Chetan Sharma Resign: चेतन शर्मा यांच्यानंतर कोण होणार `चीफ सिलेक्टर`?, शर्यतीत `हे` नाव पुढे

Chetan Sharma Sting Operation: झी न्यूजच्या (zee Media) ऑपरेशन गेमओव्हरचा मोठा परिणाम झाला आहे. चेतन शर्मा यांना बीसीसीआयच्या मुख्य निवडकर्ता पदाचा राजीनामा द्यावा लागला. त्यानंतर आता बीसीसीआयमध्ये मोठ्या हालचाली सुरू आहेत.

BCCI Interim Chief Selector: चेतन शर्मा यांनी बीसीसीआयच्या (BCCI) मुख्य निवडकर्तेपदाचा (Chief Selector) राजीनामा दिला आहे. त्यानंतर आता समोर आलेल्या माहितीनुसार, शिव सुंदर दास (Shiv Sundar Das) यांना बीसीसीआयचे अंतरिम मुख्य निवडकर्ता बनवलं जाऊ शकतं. लवकरच याबाबत औपचारिक घोषणाही होण्याची शक्यता आहे. (shiv sundar das will be new interim chief selector bcci after chetan sharma resign)

चेतन शर्मा यांनी आपला राजीनामा भारतीय क्रिकेट नियामक मंडळाचे सचिव जय शाह यांच्याकडे सोपवला. त्यांची बीसीसीआयमधील ही दुसरी टर्म होती. पर्याय नसल्याने बीसीसीयआयने चेतन शर्मा यांच्यावर पुन्हा विश्वास दाखवला होता. त्याआधी त्यांना 40 दिवसांपूर्वी राजीनामा द्यावा लागला होता.

कोण आहेत Shiv Sundar Das?

चेतन शर्मा यांच्या राजीनाम्यानंतर चार सदस्यीय टीमची जबाबदारी शिव शंकर दास यांच्याकडे असणार आहे. बॉर्डर गावस्कर मालिकेसाठी टीम इंडियाची निवड करण्याची संधी त्यांना मिळणार आहे. 5 नोव्हेंबर 1977 रोजी भुवनेश्वर, ओडिशा येथे जन्मलेल्या एसएस दास यांनी टीम इंडियासाठी 23 कसोटी आणि 4 वनडे सामने खेळले आहेत. 

चेतन शर्मा यांच्यानंतर ते या समितीमधील सर्वात अनुभवी आहेत. 2021 मध्ये ते भारतीय महिला संघाचे बॅटिंग कोचही राहिले आहेत. 2016 मध्ये ते भारताच्या 16 वर्षांखालील आणि 19 वर्षांखालील संघांचे कोचही होते. त्यामुळे त्यांचा युवा खेळाडूंवर प्रभाव दिसून येतो.