New Delivery System LPG Cylinders: நாட்டின் அனைத்து எண்ணெய் நிறுவனங்களும் நவம்பர் 1 முதல் எல்பிஜி சிலிண்டர்களை சப்ளை செய்வதில் புதிய விநியோக முறையை செயல்படுத்த உள்ளன. வாடிக்கையாளர்களின் (Consumers) மொபைல் எண்ணுக்கு OTP அனுப்பப்படும். அதை சிலிண்டர் சப்ளை செய்ய வரும் ஊழியர்களிடம் கூறினால் மட்டுமே சிலிண்டர் வழங்கப்படும். ஓடிபி (One-Time Password) எண்ணை கொடுக்காத வாடிக்கையாளர்களுக்கு இனி சிலிண்டர்கள் வழங்கப்படாது என்று எண்ணெய் நிறுவனங்கள் முடிவு செய்துள்ளன. கறுப்பு சந்தைப்படுத்தல் ஆகியவற்றிலிருந்து திருட்டைத் தடுக்க எண்ணெய் நிறுவனங்கள் இந்த முடிவை எடுத்துள்ளன. சிலிண்டர் சரியான வாடிக்கையாளரை அடைய OTP அடிப்படையிலான விநியோக முறை பின்பற்றப்படுகிறது.


COMMERCIAL BREAK
SCROLL TO CONTINUE READING

வாடிக்கையாளர்கள் முன்பு போலவே சிலிண்டர்களை (Bokking LPG Cylinders) ஆர்டர் செய்யலாம், ஆனால் இப்போது OTP எரிவாயு நிறுவனத்தில் பதிவு செய்யப்பட்ட மொபைல் எண்ணுக்கு அனுப்பப்படும். இதற்காக, எண்ணெய் நிறுவனங்கள் விநியோக அங்கீகார குறியீடு பயன்பாட்டை உருவாக்கியுள்ளன.


இந்த குறியீடு (Delivery Authentication Code) எண்ணை சிலிண்டர் சப்ளை செய்ய வரும் ஊழியர்களிடம் சொல்ல வேண்டும். வாடிக்கையாளர் இந்த குறியீட்டை டெலிவரி ஊழியர்களுக்கு கொடுத்தவுடன், அவர் அதை எண்ணெய் நிறுவனங்களில் பதிவு செய்வார். பின்னர் சிலிண்டர் விநியோகத்திற்கு ஒப்புதல் அளிக்கப்படும். ஒரு வாடிக்கையாளர்களிடம் OTP எண் இல்லையென்றால், அவர்க்கு சிலிண்டர் வழங்கப்படாது.


ALSO READ | சிலிண்டர் விலை உயர்வு: ஸ்மிருதி இரானியின் படத்தை பகிர்ந்து பாஜகவை கேலி செய்த ராகுல் காந்தி


மறுபுறம், நீங்கள் எரிவாயு நிறுவனத்தில் பதிவு செய்த மொபைல் எண் உங்களிடம் இல்லை என்றால், அதைப் பற்றி கவலைப்படத் தேவையில்லை, ஏனெனில் டெலிவரி ஊழியர் உங்கள் புதிய மொபைல் எண்ணை பயன்பாட்டில் உள்ளிட்டு பதிவு செய்ய முடியும்.


இதற்குப் பிறகு, அப்பொழுதே OTP ஐ உருவாக்க முடியும். அதே நேரத்தில், வாடிக்கையாளர்களின் முகவரி மற்றும் மொபைல் எண் தவறாகக் கண்டறியப்பட்டால் அவர்களுக்கு சிலிண்டர் விநியோகத்தை நிறுத்த முடியும். இந்த புதிய விதிமுறை முதல் கட்டமாக முக்கிய பெரும் நகரங்களில் மட்டுமே செயல்படுத்தப்படுகிறது. அதேபோல இந்த புதிய விதிமுறை உள்நாட்டு LPG சிலிண்டர்களுக்கு மட்டுமே பொருந்தும். வணிக சிலிண்டர்களுக்கு (Commercial LPG Cylinders) இதிலிருந்து விலக்கு அளிக்கப்பட்டுள்ளன.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G


Apple Link - https://apple.co/3loQYeR