மாதா மாதம் ரூ.61,000 வரியில்லா ஓய்வூதியம், கோடிகளில் கார்ப்பஸ்: இன்றே முதலீடு செய்யுங்கள்

பணம் என்பது மனித வாழ்க்கைக்கு மிக தேவையான ஒன்று. பணம் சம்பாதிப்பது எவ்வளவு முக்கியமோ, அதை சேர்த்து வைப்பதும், முதலீடு செய்து பெருக்குவதும் மிக முக்கியமாகும். குறிப்பாக வயதான காலத்தில் பணத்தேவை அதிகரிக்கும். அதற்கு இள வயதிலேயே திட்டமிட்டு முதலீடு செய்ய வேண்டியது மிக அவசியமாகும். பெரிய வருமானத்தை அளிக்கும் பல முதலீட்டுத் திட்டங்கள் உள்ளன. 

Public Provident Fund: ஆபத்து இல்லாத வருமானம்

ஆபத்து இல்லாமல் நல்ல வருமானத்தைப் பெற விரும்பும் நபர்களுக்கு பொது வருங்கால வைப்பு நிதி (PPF) நல்ல தேர்வாக இருக்கும். குறிப்பாக இதன் மூலம், பணி ஓய்வு பெற்ற பிறகு, இதன் மூலம் மாத ஓய்வீதியமாக ரூ.60,989 பெற முடியும். இந்த வருமானத்திற்கு வரிச் சலுகையும் கிடைப்பது கூடுதல் நன்மை. 

பொது வருங்கால வைப்பு நிதி: முக்கிய அமசங்கள்

- முதலீட்டாளர்கள் இடையே PPF ஒரு பிரபலமான சேமிப்புத் திட்டமாக உள்ளது. 
- இந்திய குடிமக்கள் யார் வேண்டுமானாலும். தபால் அலுவலகம் அல்லது எந்த ஒரு வங்கியின் கிளைக்கும் சென்று இதன் கணக்கைத் தொடங்கலாம்.
- பிபிஎஃப் கணக்கில் (PPF Account) ஒவ்வொரு நிதியாண்டிலும் (ஏப்ரல் 1 முதல் மார்ச் 31 வரை) குறைந்தபட்சம் ரூ.500 மற்றும் அதிகபட்சம் ரூ.1,50,000 வரை டெபாசிட் செய்யலாம்.

வரிச் சலுகை: EEE வகை திட்டம் என்பதால் இதில் வரி இல்லை

பிபிஎஃப் முதலீட்டாளர்களுக்கு இதில் கிடைக்கும் மிக முக்கிய நன்மை வரிச் சலுகைக்கானது. PPF கணக்கில் ஒவ்வொரு ஆண்டும் டெபாசிட் செய்யப்படும் தொகைக்கு வருமான வரி விலக்கு கிடைக்கிறது. இந்தக் கணக்கில் ஒவ்வொரு ஆண்டும் நீங்கள் பெறும் வட்டிக்கும் வரி விதிக்கப்படாது. இது தவிர, முதிர்வு நேரத்தில், அதாவது, முதிர்ச்சியின் போது கைகளில் வரும் முழுத் தொகையும் வருமான வரியின் வரம்பிற்கு உட்பட்டது அல்ல.

PPF மூலம் கோடீஸ்வரராவது எப்படி?

ஓய்வு பெறும்போது ஒவ்வொரு மாதமும் சுமார் ரூ.61,000 ஓய்வூதியத்திற்கான ஏற்பாட்டை எப்படி செய்வது என்பது பற்றி இங்கே காணலாம். ஒரு உதாரணத்தின் மூலம் இதை புரிந்துகொள்ளலாம். 

ஒரு நபர் 35 வயதாகி, இந்த நிதியாண்டின் தொடக்கத்தில் பிபிஎஃப் கணக்கைத் தொடங்கி ரூ.1,50,000 டெபாசிட் செய்கிறார் என வைத்துக்கொள்வோம். அடுத்த ஆண்டு மார்ச் 31ஆம் தேதி வட்டியாக ரூ.10,650 அவரது பிபிஎஃப் கணக்கில் சேர்க்கப்படும், தற்போது மத்திய அரசு பிபிஎஃப் கணக்கில் டெபாசிட் செய்யப்பட்டுள்ள பிபிஎஃப் தொகைக்கு (PPF Amount) 7.1% வட்டியை அளிக்கின்றது. இதன் காரணமாக, அடுத்த நிதியாண்டின் முதல் நாளில், அதாவது ஏப்ரல் 1, 2025 அன்று, அவரது PPF கணக்கில் ரூ.1,60,650 இருப்பு இருக்கும். புதிய நிதியாண்டில் ஏப்ரல் 5 ஆம் தேதிக்குள் கணக்கில் ரூ.1,50,000 டெபாசிட் செய்தால் மொத்த இருப்பு ரூ.3,10,650 ஆகிவிடும். இதற்குப் பிறகு, மார்ச் 31, 2026 அன்று, அதே விகிதத்தில் வட்டி ரூ.22,056 ஆகவும், கணக்கு இருப்பு ரூ.3,32,706 ஆகவும் இருக்கும்.

பிபிஎஃப் கணக்கில் ஸ்மார்டாக முதலீடு செய்வது எப்படி?

- PPF முதலீட்டாளர்கள், ஒவ்வொரு ஆண்டும் ஏப்ரல் 1 முதல் 5 வரை PPF கணக்கில் ரூ.1,50,000 டெபாசிட் செய்ய வேண்டும். 
- இந்த வழியில், ஒழுங்குபடுத்தப்பட்ட முதலீட்டின் உதவியுடன், முதிர்வு நேரத்தில், அதாவது, 15 ஆண்டுகளுக்குப் பிறகு, உங்கள் PPF கணக்கில் ரூ. 40,68,209 என்ற தொகையை ஈட்ட முடியும்.
- அதில் வட்டி ரூ.18,18,209 மற்றும் அசல் முதலீடு ரூ.22,50,000.
- ஆனால் உதாரணத்தின் படி, ஓய்வு பெற இன்னும் 10 ஆண்டுகள் உள்ளன. 
- PPF கணக்குடன் தொடர்புடைய விதிகளின்படி, முதிர்ச்சிக்கு முன் விண்ணப்பிப்பதன் மூலம் PPF கணக்கை 5 ஆண்டுகளுக்கு நீட்டிக்க முடியும்.
- ஐந்து ஆண்டுகளுக்கு கிடைக்கும் நீட்டிப்பை எத்தனை முற வேண்டுமானாலும் பெறலாம். 
- ​​50 வயதில், கணக்கை நீட்டித்து, வருடாந்திர முதலீட்டு வழக்கத்தை பராமரிக்க வேண்டும்.

உதாரணத்தின் படி, அந்த நபருக்கு 55 வயதாகும்போது அவரது பிபிஎஃப் கணக்கு முதிர்ச்சியின் விளிம்பில் வரும். அந்த நேரத்தில், PPF கணக்கில் டெபாசிட் செய்யப்பட்ட தொகை ரூ.66,58,288 ஆக இருக்கும், அதில் ரூ.36,58,288 வட்டியாகவும், அவரது முதலீடு ரூ.30,00,000 ஆகவும் இருக்கும்.

இப்போது PPF கணக்கை மீண்டும் ஒருமுறை நீட்டித்து, முன்பு போலவே ஒவ்வொரு ஆண்டும் முதலீடு செய்ய வேண்டும். ஐந்து ஆண்டுகளுக்குப் பிறகு, பிபிஎஃப் கணக்கு முதிர்ச்சியடையும் போது, ​​முதலீட்டாலருக்கு 60 வயது இருக்கும், மேலும் அவரது கணக்கில் உள்ள மொத்தத் தொகை ஒரு கோடியைத் தாண்டியிருக்கும்.

PPF கணக்கின் மூலம் 60,989 ரூபாய் மாதாந்திர ஓய்வூதியம் பெறுவது எப்படி?

PPF கணக்கு நீட்டிப்பு தொடர்பான மற்றொரு விதி ஒன்று உள்ளது. உங்கள் PPF கணக்கை நீட்டிக்கும் போதெல்லாம், உங்களுக்கு இரண்டு விருப்பங்கள் கிடைக்கும்.

- ஒன்று: முதலீடு நீட்டிக்கப்பட்ட பிறகும் தொடரும். 
- இரண்டு: நீட்டித்த பிறகு முதலீடு செய்யப்படாது. 

உதாரணத்தில், இரண்டு முறை உங்கள் கணக்கு நீட்டிக்கப்பட்டு முதலீடு நிறுத்தப்படாமல் இருந்ததை பார்த்தோம். அதனால், தொகை மிக வேகமாக வளர்ந்து வந்தது. ஆனால் இப்போது ஓய்வுக்குப் பிறகு முதலீடு செய்வது எளிதாக இருக்காது. எனவே புதிய முதலீடு செய்யாமல் ஓய்வூதியத்தைப் பெறுவதற்கான நேரமாக இது இருக்கும்.

PPF கணக்கில் புதிய முதலீடு இல்லாமல் ரூ.7,31,869 வட்டி கிடைக்கும். ஓய்வுக்கு பிறகு முதலீட்டாளர், முதலீடு செய்யாமல் கணக்கை தொடங்குகிறார் என வைத்துக்கொள்வோம். எனவே, இந்த முறை திரட்டப்பட்ட வைப்புத்தொகை ரூ.1,03,08,014 ஆக இருக்கும். மேலும் இது ஆண்டின் இறுதியில் ரூ. 7,31,869 வட்டி கிடைக்கும். வட்டி விகிதம் இப்போது  உள்ள அளவிலேயே இருக்கும் என வைத்துக்கொள்வோம்.

இப்போது PPF கணக்கிலிருந்து பணம் எடுப்பது பற்றிய மற்றொரு விதியை பார்க்கலாம். முதலீடு செய்யாமல் PPF கணக்கை நீட்டிக்க நீங்கள் தேர்வு செய்யும் போது, ​​ஒரு நிதியாண்டில் ஒருமுறை பணத்தை திரும்பப் பெறுவதற்கான உரிமை கிடைக்கிறது. முதலீட்டாளர் ஒவ்வொரு வருடமும் வட்டித் தொகையை மட்டும் எடுத்தால் போதும். அதாவது, இப்போது முதலீட்டாளர் ஆண்டுக்கான வட்டித் தொகையான ரூ.7,31,869 ஐ PPF கணக்கிலிருந்து எடுத்து சேமிப்புக் கணக்கில் டெபாசிட் செய்ய வேண்டும். இதுதான் அவரது ஓய்வூதியம். இது 12 மாதங்களாக பிரிக்கப்பட்டால்,  ஒவ்வொரு மாதமும் ஓய்வூதியமாக ரூ.60,989 கிடைக்கும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!