India vs Pakistan: इरफानच्या ट्विटचा पाकड्यांना ठसका! रडत रडत सेमीफायनल गाठली, पण थेरंच लय...

Irfan Pathan Tweet On Pakistan: रडत रडत सेमीफायनलला पोहोचल्याने पाकिस्तानच्या जीवात जीव आलाय. त्यामुळे फायनलचा सामना पुन्हा भारताविरुद्ध पाकिस्तान (India vs Pakistan) व्हावा, असं त्यांना वाटतंय. येत्या रविवारी...

India vs Pakistan, T20 World Cup 2022: अटीतटीच्या लढाईत साऊथ अफ्रिकेला विजय मिळवता आला नाही. इवलुश्या नेदरलँडने साऊथ अफ्रिकेचा (SA vs NER) धुव्वा उडवला. त्यामुळे पाकिस्तान नेदरलँडच्या जीवावर सेमीफायनलला पोहोचली आहे. अशातच आता धडपडत सेमीफायनलला (Pakistan in Semi-final) पोहोचलेल्या पाकिस्तानचा कॉलर मात्र टाईट झाल्याचं पहायला मिळतंय. भारताचा माजी गोलंदाज आणि समालोचक इरफान पठाण (Irfan Pathan) याने केलेल्या ट्विटवरून गोंधळ दिसून आलाय.

पाकिस्तान सेमीफायनलमध्ये पोहोचल्यानंतर इरफान पठाण याने (Irfan Pathan Tweet On Pakistan) एक ट्विट केलं. त्यामध्ये त्याने पाकिस्तानची खिल्ली उडवली होती. त्यानंतर पाकिस्तानी चाहते चांगलेच भडकले आणि इरफान पठाणला ट्रोल (Irfan Pathan trolled) करण्यास सुरूवात केली. त्यामुळे आता इरफानच्या ट्विटची एकच चर्चा होताना दिसत आहे.

काय म्हणाला Irfan Pathan ?

शेजारील देशातील ट्विटर अकाऊंट फक्त रविवारच्याच नावावर जीवंत आहेत, छान वाटलं... आवडलं.., असं म्हणत इरफान पठाणने पाकिस्तानची खिल्ली उडवली. त्यावर पाकिस्तानी चांगलेच खवळले आणि त्याला ट्रोल करण्यास सुरूवात केली. त्यावर इरफानने देखील कोणतीही प्रतिक्रिया दिली नाही.

पाहा ट्विट- 

दरम्यान, रडत रडत सेमीफायनलला पोहोचल्याने पाकिस्तानच्या जीवात जीव आलाय. त्यामुळे फायनलचा सामना पुन्हा भारताविरुद्ध पाकिस्तान (India vs Pakistan) व्हावा, असं त्यांना वाटतंय. येत्या रविवारी हा सामना खेळला जाणार आहे. पाकिस्तानची नांगी ठेचायला रोहितसेना पुर्ण तयार आहे. मात्र, त्याआधी न्यूझीलंडविरुद्ध (NZ vs PAK) जिंकून तर दाखवा, असं भारतीयांनी रोखठोक उत्तर दिलंय.