NPS விதிகளில் மிகப்பெரிய மாற்றம்: இனி இதை செய்தால்தான் பணம் எடுக்க முடியும்!!

NPS Withdrawal Rules: தேசிய ஓய்வூதிய அமைப்பின் முதலீட்டாளர்களுக்கு ஒரு பெரிய செய்தி உள்ளது. ஓய்வூதிய நிதி ஒழுங்குமுறை மற்றும் மேம்பாட்டு ஆணையம் (PFRDA) பங்குதாரர்கள் NPS இன் கீழ் பணத்தை எடுக்க 'பென்னி டிராப்' சரிபார்ப்பை கட்டாயமாக்கியுள்ளது. இது பங்குதாரர்களின் பணம் சரியான நேரத்தில் மாற்றப்படுவதை உறுதி செய்யும்.

Penny Drop Verification கட்டாயம் ஆனது

'பென்னி டிராப்' (Penny Drop) செயல்முறையின் கீழ், மத்திய பதிவு பராமரிப்பு முகவர்கள் (CRAs) வங்கி சேமிப்புக் கணக்குகளின் செயலில் உள்ள நிலையைப் (active status) பார்த்து, வங்கிக் கணக்கு எண் மற்றும் 'பிரான்' (நிரந்தர ஓய்வூதியக் கணக்கு எண்) அல்லது தாக்கல் செய்யப்பட்ட எண்ணைச் சரிபார்க்கிறார்கள். மேலும் பங்குதாரரால் கொடுக்கப்பட்ட ஆவணங்களில் உள்ள பெயர்களுடன் பொருந்திப்பார்க்கிறார்கள்.

இந்த விதிமுறைகள் NPS, அடல் பென்ஷன் யோஜனா (APY) மற்றும் என்பிஎஸ் லைட் (NPS Lite) ஆகியவற்றில் செய்யப்படும் அனைத்து விதமான வித்ட்ராயல்களுக்கும் (எப்போது பணம் எடுத்தாலும்), வாடிக்கையாளர்களின் வங்கிக் கணக்கு விவரங்களில் ஏற்படும் மாற்றங்களுக்கும் பொருந்தும்.

பென்னி டிராப் சரிபார்ப்பு என்றால் என்ன தெரியுமா?

ஒரு சிறிய தொகையை பயனாளியின் வங்கிக் கணக்கில் டெபாசிட் செய்து, பென்னி டிராப் பதிலின் அடிப்படையில் பெயரைப் பொருத்தி ‘சோதனை பரிவர்த்தனை’ செய்யப்பட்டு, அதன் மூலம் கணக்கின் செல்லுபடியாகும் தன்மை சரிபார்க்கப்படுகிறது.

PFRDA இன் சமீபத்திய அறிவிப்பின்படி, பெயர் பொருத்தம், வெளியேறுதல்/திரும்பப் பெறுதல் விண்ணப்பங்களைச் செயலாக்குதல் மற்றும் வாடிக்கையாளரின் வங்கிக் கணக்கு விவரங்களை மாற்றுதல் போன்றவற்றுக்கு பென்னி டிராப் சரிபார்ப்பு செயல்முறை வெற்றிகரமாக இருக்க வேண்டும்.

இந்த புதிய விதி ஓய்வூதியம் தொடர்பான அனைத்து பணம் எடுக்கும் செயல்முறைகளுக்கும் பொருந்தும்

அடல் பென்ஷன் யோஜனா, பென்ஷன் சிஸ்டம், என்பிஎஸ் லைட் போன்ற அனைத்து ஓய்வூதிய வைப்புகளிலிருந்து பணம் எடுக்கவும், அதாவது வித்ட்ரா செய்வதற்கும் இந்த விதி பொருந்தும். மேலும், ஓய்வூதியம் பெறும் வாடிக்கையாளர்களின் வங்கிக் கணக்குகளில் விவரங்கள் மாறும்போதும் இதே நடைமுறை பின்பற்றப்படும். அதனால் சரிபார்ப்பதில், அதாவது வெரிஃபிகேஷன் செய்வதில் சிக்கல் இருக்காது.

CRA ஆல் பென்னி ட்ராப்பை உறுதிப்படுத்த முடியாவிட்டால், வாடிக்கையாளரின் வங்கிக் கணக்குத் தகவலை திரும்பப் பெறுதல் / திரும்பப் பெறுதல் அல்லது மாற்றுவதற்கான எந்த கோரிக்கையும் ஏற்றுக்கொள்ளப்படாது என்று ஓய்வூதிய ஒழுங்குமுறை மற்றும் மேம்பாட்டு ஆணையம் தெரிவித்துள்ளது. காரணம் எதுவாக இருந்தாலும், பென்னி டிராப் சரிபார்ப்பு தோல்வியுற்றால், CRA ஆனது, உரிய வழிமுறைகளை பின்பற்றி வாடிக்கையாளரின் வங்கிக் கணக்குத் தகவலைத் திருத்துவதற்கு சம்பந்தப்பட்ட நோடல் அலுவலகம்/இடைத்தரகரிடம் இந்த பிரச்சனையை எடுத்துச்செல்லும். 

CRA வாடிக்கையாளருக்கு மொபைல் மற்றும் மின்னஞ்சல் மூலம் பென்னி டிராப் தோல்வி குறித்து தெரிவிக்கும். மேலும் நோடல் அதிகாரி அல்லது POP ஐ தொடர்பு கொள்ளுமாறு அவர்களுக்கு அறிவுறுத்தும்.

சரிபார்ப்பு தோல்விக்கான காரணங்கள்:

- தவறான கணக்கு வகை அல்லது கணக்கு எண்

- தேவையான விவரங்கள் புதுப்பிக்கப்படவில்லை என்றால்

- செயலற்ற அல்லது மூடப்பட்ட கணக்கு.

- பெயர் அல்லது பிற விவரங்கள் தவறாக இருந்தால்

- தவறான அல்லது செயலற்ற IFSC குறியீடு.

சரிபார்ப்பு தோல்வியுற்றால் என்ன நடக்கும்?

ஓய்வூதியதாரரின் பென்னி டிராப் சரிபார்ப்பு தோல்வியுற்றால், விவரங்களில் மாற்றம், என்பிஎஸ் (NPS) இலிருந்து பணத்தை எடுப்பது போன்ற எந்த விண்ணப்பங்களும் ஏற்றுக்கொள்ளப்படாது. இந்த நிலையில் நீங்கள் அனைத்து சரியான தகவல்களையும் மீண்டும் சமர்ப்பிக்க வேண்டும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!