மாநில அரசு ஊழியர்களுக்கு ஷாக்: பழைய ஓய்வூதியம் பாரத்தை அதிகரிக்கும்... எச்சரித்த RBI

Old Pension Scheme: அகவிலைப்படி தொடர்பான பழைய ஓய்வூதியத் திட்டம் குறித்து இந்திய ரிசர்வ் வங்கி எச்சரிக்கை விடுத்துள்ளது. இதை நடைமுறைப்படுத்துவது மாநிலங்களின் நிதிநிலையில் அதிக அழுத்தத்தை ஏற்படுத்தும் என்றும், இதனால் வளர்ச்சி தொடர்பான செலவுகளுக்கான அவற்றின் திறன் குறையும் என்றும் ரிசர்வ் வங்கி கூறியுள்ளது. 'மாநிலங்களின் நிதி: 2023-24 பட்ஜெட் பற்றிய ஆய்வு' என்ற தலைப்பில் ரிசர்வ் வங்கி வெளியிட்டுள்ள அறிக்கையில், சமூகத்திற்கும் நுகர்வோருக்கும் தீங்கு விளைவிக்கும் பொருட்கள் மற்றும் சேவைகள், மானியங்கள் மற்றும் பரிமாற்றங்கள் மற்றும் உத்தரவாதங்கள் ஆகியவை அவற்றின் நிதிநிலையை மோசமாகி ஆபத்தான நிலையை அடையும் என்றும் கூறப்பட்டுள்ளது. 

ராஜஸ்தான், சத்தீஸ்கர், ஜார்கண்ட், பஞ்சாப் மற்றும் இமாச்சல பிரதேச அரசுகள், தங்கள் ஊழியர்களுக்கு (State Government Employees) பழைய ஓய்வூதிய திட்டத்தை (Old Pension Scheme) அமல்படுத்துவது குறித்து, மத்திய அரசு மற்றும் ஓய்வூதிய நிதி ஒழுங்குமுறை மற்றும் மேம்பாட்டு ஆணையம் (PFRDA) ஆகியவற்றுக்கு தெரிவித்துள்ளன என்பது குறிப்பிடத்தக்கது. புதிய ஓய்வூதியத் திட்டத்தில் தங்கள் ஊழியர்களின் பங்களிப்புத் தொகையைத் திரும்பப் பெற இந்த மாநில அரசுகள் கோரிக்கை விடுத்துள்ளதாக நிதி அமைச்சகம் சமீபத்தில் நாடாளுமன்றத்தில் தெரிவித்துள்ளது.

ரிசர்வ் வங்கி அறிக்கை

அதில், "உள் மதிப்பீட்டின்படி, அனைத்து மாநில அரசுகளும் தேசிய ஓய்வூதிய முறைக்கு (National Pension Scheme) பதிலாக பழைய ஓய்வூதிய முறையை மாற்றினால், ஒட்டுமொத்த நிதிச்சுமை என்பிஎஸ்-ஐ விட 4.5 மடங்கு அதிகமாவதற்கான சாத்தியம் உள்ளது. கூடுதல் சுமை 2060ல் ஆண்டு மொத்த உள்நாட்டு உற்பத்தியில் (ஜிடிபி) 0.9 சதவீதத்தை எட்டும். 

இதனால் பழைய ஓய்வூதிய முறையின் கீழ் வரும் ஓய்வு பெற்றவர்களுக்கு ஓய்வூதியச் சுமை அதிகரிக்கும் என்று அறிக்கை கூறுகிறது. இவர்களில் கடைசித் தொகுதியினர் 2040களின் தொடக்கத்தில் ஓய்வு பெறுவார்கள். எனவே, இவர்கள் 2060 வரை ஓபிஎஸ் கீழ் பழைய ஓய்வூதிய முறையின் கீழ் ஓய்வூதியம் பெறுவார்கள்." என்று கூறப்பட்டுள்ளது.

ரிசர்வ் வங்கி (Reserve Bank Of India) அறிக்கையில், “இவ்வாறு மாநிலங்கள் பழைய ஓய்வூதியத்திற்கு மாறுவது ஒரு பெரிய பின்னடைவாக இருக்கும். இந்த நடவடிக்கை கடந்த கால சீர்திருத்தங்களின் ஆதாயங்களின் மதிப்பை குறைக்கும். மேலும் எதிர்கால சந்ததியினரின் நலன்களுக்கு பாதகமாக இருக்கும்." என்று கூறப்பட்டுள்ளது. 

சில மாநிலங்கள் 2023-24 ஆம் ஆண்டில் மொத்த உள்நாட்டு உற்பத்தியில் (மாநில மொத்த உள்நாட்டு உற்பத்தி) நான்கு சதவீதத்திற்கும் அதிகமாக நிதிப் பற்றாக்குறைக்கான பட்ஜெட் நிர்ணயித்துள்ளன என்று அறிக்கையில் கூறப்பட்டுள்ளது. அதே நேரத்தில் அகில இந்திய சராசரி 3.1 சதவீதமாக உள்ளது. அவற்றின் கடன் அளவும் ஜிஎஸ்டிபியில் 35 சதவீதத்திற்கும் அதிகமாக உள்ளது, அதே சமயம் அகில இந்திய சராசரி 27.6 சதவீதமாக உள்ளது. "சமூகரீதியில் பாதகமான பொருட்கள் மற்றும் சேவைகள், மானியங்கள், இடமாற்றங்கள் மற்றும் உத்தரவாதங்களுக்கான எந்தவொரு கூடுதல் ஏற்பாடும் அவற்றின் நிதி நிலையை மோசமாக்கும் மற்றும் கடந்த இரண்டு ஆண்டுகளில் எட்டப்பட்ட ஒட்டுமொத்த நிதி வலிமையைத் தடுக்கும்" என்று RBI அறிக்கையில் மேலும் தெரிவிக்கப்பட்டுள்ளது.

அறிக்கையின்படி, 2021-22 ஆம் ஆண்டில் மாநிலத்தின் நிதிநிலையில் ஏற்பட்ட முன்னேற்றம் 2022-23 ஆம் ஆண்டிலும் தொடரும். மாநிலங்களின் ஒருங்கிணைந்த மொத்த நிதிப்பற்றாக்குறை (ஜிஎஃப்டி) மொத்த உள்நாட்டு உற்பத்தியில் (ஜிடிபி) 2.8 சதவீதமாக உள்ளது - இது தொடர்ந்து இரண்டாவது ஆண்டாக பட்ஜெட் மதிப்பீடுகளுக்குக் கீழே உள்ளது. வருவாய் பற்றாக்குறை குறைந்ததே இதற்கு முக்கிய காரணம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!