மத்திய அரசு ஊழியர்களுக்கு முக்கிய அப்டேட்: இதை செய்யவில்லை என்றால் NPS ஓய்வூதியம் கிடைக்காது

National Pension System: மத்திய அரசு ஊழியர்களுக்கு ஒரு முக்கிய செய்தி உள்ளது. மத்திய அரசு ஊழியர்கள் அனைவரும் தேசிய ஓய்வூதிய முறையின் (NPS) உறுப்பினர்களாக சேர்க்கப்படுகிறார்கள். ஊழியர்கள் பணியில் சேரும் போது தங்களது டெர்மினல் பலன்களை தேர்வு செய்ய வேண்டும். பணியாளர் மற்றும் ஓய்வூதியத் துறை அமைச்சகம், ஓய்வூதியம் மற்றும் ஓய்வூதியம் பெறுவோர் நலத் துறை அக்டோபர் 26ஆம் தேதி வெளியிட்ட அலுவலகக் குறிப்பில் இந்தத் தகவல் தெரிவிக்கப்பட்டுள்ளது. அதை பற்றி இந்த பதிவில் காணலாம்.

அக்டோபர் 26 ஆம் தேதி வெளியிடப்பட்ட உத்தரவின்படி, ஊழியர்கள் தங்கள் இறப்பு, இயலாமை அல்லது ஊனமுற்ற நிலை போன்ற சந்தர்ப்பங்களில், தேசிய ஓய்வூதிய அமைப்பின் கீழ் பலன்களை பெற வேண்டுமா அல்லது பழைய ஓய்வூதிய திட்டத்தின் (Old Pension Scheme) கீழ் பலன்களைப் பெற வேண்டுமா என்பதைத் தீர்மானிக்க படிவம் 1 ஐ நிரப்ப வேண்டும்.

Form 1: படிவம் 1 -இன் பயன்பாடு

படிவம் 1 மூலம், NPS இன் கீழ் ஓய்வூதிய பலன்கள் வழங்கப்படுமா அல்லது பழைய ஓய்வூதிய முறையின் கீழ் (Central Civil Service Pension Rules) ஓய்வூதிய பலன்கள் வழங்கப்படுமா என்பதை பணியாளர்கள் முடிவு செய்யலாம்.

பணியில் சேரும் போது இதை கட்டாயம் சமர்ப்பிக்க வேண்டும்

பணியாளர்கள் சேவையில் சேரும் போது இந்தப் படிவத்தை கண்டிப்பாக சமர்ப்பிக்க வேண்டும். மேலும், ஏற்கனவே சேவையில் உள்ள மற்றும் NPS இன் கீழ் என்பிஎஸ் உறுப்பினர்களாக (NPS Members) உள்ள ஊழியர்களும் இந்த விருப்பத்தை கட்டாயமாக தேர்வு செய்ய வேண்டும்.

Form 2: படிவம் 2 ம் அவசியம்

படிவம் 1 உடன், அனைத்து ஊழியர்களும் குடும்ப விவரங்கள் அடங்கிய படிவம் 2 ஐயும் தங்கள் அலுவலகத் தலைவரிடம்  சமர்ப்பிக்க வேண்டும்.

திணைக்களங்கள் மற்றும் அமைச்சுக்களுக்கு அறிவுறுத்தல்

- முன்னதாக, இந்த செயல்முறையை முடிக்க ஊழியர்களுக்கு அறிவுறுத்தப்பட்டது.
- ஆனால் இன்னும் பல துறைகள் மற்றும் அமைச்சகங்கள் அதை முழுமையாக பின்பற்றவில்லை என்பது தெரியவந்தது.
- ஆகையால் மீண்டும் ஒரு முறை இது குறித்து அறிவுறுத்தப்படுள்ளது.

இணக்கத்திற்கான கடுமையான வழிமுறைகள்

- இந்த உத்தரவு மத்திய சிவில் சர்வீசஸ் (என்பிஎஸ் அமலாக்கம்) விதிகள், 2021ன் கீழ் வருகிறது என்பது குறிப்பிடத்தக்கது.
- மேலும் அனைத்து ஊழியர்களும் விரைவில் படிவம் 1 மற்றும் படிவம் 2 ஐ சமர்ப்பிக்குமாறு மீண்டும் அறிவுறுத்தப்பட்டுள்ளனர். 
- இந்த செயல்முறையுடன் முழுமையாக இணங்குவது அனைத்து ஊழியர்களுக்கும் முறையான ஓய்வூதிய பலன்களைப் பெறுவதை உறுதி செய்யும்.
- மேலும் விதிகள் சரியாக பின்பற்றப்படுவதையும் இது உறுதி செய்யும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!