தாமதமாக கிடைத்த லக்கேஜ்... ₹70,000 நஷ்ட ஈடு வழங்க இண்டிகோவிற்கு உத்தரவு!

விமானத்தில் பயணம் செய்யும் போது, சிலருக்கு விமானங்கள் மிகவும் தாமதமாகுதல், லக்கேஜ் சரியான சமயத்தில் கிடைக்காதது போன்ற சில அதிர்ச்சிகரமான அனுபவங்கள் ஏற்பட்டு இருக்கலாம். நம்மில் சிலர் கூட இது போன்ற சூழ்நிலையை எதிர்கொண்டிருக்கலாம். அந்த வகையில், பெங்களூரை சேர்ந்த தம்பதிக்கும் ஓர் அதொர்ச்சிகரமான அனுபவம் ஏற்பட்டது. ஆனால், அவர்கள் விடாமல் சட்டரீதியாக வழக்கு தொடர்ந்து நஷ்ட ஈட்டையும் பெற்றுள்ளனர்.

இரண்டு ஆண்டுகளுக்கு முன்பு போர்ட்பிளேர் பயணத்தின் போது விடுமுறை பாழாக காரணமான இண்டிகோ ஏர்லைன்ஸ் (Indigo Airlines) நிறுவனம், இதற்கான ரூ.70 ஆயிரம் இழப்பீடு வழங்க வேண்டும் என பெங்களூரு நுகர்வோர் நீதிமன்றம் உத்தரவிட்டுள்ளது. இண்டிகோ ஏர்லைன்ஸ் தங்கள் விடுமுறையை கெடுத்துவிட்டதாக ஒரு தம்பதி குற்றம் சாட்டியுள்ளனர். இரண்டு ஆண்டுகளுக்கு முன்பு போர்ட் பிளேயருக்குப் பயணத்தின் போது, ​​அவர்களது செக்-இன் சாமான்கள் இரண்டு நாட்கள் தாமதமாக வந்ததாகவும், போர்ட் பிளேயர் விடுமுறை இதனால் பாழாய் போனதாகவும், அதைத் தொடர்ந்து இண்டிகோ ஏர்லைன்ஸ் மீது சட்ட நடவடிக்கை எடுத்ததாகவும் தம்பதியினர் கூறுகின்றனர். இப்போது நகரத்தில் உள்ள நுகர்வோர் நீதிமன்றம் தம்பதியருக்கு ஆதரவாக தீர்ப்பளித்துள்ளது மற்றும் அவர்களுக்கு ஏற்பட்ட சிரமத்திற்கு ரூ.70,000 இழப்பீடு வழங்க உத்தரவிட்டுள்ளது.

பெங்களூரு தம்பதியினரின் சுற்றுலா பயணம்

2021ம் ஆண்டின் பிற்பகுதியில், பையப்பனஹள்ளியில் வசிக்கும் சுரபி ஸ்ரீனிவாஸ் மற்றும் அவரது கணவர் போலா வேதவியாஸ் ஷெனாய் ஆகியோர் அந்தமான் மற்றும் நிக்கோபார் தீவுகளில் உள்ள போர்ட் பிளேயருக்கு விடுமுறைக்கு (Tourism) செல்ல முடிவு செய்த தம்பதியினர், பெரும் கனவுகளுடன் பெங்களூரிலிருந்து போர்ட் பிளேயருக்குப் பயணிக்க இண்டிகோ விமானத்தில் டிக்கெட் முன்பதிவு செய்த நிலையில், இருவரும் நவம்பர் 1, 2021 அன்று போர்ட் பிளேயர் சென்று அடைந்தனர். ஆனால், அவர்களது லக்கேஜ்கள் சரியான நேரத்தில் போர்ட் பிளேயரை சென்றடையவில்லை. இதையடுத்து, தம்பதியினர் உடனடியாக இண்டிகோ நிறுவனத்தில் புகார் அளித்தனர். தொலைந்து போன லக்கேஜ்கள் மறுநாள் டெலிவரி செய்யப்படும் என விமான நிறுவனத்தின் நிர்வாக குழுவினர் தம்பதிக்கு உறுதியளித்தனர்.

சட்ட அறிவிப்பு வெளியிடப்பட்டது

இரண்டு நாட்களுக்குப் பிறகு, நவம்பர் 3 ஆம் தேதி தங்கள் சாமான்கள் வந்ததாக தம்பதியினர் கூறுகிறார்கள். அதற்குள் அவனது பயணத்தின் பாதி நாட்கள் சென்று விட்டது. பெங்களூரு விமான நிலையத்தில் தங்களுடைய லக்கேஜ்கள் விமானத்தில் ஏற்றப்படவில்லை என்பதை IndiGo பிரதிநிதிகள் அறிந்திருந்தும், இந்தத் தகவலை வெளியிடத் தவறியதாகக் குற்றம் சாட்டி, தம்பதியினர் இண்டிகோ விமான நிறுவனத்தின் ஆபரேட்டர்களான இண்டர் குளோப் ஏவியேஷன் லிமிட்டெட் (InterGlobe Aviation Ltd)  நிறுவனத்தின் மீது நவம்பர் 18 அன்று சட்டப்பூர்வ வழக்கை தாக்கல் செய்தனர். நோட்டீஸ் வெளியிடப்பட்டது. ஒரு வருடம் கழித்து, இருவரும் சாந்திநகரில் உள்ள பெங்களூரு நகர்ப்புற III கூடுதல் மாவட்ட நுகர்வோர் தகராறுகளைத் தீர்ப்பதற்கான ஆணையத்தில் விமான நிறுவனத்திற்கு எதிராக புகார் அளித்தனர், அவர்கள் விடுமுறைக்கு இடையூறு விளைவித்ததற்கு இழப்பீடு கோரினர். இந்நிலையில், வழக்கை விசாரித்த நீதிமன்றம், இண்டிகோ விமான நிறுவனம் இழப்பீடு வழங்க வேண்டும் என தீர்ப்பளித்துள்ளது. 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!