेल्या पर्यायी मार्गावरून पाणी वाहू लागलं. विशेष म्हणजे झी २४ तासनं नदीपात्रातून काढलेल्या पर्यायी मार्गाबाबतची बातमी दाखवली होती. तसंच या प्रकरणी स्थानिकांनी आंदोलनही केलं होतं.
बातमीचा व्हिडीओ पाहा-
'मिटकरींच्या तोंडाला आवर घाला', प्रवीण दरेकरांची अमोल मिटकरींवर टीका
Amol Mitkari Vs Pravin Darekar : महायुतीमधील नेत्यांमध्ये आरोप-प्रत्यारोप सुरू असल्याचं दिसतंय. उपमुख्यमंत्री अजित पवारांच्या राष्ट्रवादी काँग्रेसचे आमदार अमोल मिटकरी यांनी भाजपाच्या चंद्रकांत पाटील यांच्यावर टीका केली होती, त्याला प्रवीण दरेकर यांनी प्रत्युत्तर देत मिटकरी यांच्या तोंडाला आवर घालण्याची गरज असल्याचं म्हटलं होतं. दरम्यान, आता महायुतीतील नेत्यांमध्ये पुन्हा आरोप-प्रत्यारोप सुरू झालेत.
बातमीचा व्हिडीओ पाहा-
पुण्यातील बालसुधारगृह हाऊसफुल्ल
Pune Child Reform Home : पुण्यातील बालसुधारगृह हाउसफुल्ल झालंय. अल्पवयीन मुलांकडून होणा-या गुन्ह्यांमध्ये वाढ झालीय. चोरी, बलात्कार,खुनाचा प्रयत्न आणि खून यांसारख्या गंभीर गुन्ह्यांचा यामध्ये समावेश आहे. सध्या बालसुधारगृहात केवळ 50 मुलं राहण्याची क्षमता आहे. तर निरीक्षण गृहात सध्या 70 मुलांचं वास्तव्य आहे. येरवडा परिसरात असणा-या बालसुधारगृहातही मुलांच्या संख्येत वाढ झालीय. यामुळे प्रशासनावर ताण पडतोय.
बातमीचा व्हिडीओ पाहा-
'या सरकारच्या निरोपाचं हे अधिवेशन', उद्धव ठाकरेंची राज्य सरकारवर टीका
Uddhav Thackeray : उद्यापासून सुरु होणा-या विधीमंडळाच्या अधिवेशनावरुन उद्धव ठाकरेंनी सरकारला इशारा दिलाय. उद्यापासून सुरु होणारं विधिमंडळाचं अधिवेशन या सरकारचं शेवटचं अधिवेशन असेल.. आणि या अधिवेशनाला आपण उपस्थित राहू असं उद्धव ठाकरे म्हणालेत.
महालक्ष्मी रेसकोर्सची जागा BMCला मिळणार
Mumbai Mahalaxmi Race Course : महालक्ष्मी रेस कोर्सची 120 एकर जागा अखेर मुंबई महापालिकेच्या ताब्यात देण्यास राज्य सरकारनं मंजुरी दिलीय. महालक्ष्मी रेसकोर्सची 120 एकर जागेत सेंट्रल पार्क, ओपन स्पेस आणि गार्डनसाठी जागा वापरली जाणारेय. 1914 साली रॉयल वेस्टर्न इंडिया टर्फ क्लबला 99 वर्षांच्या लीजवर ही जागा देण्यात आली होती. त्यानंतर हा करार 2013 मध्ये संपुष्टात आला होता. त्यानंतर या जमिनीवर थीम पार्क उभारण्याचा प्रस्ताव पुढे आला होता. या प्रकल्पात थीम पार्क, ओपन स्पेस आणि गार्डनर असा समावेश होता. या प्रस्तावाला राज्य सरकारने मंजुरी दिली होती. थीम पार्क उभारण्यासाठी ही जागा मुंबई महानगरपालिकेला हस्तांतरित करणे गरजेचे होते. ही 211 एकर जागा आहे. त्यामध्ये 91 एकर जागा टर्फ क्लबला ठेवण्यात येणार आहे, तर उर्वरित 120 एकर जागा मुंबई महानगरपालिकेला हस्तांतरित केली जाईल. आतापर्यंत ही जागा लीजवर देण्यात आली होती. दरम्यान यावरून आदित्य ठाकरेंनी मुख्यमंत्र्यांवर निशाणा साधलाय....मुख्यमंत्र्यांच्या कॉन्ट्रक्टर मित्रांना हे रेसकोर्स मिळू नये अशी मागणी त्यांनी केलीये....
बातमीचा व्हिडीओ पाहा-
'शेतकरी, सामन्यांची लूट करणारं सरकार',विजय वडेट्टीवारांचा सरकारवर आरोप
Vijay Wadettiwar : शेतक-यांची लूट सुरू असून हे लूट करणारं सरकार असल्याचा आरोप विरोधी पक्षनेते विजय वडेट्टीवार यांनी महायुती सरकारवर केलाय... त्याचबरोबर सरकारच्या चहापानावर विरोधकांनी बहिष्कार टाकलाय...तर विधानसभा निवडणुकांपूर्वीचं हे अधिवेशन वादळी होणार असल्याचं संकेत विरोधकांनी दिलेत...महाविकास आघाडीची विरोधी पक्षनेते विजय वडेट्टीवार यांच्या बंगल्यावर बैठक झाली...यावेळी सरकारला घेरण्याची रणनीती या बैठकीत ठरल्याचं समजतंय...तर बैठकीनंतरच्या पत्रकार परिषदेत बोलताना विजय वडेट्टीवार यांनी सरकारवर आरोप करत अधिवेशन वादळी ठरणार असल्याचे संकेत दिलेत...
राज्य विधिमंडळाचं पावसाळी अधिवेशन वादळी ठरणार?
State Vidhimandal Adhiveshan : विधानसभेचं पावसाळी अधिवेशन उद्यापासून सुरू होतंय. आगामी विधानसभा निवडणुकांपूर्वीचं हे शेवटचं अधिवेशन असल्यामुळे हे अधिवेशन वादळी ठरण्याची शक्यताय. या अधिवेशनाच्या माध्यमातून जास्तीत जास्त निर्णय घेण्याचा सरकारचा प्रयत्न असेल तर सरकारला कोंडीत पकडण्याचा प्रयत्न विरोधक करतील. लोकसभा निवडणुकीत महाराष्ट्रात घवघवीत यश मिळाल्यामुळे मविआचा आत्मविश्वास वाढलाय. तर अनेक मुद्द्यांवरून सरकारी पक्षांमध्ये असलेला विसंवाद गेले काही दिवस समोर येतोय. सध्या असलेली विरोधकांची एकी अधिवेशनात कायम ठेवणं हे विरोधकांसमोरील आव्हान असेल तर विसंवादाचा धागा दूर करून एकत्र येणं हे महायुतीसाठी गरजेचं असेल. अनेक मुद्द्यांवरून विरोधक सत्ताधारी पक्षाला कोंडीत पकडण्याचा प्रयत्न करतील.
हिजाब बंदीला मुलींनी दिलेलं आव्हान कोर्टानं फेटाळलं
Mumbai : मुंबईतील चेंबूर इथल्या आचार्य मराठे कॉलेजनं घातलेली हिजाब, बुरखा आणि नकाबबंदी योग्य असल्याचा निर्णय मुंबई हायकोर्टानं दिलाय. नकाबबंदीच्या विरोधातली याचिका हायकोर्टानं फेटाळलीय. महाविद्यालयाच्या परिसरात हिजाब, नकाब आणि बुरख्यावरची बंदी केवळ एक समान ड्रेसकोडसाठी लागू करण्यात आलीय. मुस्लिम समुदायाला लक्ष्य करणं हा त्यामागचा हेतू नसल्याचा युक्तिवाद या कॉलेजनं केलाय. आचार्य मराठे कॉलेजनं हिजाब, नकाब, बुरखा, स्टोरी, टोपी आणि इतर कुठल्याही प्रकारच्या बॅजवर बंदी घातली. या निर्णयाला 9 विद्यार्थिनींनी मुंबई हायकोर्टात आव्हान दिलं होतं.
लोकसभेच्या अध्यक्षपदी ओम बिर्लांची निवड
Loksabha Speaker Election : लोकसभा अध्यक्षपदासाठी आवाजी मतदानाने NDAचे उमेदवार ओम बिर्ला यांची निवड झालीय. पंतप्रधान मोदींनी ओम बिर्लांच्या नावाचा प्रस्ताव मांडला होता. त्याला एनडीएच्या घटक पक्षांनी पाठिंबा दिला होता. तर इंडिया आघाडीचे उमेदवार के. सुरेश यांच्या नावाचा अरविंद सावंत आणि सुप्रिया सुळेंनी प्रस्ताव मांडला. विरोधकांनी निवडणुकीची मागणी न केल्यामुळे आवाजी मतदानानंच ओम बिर्लांची लोकसभा अध्यक्षपदी निवड झाली. त्यानंतर नरेंद्र मोदी आणि राहुल गांधी यांनी त्यांना आसनापर्यंत पोहोचवलं. पंतप्रधान नरेंद्र मोदींनी आपल्या भाषणात सभागृहाकडून बिर्लांचं अभिनंदन केलं. ओम बिर्लांनी नवा इतिहास रचला असं यावेळी मोदी म्हणाले.
बातमीचा व्हिडीओ पाहा -
राज्यात पावसाची दडी, पेरण्या खोळंबल्या
Maharashtra Monsoon : मुंबई शहर आणि उपनगरांसह 11 जिल्ह्यांत पावसानं दांडी मारलीय. त्यामुळे शेतक-यांच्या पेरण्या खोळंबल्यात. कोकणातील जिल्ह्यांमध्ये पावसानं सरासरी गाठलीये. मात्र नंदुरबार, संभाजीनगर, धाराशिव, नागपूर, भंडारा, गोंदिया, चंद्रपूर, गडचिरोलीत सरासरी इतकाही पाऊस झालेला नाही. त्यामुळे शेतक-यांना दमदार पावसाची ओढ लागलीये. अनेक ठिकाणी पेरण्यांची काम पूर्ण झालीयेत. मात्र पेरणीयुक्त पाऊस नसल्यानं शेतक-यांवर दुबार पेरणीचं संकट ओढवण्याची शक्यताय.
बातमीचा व्हिडीओ पाहा -
पुण्यात महिलांची फ्री-स्टाईल हाणामारी
Pune Women Fight : पुण्याच्या हवेली तालुक्यातील रहाटवडे गावात महिलांमध्ये फ्री स्टाईल हाणामारी झाली.. जमिनीच्या वादातून गावातील दोन कुटुंबतल्या महिला एकमेकींना भिडल्या.. त्यांच्या या वादाचा व्हिडिओ सोशल मीडियावर व्हायरल झालाय.. घटनास्थळी काही पुरुषही हजर होते. मात्र कोणीही हा वाद सोडवण्याचा प्रयत्न केला नाही.. या प्रकरणी पोलीस स्टेशनमध्ये कोणत्याही गुन्हाची नोंद नाहीये.. मात्र खेडशिवापूर पोलिसांनी या घटनेचा तपास सुरू केलाय.
बातमीचा व्हिडीओ पाहा - पुण्यात महिलांमध्ये फ्री स्टाईल हाणामारी
राज्यात लवकरच बाईक-टॅक्सी?
Bike-Taxi Service : राज्यात लवकरच बाईक टॅक्सी सुरु होण्याची शक्यता आहे. सरकार लवकरच बाईक टॅक्सी सेवा सुरू करण्याची तयारीत असल्याची माहिती सूत्रांनी दिलये.. यामुळे तरुणांना मोठ्या प्रमाणात रोजगार उपलब्ध होणार आहे.. तसंच एकट्या प्रवाशाला रिक्षा आणि टॅक्सीचालकांची आरेरावी सहन करावी लगाणार नाही.. शिवाय या सेवेमुळे वाहतूक कोंडीलाही आळा बसण्याची शक्यता आहे.
बातमीचा व्हिडीओ पाहा -
पुणे महापालिका अ‍ॅक्शन मोडवर
Pune : पुणे हिट अँड रन प्रकरणानंतर पुण्यात जवळपास 144 हॉटेल्सवर कारवाई करण्यात आली. महिनाभरात 85 रुफ टॉप आणि तळमजल्यावर असलेल्या 55 हॉटेल्स, पब वर कारवाई करण्यात आलीय. जवळपास 3 लाख चौरस फुटांचं बांधकाम पाडून टाकण्यात आलंय. तर अनधिकृत बांधकाम केल्यामुळे आतापर्यंत 21 जणावर गुन्हे दाखल करण्यात आलेत.
बातमीचा व्हिडीओ पाहा -
वंचितच्या कार्यकर्त्यांवर गोळीबार
Buldhana Firing : बुलढाण्यात वंचित बहुजन आघाडीच्या कार्यकर्त्यांवर गोळीबार झाल्याची घटना समोर आलीय. वचिंतचे उप-तालुकाध्यक्ष सुनील बोदडे आणि युवा आघाडीचे प्रकाश भिसे हे नांदुरावरून जळगाव जामोदकडं येत होते. यावेळी खांडवी-आसलगाव दरम्यान त्यांच्या कारवर गोळीबार करण्यात आला. त्यानंतर हल्लेखोरांनी लोखंडी रॉडनं हल्ला केला. त्यांच्यावर तीन गोळ्या झाडण्यात आल्या. मात्र, ते या हल्ल्यातून थोडक्यात बचावले. हल्ला कोण केला याचा शोध पोलीस घेत आहेत.
बातमीचा व्हिडीओ पाहा -
पठाण आणि त्याच्या बायकोच्या नावावर 7 लाखांचे व्यवहार
Neet Paper Leak Update : NEET पेपरफुटी प्रकरणातील आरोपी जलील आणि त्याच्या पत्नीच्या नावावर जून महिन्यात 7 लाखांहून अधिक व्यवहार झाल्याची माहिती सुत्रांनी दिलीय. आरोपी जलील पठाण आणि संजय जाधव यांनी बीड जिल्ह्यातून 5 पालकांची फसवणूक केलीय. पैसे घेऊन कामच केलं नसल्याची माहिती समोर आलीय. तर आतापर्यंत 14 जणांची फसवणूक झाल्याचंही समोर आलंय. या सर्व पालकांची मुलं लातूरच्या खासगी क्लासेसमध्ये नीटची तयारी करतात. आरोपी जलील पठाणनं पालकांकडून घेतलेले पैसे पत्नीच्या खात्यावर स्वीकारले. त्यानंतर ते पुढे संजय जाधवला पाठवण्यात आल्याचं समोर आलंय. एकट्या जून महिन्यात पती-पत्नीच्या खात्यावर 7 लाखांपेक्षा अधिकची उलाढाल झाल्याची माहिती सुत्रांनी दिलीय.
बातमीचा व्हिडीओ पाहा
नीटमधील आरोपी कोनगलवार पत्नीसह फरार
Neet Paper Leak Update : लातूरमधील नीट घोटाळ्याचा मुख्य सूत्रधार असलेला धाराशिव जिल्ह्यातील उमरग्याच्या आयटीआयचा सुपरवायझर इरण्णा मष्णाजी कोनगलवार हा पत्नीसह फरार झाला आहे. नांदेडच्या एटीएसने पहिल्या दिवशी त्याची चौकशी करून सोडून दिले होते. तेव्हापासून तो बेपत्ता झाला आहे. दुसरीकडे संजय जाधव व पठाणमार्फत मिळणारे पैसे कोनगलवार हा दिल्लीतील सूत्रधार गंगाधर याला पाठवायचा. गंगाधर च्या शोधासाठी नांदेड एटीएसचे आणि लातूर पोलिसांचे पथक दिल्लीला रवाना झाले होते. मात्र या रॅकेटचा पर्दाफाश झाल्याचे कळताच गंगाधर ही दिल्लीतून गायब झाला. तो सतत जागा बदलत असल्याचे मोबाइल लोकेशनवरून पोलिसांना कळले. तो डेहराडूनला असल्याची माहिती मिळाल्यामुळे पोलिस तिकडे निघाले, पण गंगाधरन तिथूनही पसार झालाय.. दिल्ली ला गंगाधर ला पैसे मिळाले की तो डेहराडून ला कुणाला तरी द्यायचा असे ही तपासात आता पुढे आले आहे..
बातमीचा व्हिडीओ पाहा -
NEET पेपरफुटी प्रकरणाचं लोण बीडपर्यंत
Neet Paper Leak Beed Connection : NEET पेपरफुटी प्रकरणी महत्त्वाची अपडेट बातमी बीडमधून... पेपरफुटी प्रकरणाचं लोण आता बीडपर्यंत पोहोचलंय. माजलगावमधल्या 7 शिक्षकांची यासंदर्भात चौकशी झाल्याची माहिती समजतेय. NEET पेपरफुटी प्रकरणी तपास करणा-या विशेष पथकाकडून या शिक्षकांची चौकशी करण्यात येतेय. आरोपी जलील पठाण आणि संजय जाधव हे दोघेही स्वत: जिल्हा परिषदेच्या शाळेत शिक्षक होते. ते ज्या शिक्षकांची मुलं लातूरला NEETच्या तयारीसाठी येत होती त्याच पालकांना ते हरत असल्याचं समजतंय. यात बीड जिल्ह्यातील नेकनूरसह अन्य भागांतील 7 शिक्षकांचा समावेश आहे.
बातमीचा व्हिडीओ पाहा -
पुण्यात झिका व्हायरचा शिरकाव
Pune Zika Virus : पुण्यात झिका व्हायरसनं शिरकाव केलाय.. शहरातील एरंडवणा परिसरात झिका व्हायरसचे दोन रुग्ण आढळून आलेत.. एका डॉक्टर आणि त्याच्या मुलीला झिका व्हायरसची लागण झालीये.. या रुग्णांच्या संपर्कात आलेल्यांमध्ये झिका व्हायरसची अद्याप कोणतिही लक्षणं आढळून आलेली नाहीत... झिका हा रोग एडीस इजिप्ती या डासांमुळे होतो. त्यामुळे पुणे महानगर पालिकेकडून प्रतिबंधात्मक उपाय सुरु केलेत. रुग्ण आढळेल्या परिसरात औषध फवारणी सुरु केलीये.
बातमीचा व्हिडीओ पाहा -
शिक्षक, पदवीधर मतदारसंघासाठी मतदान
Shikshak-Padvidhar Election : विधान परिषदेच्या मुंबई शिक्षक आणि मुंबई पदवीधर मतदारसंघासाठी मतदानाला सुरुवात झालीये... तसंच नाशिक शिक्षक आणि कोकण पदवीधरसाठीही मतदान प्रक्रिया सुरु झालीये. या निवडणुकीत महाविकास आघाडी एकसंधपणे लढत असली तरी महायुतीत मात्र बिघाडी झाल्याचे चित्र पहायला मिळालंय. नाशिक शिक्षक मतदारसंघात महाविकास आघाडीसमोर बंडखोरीचे संकट नाही. त्यामुळे शिवसेना ठाकरे गटाच्या संदीप गुळवेंचा मार्ग सुकर झालाय. दुसरीकडे भाजपशी संबंधित मात्र अपक्ष असलेले विवेक कोल्हे आणि राष्ट्रवादी काँग्रेस अजित पवार गटाचे उमेदवार एडवोकेट महिंद्र भावसार रिंगणात आहेत. त्यामुळे महायुतीचे उमेदवार किशोर दराडे यांना बंडखोरीचा तोंड द्यावे लागणार आहे. या चौघांमध्येच खरी लढत रंगणार आहे.
बातमीचा व्हिडीओ पाहा -
लोकसभा अध्यक्षपदासाठी आज निवडणूक
Loksabha Speaker Election : लोकसभा अध्यक्षपदाच्या निवडीवरून अटीतटीचं राजकारण पाहण्यास मिळतंय. अध्यक्षपदासाठी आज निवडणूक होणारेय. एनडीएकडून ओम बिर्ला यांनी पुन्हा एकदा लोकसभेच्या अध्यक्षपदासाठी अर्ज दाखल केला. तर इंडिया आघाडीकडून लोकसभा अध्यक्षपदासाठी काँग्रेस खासदार के.सुरेश यांनी उमेदवारी अर्ज दाखल केलाय. त्यामुळे आता लोकसभा अध्यक्षपदासाठी आज सकाळी 11 वाजता निवडणूक होणारेय. या निवडणुकीच्या पार्श्वभूमीवर काँग्रेसकडून आता सर्व खासदारांना व्हिप जारी करण्यात आलाय. काँग्रेसनं सर्व खासदारांना संसदेत हजर राहण्याच्या सूचना दिल्यायत. देशाच्या इतिहासात तिस-यांदा लोकसभा अध्यक्षपदासाठी निवडणूक होणाराय. सत्ताधारी आणि विरोधकांमध्ये सहमतीच न झाल्यामुळे ही निवडणूक लागलीय.
बातमीचा व्हिडीओ पाहा -