மாநில அரசு ஊழியர்களுக்கு பழைய ஓய்வூதியம் பற்றிய முக்கிய அப்டேட்: அரசின் அறிவிப்பு விரைவில்

பழைய ஓய்வூதியத் திட்டம், சமீபத்திய புதுப்பிப்பு: பழைய ஓய்வூதியத் திட்டத்தை மீண்டும் அமல்படுத்த வேண்டும் என மத்திய அரசு ஊழியர்களும் பல மாநில அரசு ஊழியர்களும் தொடர்ந்து கோரிக்கை விடுத்து வருகின்றனர். இதற்காக பல போராட்டங்களும் நடத்தப்பட்டு வருகின்றன. பல மாநில  அரசுகள் பழைய ஓய்வூதியத் திட்டத்தை அமல்படுத்தி விட்டன. 

இதற்கிடையில் இமாச்சல பிரதேச ஊழியர்களுக்கு நல்ல செய்தி வெளியாகியுள்ளது. அரசு ஊழியர்களுக்கு பழைய ஓய்வூதியத் திட்டத்தின் பலன்கள் விரைவில் வழங்கப்படும். இருப்பினும், இதற்காக அவர்கள் சிறிது நேரம் காத்திருக்க வேண்டியிருக்கும். இந்த மாதமும் ஊழியர்களின் என்பிஎஸ் பங்குகள் கழிக்கப்படும். பழைய ஓய்வூதிய திட்டம் குறித்த அறிவிப்பை முதல்வர் வெளியிட்ட பிறகும் தற்போது பழைய ஓய்வூதியத் திட்டம் நடைமுறைப்படுத்தப்படவில்லை. இதனால், ஊழியர்கள் மத்தியில் அதிருப்தி நிலவுகிறது.

என்பிஎஸ் பங்கு இந்த மாதமும் சம்பளத்தில் கழிக்கப்படும்

இமாச்சலப் பிரதேச ஊழியர்களுக்கு பழைய ஓய்வூதியத் திட்டம் அமல்படுத்தப்பட்டுள்ளது. இருப்பினும், இந்த மாதமும் மின்சார வாரிய ஊழியர்களின் சம்பளத்தில் இருந்து NPS பங்கு பிடித்தம் செய்யப்படும். முதல்வர் அறிவித்தும், மின் வாரிய ஊழியர்களுக்கு, பழைய ஓய்வூதிய திட்ட பலன்கள் இதுவரை கிடைக்கவில்லை. பழைய ஓய்வூதியம் வழங்கப்படாததால், ஊழியர்கள் அரசிடம் தொடர்ந்து கோரிக்கை விடுத்து வருகின்றனர்.

சேவைக் குழு கூட்டமும் திட்டமிடப்படவில்லை

பழைய ஓய்வூதியத் திட்டத்தைச் (Old Pension Scheme) சீரமைக்க இதுவரை சேவைக் குழுக் கூட்டம் நடத்தப்படவில்லை. மின்வாரியத் துறையில் கூட்டத்தை நடத்துவதற்கு, நிதித்துறைக்கு கருத்துரு அனுப்பப்பட்டு, தேதியை உறுதி செய்ய கோரிக்கை விடுக்கப்பட்டுள்ளது. மின் வாரிய ஊழியர்களுக்கு, பழைய ஓய்வூதிய திட்ட பலன்கள் இதுவரை கிடைக்கவில்லை. பழைய ஓய்வூதியத் திட்டத்தை நடைமுறைப்படுத்துவதற்கு மின்சார சபை அதிகாரிகள் இடையூறு ஏற்படுத்துவதாக தொழிற்சங்கம் குற்றம் சுமத்தியுள்ளது. முதலமைச்சரின் உத்தரவு தொடர்ந்து முற்றிலுமாக மீறப்படு வருகின்றது. 

ஓபிஎஸ் -க்கு ஒப்புதல் கிடைத்தது

சேவைக் குழுக் கூட்டத்தில் பழைய ஓய்வூதியத் திட்டத்திற்கு முறைப்படி ஒப்புதல் அளிக்கப்படும். இதுகுறித்து வாரிய ஊழியர் சங்க பொதுச்செயலாளர் கூறுகையில், முதல்வர் அறிவித்த பிறகும் பழைய ஓய்வூதிய திட்டம் அமல்படுத்தப்படாதது வருத்தமளிக்கிறது என்றார். முதல்வர் ஓபிஎஸ் தொடர்பாக பல அறிவிப்புகளை வெளியிட்டு 5 மாதங்களாக அந்த விவகாரம் நிலுவையில் உள்ளது.

விரைவில் முறையான அனுமதி கிடைக்கும்

இருப்பினும், முன்மொழிவின் பிழையை சரிசெய்வதுடன், முன்மொழிவு செய்து அரசுக்கு திருப்பி அனுப்பப்பட்டுள்ளது. விரைவில் கூட்டத்தில் முறைப்படி ஒப்புதல் அளிக்கப்படும். இதன்பின், ஊழியர்களுக்கும் பழைய ஓய்வூதியத் திட்டம் அமல்படுத்தப்படும். இந்த மாதம் முதல், ஊழியர்களுக்கான என்பிஎஸ் பங்குகள் கழிப்பது நிறுத்தப்படும் என நம்பப்படுகிறது.

தமிழகத்தில் பழைய ஓய்வூதிய திட்டம்

தமிழ்நாட்டில் பழைய ஓய்வூதிய திட்டத்தை (Old Pension Scheme) கொண்டுவர வேண்டும் என தொடர்ந்து மாநில அரசு ஊழியர்கள் கோரிக்கை விடுத்து வருகிறார்கள். தற்போது அமலில் இருக்கும் பங்களிப்பு ஓய்வூதியத் திட்டத்தை (CPS) ஒழிக்க வேண்டும் என்பது பெரும்பாலான அரசு ஊழியர்களின் முக்கிய கோரிக்கையாக உள்ளது. இதற்காக சிபிஎஸ் ஒழிப்பு இயக்கம் என்ற பெயரில் பல்வேறு மாவட்டங்களைச் சேர்ந்த பல்வேறு துறை சார்ந்த அரசு ஊழியர்கள் அவ்வப்போது ஒன்றாக இணைந்து போராடி வருகின்றனர். பல மாநில அரசுகள் தேர்தல் வாக்குறுதிகளை நிறைவேற்றும் வகையில் பழைய ஓய்வூதிய திட்டத்தை மீண்டும் அமலுக்கு கொண்டுவந்துள்ள நிலையில், தமிழக அரசு மட்டும் இன்னும் இது குறித்து முடிவெடுக்காதது ஏன் என ஊழியர்கள் கேள்வி எழுப்பி வருகிறார்கள். 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ