Whatsappवर तुम्ही पार्टनरसोबत Secret Chat करु शकता, कसे ते जाणून घ्या

मुंबई : फेसबुकच्या मालकीचे मेसेजिंग प्लॅटफॉर्म व्हॉट्सअ‍ॅपने आर्काइव्ह चॅट नावाचे एक नवीन फीचर आणले आहे, जे यूझर्सना प्लॅटफॉर्मवर येणाऱ्या प्रत्येक मेसेजऐवजी फक्त महत्त्वाच्या मेसेजेसवर लक्ष केंद्रित करण्यासाठी मदत करते. व्हॉट्सअ‍ॅपने म्हटले आहे की, ते अशा चॅटसाठी नवीन सेटिंग्ज आणत आहे. जे वापरकर्त्यांना त्यांच्या इनबॉक्सवर अधिक नियंत्रण आणि संग्रहित चॅट फोल्डर इंस्टॉल करण्यासाठी भरपूर पर्याय देईल.

व्हॉट्सअ‍ॅप आर्काइव्ह चॅट यूझर्सना खासगी संदेश आयोजित करण्याची आणि महत्त्वपूर्ण संभाषणांना प्राधान्य देण्याची परवानगी देते, असे कंपनीने एका निवेदनात म्हटले आहे. व्हॉट्सअ‍ॅपने पुढे म्हटले आहे की, बर्‍याच यूझर्सची मागणी आहे की, हे चाट मुख्य गप्पांच्या यादीमध्ये न ठेवता संग्रहित संदेश आर्काइव्ह चॅट फोल्डरमध्ये लपवाता यावेत.

जर यूझर्सने चॅट संग्रहित केले असेल, तर त्या यूझर्सना जर कोणी संदेश पाठवला असेल तर, ते चॅट पुढे येणार नाहीत. हे आर्काइव्ह फोल्डरमध्ये राहील. जरी कोणी व्हॉट्सअ‍ॅप उघडला तरी तो मेसेज दिसणार नाही. व्हॉट्सअ‍ॅपने एका निवेदनात म्हटले आहे की, "आम्हाला माहित आहे की, प्रत्येक गोष्ट आपल्यासाठी नेहमीच समोर आणि केंद्रात असणे आवश्यक नसते. आम्ही हे सुनिश्चित करू इच्छितो की, आपणास आपल्या आवडत्या लोकांशी बोलता येईल आणि त्यासाठी व्हॉट्सअ‍ॅप एक खासगी आणि सुरक्षित जागा आहे."

मेसेजिंग प्लॅटफॉर्म काही काळ या वैशिष्ट्याची चाचणी घेत आहे आणि बीटा आवृत्तीचे 2019 मध्ये चाचणी झाली  होती, परंतु नंतर ती मागे घेण्यात आली. आता ही चाचणी पुन्हा सुरु आहे आणि लवकरच यूझर्सला याचा फायदा होईल.