Palmistry: तळाहातावर असलेल्या या रेषा मानल्या जातात अशुभ; जीवनात असतील फक्त समस्या

मुंबई : हस्तरेषा ही ज्योतिषशास्त्राची एक शाखा आहे. यामध्ये तळहातावर बनलेल्या रेषा आणि चिन्हांचं आकलन करून व्यक्तीच्या आयुष्याविषयी माहिती दिली जाते. हस्तरेषाशास्त्रात, हातातील रेषा आणि चिन्हे पाहूनच त्याच्या भविष्याचं किंवा जीवनाचे मूल्यमापन केलं जाऊ शकतं. 

जीवनात कोणतेही ध्येय साध्य करण्यासाठी कर्माचा प्रभाव सर्वात जास्त महत्त्वाचा असतो. हस्तरेषा शास्त्रात आपल्या हातातील रेषा पाहून जीवनातील शुभ-अशुभ प्रभाव सांगितलं जातं. ज्योतिष शास्त्रात काही अतिशय शुभ रेषा सांगितल्या आहेत, तर काही ओळी अशा आहेत ज्यामुळे तुमच्या आयुष्यात एकामागून एक समस्या येत राहतात. 

हस्तरेषाशास्त्रात अशा काही रेषा आणि चिन्हं सांगितली आहेत, जी दुर्दैवाचे कारण मानली जातात. चला तर मग जाणून घेऊया कोणत्या आहेत त्या रेषा आणि चिन्हं.

जीवनरेषेला छेदणाऱ्या रेषा

जर एखाद्याच्या तळहातातील अनेक लहान रेषा जीवनरेषेला छेदत असतील तर त्या शुभ मानल्या जात नाहीत. या रेषांच्या संदर्भात असं म्हटलं जातं की, ज्या ठिकाणी या रेषा जीवनरेषेला छेदतात, त्याच वयात व्यक्तीला आजार आणि अपघातासारख्या समस्यांना सामोरं जावं लागतं. 

द्वीप असलेलं चिन्ह

जर एखाद्या व्यक्तीच्या तळहातावर डोंगर किंवा द्वीप असेल तर ते शुभ मानलं जात नाही. परंतु प्रत्येक रेषा आणि पर्वतावर बनवलेल्या बेटाचे वेगवेगळे अर्थ आहेत. ज्या रेषेवर किंवा पर्वतावर द्वीपाप्रमाणे चिन्ह आहे त्याचा प्रभाव कमकुवत होतो. यामुळे तुम्हाला तुमच्या आयुष्यात पैसा, आरोग्य, प्रतिष्ठा इत्यादींशी संबंधित समस्यांना सामोरं जावं लागू शकतं.

अनामिका बोटावर आडव्या रेषा

जर एखाद्या व्यक्तीच्या अनामिका बोटावर अनेक आडव्या रेषा असतील तर ते दुर्दैवाचं लक्षण मानलं जातं. यामुळे व्यक्तीचा आदर आणि प्रतिष्ठा नष्ट होऊ शकते. याशिवाय जर एखाद्या व्यक्तीच्या हातावर काळे डाग असतील तर हे देखील शुभ लक्षण मानलं जात नाही.

(टीप – या लेखात दिलेली माहिती गृहितके आणि माहितीवर आधारित आहे. झी 24 तास याचं समर्थन करत नाही. अधिक माहितीसाठी तज्ज्ञांशी संपर्क साधा.)